شـنـو احسن حبوب لمنع الحمل

[سعادة قلبي وياه]

بنات بلييييييز فيدوني بعد ما اولد مابي يصدني اللي صادني ولدت وححملت

ابي حبوب منع الحمل مضمووووونة صج صج

 

[سعادة قلبي وياه]

وايد عددو لي بس ماعرف شنو الاحسن

جراسيال او جنيرا او مارفيلون

 

[شووقة]

مارفلون تهبل

 

[Om_SalmaN]

غراسيال حلوه

 

[تخيل اعطيك وجه]

انصحج باللصقه

 

[Ranoon]

اب حابه اعرف وأخذ حبوب عقب حمالي هذا

 

[مارياq8]

الحين انا بالثامن ومفكره اخذ حبوب بعد ولاتي بس كلش ماعندي خبره ما عمري خذينهم

 

[~Rou7~]

انا جربت مارفيلون والياسمين وكلهم مو حلوين اهئ اهئ
المارفيلون متنتني حيل والياسمين احس طول الفتره الي كنت اخذهم فيها كان يجيني ضيق نفس
مرات ما اقدر ابلع الاكل ودايم احس بنغزات خفيفه باي مكان بجسمي بس عموما ارتحت للياسمين اكثر وترا كل وحده تختلف عن الثانيه وانا مثلج كنت ابي شي يمنع الحمل عشان ماتصير سوالف حملت بالغلط هههههه والا ما افكر اخذ أي حبوب اخاف

 

[New_bride]

انا جربت مارفيلون
ماقدر افيدج لاني ماستمريت غير شهر واحد
وتركتها متنت عليها
ودايما الدكاتره يقولون حبوب منع الحمل تلعب فالجسم فتره لين يتعود الجسم

انا مثلج حملت بسرعه بعد حملي القبلي
وحاطه فبالي اركب لولب

 

[ملكه الحطب]

الله يعيييين
انا بعد ابي شي مضمون ومايلعب بالجسم ابي اقعد سنتين ثلاث