شفت إن الحمل حلم بعيد - بس ما على الله شي بعيد

[نكهةالبرتقال]

الحمد لله الحمد لله الحمد لله

بنات أنا مو كاتبة مني عشان أبث مشاعري السلبية

و منو فينا ما عندها مشاعر سلبية

بس أنا كاتبة عشان نفرغ هذي المشاعر السلبية و نطردها بعدين نفليها وحدة وحدة

و نقطها بالمحيط الهادي

أنا وحدة و لله الحمد صار لي أنتظر الحمل من 36 شهر تقريبا

شهر بعد شهر

وايد أشهر أحلل بالمختبر - وايد أشهر أحلل بالبيت - ووايد أشهر ما أحلل و أنتظر الدورة :eh_s(2):

و لي نزلت أدري إن اهي ما نزلت إلا بأمر ربي - اللي اهو ارحم فيني من والديني

مرات اييني احساس إن أنا عمري ماراح أحمل

إحساس باليأس و الاحباط و طبعا اهو من الشيطان

أطرح هالاحساس الكاذب ابعيد

يمكن صح أنا مو متخيلة إني بيوم من الأيام ممكن أحمل - بس لأن أنا بشر مالي حول و لا قوة

لكن لو سلمت هالموضوع عند باب رب العالمين --- اللي له الحول و القوة كلها

فراح يرزقني - و يرضيني بعطاءه - لكن بالوقت اللي اهو يعلمه مناسب لي

و كل تأخيرة فيها خيرة

و أحاول أسلي نفسي - افتح المصحف - او ارتب اغراضي - اوادش المطبخ اسوي كيكة

اللهم إني أسلمت نفسي إليك و فوضت أمري إليك


كل وحدة يا بنات تذكر مشاعرها السلبية و تذكر شلون تحاول تتغلب عليها

 

[سيدة فيروز]

الله يرزقنا جميعا بالذريه الصالحه
ولاتئسي من رحمت ربي وكل تاخره فيها خيره حبيبتي

 

[مناي]

فعلا مافيه شي على الله بعيد انا اجهضت شهر 11 وحملت شهر 2 بدون علاج ولا منشطات ربي الرازق سبحانه

 

[حساسة مصر]

اللهم يا ذا الوجه الاكرم والاسم الاعظم والعطية الجزلى يارب ترزق كل محرومه ومحروم الذريه الصالحه المعافاه وتفرح قلبهم

 

[قلب مغليك]

سبحان الله كل شي له حكمة وانا والله الحمدالله عندي يقين انه خيره لي الحمدالله على كل شي

 

[ice-moon]

الله قادر على كل شي

هو اللي يملكنا ويملك كل من في الكون


انا ولله الحمد مريت بنفس الظروف واظن تعرفيني يانكهة بتجمعنا تأخر الانجاب

كلنا نشكي لبعض همومنا


حبيبتي الصبر مفتاح الفرج

ولله الحمد انا كنت اتتظر الحمال ٣ سنوات ونص

والحمد الله الله رزقني بيوم وليله

سبحانه كن فيكون

بناااااات اوصيكم بقيااام الليل

في اية بسورة السجده تقول:

تَتَجَافَى جُنُوبُهُمْ عَنِ الْمَضَاجِعِ*
يَدْعُون َرَبَّهُمْ خَوْفًا وَطَمَعًا

صدق الله العظيم

تخيلي تقومين من عز نومج علشان تصلين وتقومين الليل وتدعين ربج

الله كررررريم سمييع مجيب

ودائما حطوا بالكم هالآيه:
{وَلَـسَوْفَ يُعْـطِيكَ رَبـُّـكَ فَـتَرْضَى}

صدق الله العظيم

 

[مواصله]

كل شيئ بأمر الله سهل

انا قبل كم شهر قالت لي الطبيبه مستحيل تحملين الا عن طريق اطفال الانابيب


املي بالله كبير وهو سبحانه امرنا مانرد سائل عند بابنا،،واحنا سائلينه ومحتاجينه وواقفين عند بابه الكريم

مستحيل يردنا خايبين

نصيييحه شغلي سورة البقره بأستمرار قومي الليل تصدقي،،اصغر المعاصي ابتعدي عنها

ادعي ربك بألحاح وكوني متأكده ومتيقنه انه مابيردج خايبه


توني حللت قبل كم يوم والحمدلله ربج كريم حامل والفاااااااال لكم حبايبي

 

[سعودية بالكويت]

أنا كل ماحسيت بالإحباط وجتني ضيقة بصدري

ذكرت نفسي ( ولا تقنطوا من رحمة الله )

وربك كريم بعد أسبوعين بكمل السنة على زواجي

ومن أول شهر وأنا مراجعات وكلوميد وأبر تفجيرية

ولا تهنيت بأحلى أيام حياتي بس كنت شايلة بصدري

وأبين إن الوضع عادي ومو مضايقني عشان زوجي

مايتضايق بس هالشهر مارحت أراجع التبويض وكلتها

على ربي ونعم الوكيل هو الرزاق أنا اليوم لي 15 من الدورة

والله كريم ينعمني ويكرمني بتلقيح بويضتي بدون أبرة تفجيرية :yaaaaaarb:​

 

[Q8_QT]

يارب يرزقج ويرزق كل محرومة يارب الله كريم احنا ناخذ بالاسباب والباجي على الله اكثري من الاستغفار وقيام الليل والدعاء وإن شاءالله ماتعدي هالسنة إلا شايلة ضناج بيدج بإذن واحد أحد

 

[نف نف22]

عدل كلامج وكلامج عجبني عطاني امل واملي بالله كبير اللهم لا اعتراض عسى التاخير فيها خيره وماندري شنو الله كاتب لنا , وانا عايشه الانتظار صارلي 5 سنين صاااابره ومتوكله علي الله سبحاانه ان ربي يعوضني خير ويصبرني , ساعات ابجي علشااان ارتااح وساعات اشكي حق نفسي ولا احد يسمعني غير ربي سبحاانه ادخل هالمنتدي علشاان اشووف اللي مثلي عايشين وشلوون صااابرين وبشنو حاسين مثلي ولا لا يشكون مثلي ولا لا ,ولما اشوووفكم ارتاااااااااااح حيل والله يعلم والحمدالله علي كل حاااااااااااااااااااااااااااااااااال

 

[يتيمــــه]

عسي الله يرزززق
كل محرووومه
بالضنا المعافي
يارررررررررب

 

[قلب مغليك]

سبحانك اللهم بحمدك أستغفرك وأتوب إليك
ياحي يايقوم برحمتك استغيث
ربي لاتذرني فردا وانت خير الوارثين

 

[منور الإماراتية]

ماعندي تعلييق ع رمستــج

بس الي حابه اقوله لـــــــج


الله يووفقج في حيااتج ويرزقج الذريه الصالحه والسليمه قريباا يا اكرم الاكرميــــن

 

[الباحثات عن الجمال]

يا حياتي ربنا كريم وعنده كتير عليكي بالاستغفار ويا رب يرزقك والجميع الذرية الصالحة آمين.

 

[نكهةالبرتقال]

حياكم حبايبي على المرور
قريت الردود و زادتني قوة



مواصلة الله يبارك لك و الله فرحتلك

 

[حلمي الأمومة]

انا مسلمة امري لله تصدقيين ان انا وزوجي متفقين خلاص نروح للفريق البلجيكي نسوي حقن مجهري وحتى المبلغ مزهببينه وكل شي بس فجأة حسيته مقفل ومتضايق سكت وماقلت له شي توقعت من برا البيت صاير له شي وخليته على راحته


وهذاك اليوم قالي بقولج شي وماتزعلييين عاد انا قلت شسالفة ؟؟
قال مانبي نعالج وانا بوقف البروكسيد بلس وكل شي وبنخليها على الله
وحدددددددة متضايق قلت كيفك الي يريحك سوة وانا معاك

سكت وماناقشني ولا ناقشته


قعدت برووحي وقلت يااارب انت وحدك الي عالم بحالي اكتب لي الخير وفرج همي قريب

وسلمت امري كله لله

وارتحت جدااااااا

الله كريم

يعلني ان شاء الله ادخل للمنتدى وافرح بخبر حملج يانكوهه قريب موبعييد وكل بنات القسم

اميين

 

[جبنة بيضة]

قريت كلامج و دمعتي على خدي

سبحان كل تأخيره فيها خيره و رب العالمين سبحانه ما يكتب لنا شي الا فيه خير


و على قولتج إحنا بني أدم ما لنا لا حول و لا قوة الا انه نتوكل على رب العباد

أنا طيحت شهر ١٢ و تعبت نفستي حيل بس حمدالله على كل الأني واثقه أنه ربي بعوضني بالي أحسن منه

دائماً تأكدوا أنه حكمه و رحمه رب العالمين فوق كل شي

و يارب يا أرحم الراحمين ترزقني أنا و نكهه برتقال و كل البنات يارب يارب

 

[نكهةالبرتقال]

حياكم حبايبي جبنة بيضة - الله يعوضك بالضنا الصالح

حلومة - حبيبتي - الله يرزقك من غير ما تحتسبين بحمل طبيعي و قريبا جدا يارب

آيس مون - انت صج آيس الله يحفظك كلامك برد على قلبي

 

[نكهةالبرتقال]

الباحثات - حساسة - نفنف - منور - قلب - يتمية-كويت qt- مناي -فيروز

حبايبي كلكم عسل الله ينولكم اللي فبالكم و ييسرلكم طاعته

 

[الريشة]

شوفي اللي أسوأ منك و قولي الحمدلله..
اختاري بين شيئين:
إنه يتأخر حملك فترة معينة و بعدين تحملين و يثبت و اتييبين طفل تفرحين فيه؟
أو تحملين بسرعة و تفرحين و بعدين يصير فيك إجهاض و يتكرر معاك هالشيء أكثر من مرة و تحسين بالخوف و الرعب من الحمل؟