شــلون ااسوي دياي بالفرن

[درة أهل الطولات]

شنووو طريقة الدياي بالفرن

ابي الخطوات

وشحط معاه

وجم حرارة الفرن اخليهاااا

حتى المدة جم

 

[أم عزيـز]

شوفيي حبيبتي في كذا طريقه وعلى فكره ما يبيله شي كلش
انا بعطيج طريقتي :

اول شي تغسلين الديايه عدل بماي وبعدين تحطين عليها شوي خل وتفركينها وترجعين تغسلينها بماي

والتتبيله راح تكون (ملح - فلفل اسود - ثوم مدقوق - بصل حلقات - كمون - خل اسود - عصير ليمون - قفشتين كبار مايونيز - صويا صوص - كركم - وزيت زيتون )
حطي هالشغلات كلها على الديايه وتبليها فيها وخليها بالثلاجه لي مده ساعتين الى 4 ساعات

وعلى جنب اذا عندج بيبي بتيتو (بطاط صغاااااااااار) قصيه انصاف وثوم على عداله وجزر صغار او جزر كبار مقطع حلقات و فلفل بارد

اهم شي في الشوي بالنسبه لي كيس الشوي بالفرن اشتريه من الجمعيات وقبل لا تحطين الديايه داخله اول احشي بطن الديايه بجم فص ثوم على عداله وبصل وفلفل بارد وبعدين حطيها في الجيس والتتبيه لا تقطينها !! حطي عليها الجزر والبطاط اللي باقي والفلفل البارد والبصل وخلطيهم عدل وبعدين حطيهم فوق الديايه داخل جيس الشوي (مرات اذوب مكعب ماجي في ربع قلاص ماي حار واحطه فوقهم )

المهم دخليه الفرن وشغليالفرن من تحت بس وخليه من ساعه الى ساعه وربع وان شاء الله راح تدعيلي

 

[ريم الصبايا]

نفس كلام ام عزيز


بس انا اضيف معه خضره بطاط جزر كوسا زهره

 

[جارة القمر]

مشكووورييييييييييييييين

 

[درة أهل الطولات]

سهللللللللللللللللللل

مشكورين

 

[مس يو]

شوفي طريقتي ان شاء الله تعجبج...

حطي بالخلاط 2 قوطي روب + بصلة مقصصة شوي + جم فص ثوم + بهارات مشكله + شوي فلفل + ملح + اصبع زنجبيل

وخلطيهم عدل مدل لما يتجانس الخليط مع بعض وينهرس

وتكونين غاسله الدياية عدل وناقعتها بشوي خل عن الزفر بعدين غسليها مره ثانية وشيلي الجلد احسن..

حطي الدياي بصينية الفرن وصبي الخلطة عليه وخليه بالثلاجه ليلة كامله وباليوم الثاني طلعيه وحطيه بالفرن وصبي على الوية شوية دهن

وغطيه بقصدير لمدة ساعة كامله او لحد مايستوي بعدين شيلي القصدير وشغلي عليه من فوق علشان يتحمر الوية ..

وبس قدميه سلطة وبطاط شبس وخبز وبيبسي او اذا تحبين مع عيش مشخول انتي واختيارج..