شــلون أوفـــــر من إعانتـــي مبلغ محترم

[الحورية الصغيرة]

الســـــلام عليــكم


أنا طالبة جامعة و توني ثاني كورس لي


حبيت أعرف طريقه أخش فيها مبلغ محترم من إعاني عشان أبي أعزم أمي على سفره او شاليه الصيف الياي

بس المشكله مو عارفه الطريقة الصح


إعاني كل شهر 100 دينار

تطير على خاربيط

ستار بكس, مركز سلطان , صوالين

ما يطوف 3 أسابيع إلا و بحسابي 10 دنانير بالكثير

و كل وا أحاول أوفر أفشل


فحبيت أطلب منكم طريقه أتبعها عشان أوفر مبلغ محترم حق الصيف الياي


شكرا :eh_s(8):


سوري على سوء الصياغه

 

[الشيخة@]

شوفي حبوبه روحي البنك الي تنزل اعانتش قولي ابي بطاقه لتوفير غير بطاقتي وسوي استقطاع مبلغ50د وبسنه بيصير عندش
600وكذاجمعي شوي شوي

 

[LoLaTi]

اذا اهلج يعطونج مصروف وملابسج عليهم ومصروفج يعني يكون عليهم وفري منها 50 دينار شهريا واذا اهلج معتمدين على ان عندج اعانة وكل شي عليج ف التوفير بكون صعب لان كلها 100 يالله تكفي

 

[كلنا عشاق لكن]

سوي لج قطية (جمعية )مع رفيجاتج أو مع معارفج حتى لو الموظفات
أو بين أهلكم بس إتكون دور واحد لج :rerrerek:
مثلا إنتوا 10 *100 د هذي 1000
وباجي الأشهر سددي لكل وحدة بروح من إعاناتج الجاية بدال لاتصرفيها بشي غير هالجمعية
و الـ 1000 تصرفين وتوفرين منها براحتج
هذي توفير بشكل عكـ سي من الأخير للأول :rerrerek:
​

 

[نسمة الجنوب]

تخيلي ان اعانتج 70 بس وكل شهر وفري 30 دينار
واول ما تنزل اعانتج سحبي ال70 وحطيهم بالبوك وانسي الباقي وبعد جم شهر شوفي جم بتوفرين

 

[الحورية الصغيرة]

مشكورين و يعطيكم ألف عافية و حلوه فكرة الجمعية

شكلي بطبقها مع رفيجاتي الميانه معاهم ~

 

[صدفه نسيتك]

جمعيه مع رفيجاتج او وفري 30 دينار شهريا

 

[بنت الكويت العسل]

اشتري ذهب وبيعي لمن يرتفع بس شغلات خفيفه ومن غيرفصوص

 

[graam atfaal]

وعليكم الســــــــــــــــــــــــــلامـ
مثل ماقالوا البنات سوي جمعيه = )
الله راح يوفقك ان شاءالله بالتوفير لان نيتك للوالده عسى ربي يخليها لك = )​

 

[*حبيبة أعمامها*]

نفس الحاله بالضبط


كل شهر أقول بوفر بس تصير ظروف تخليني اصرفها و ما يبقى لي ألا شوي

كل خالاتي و خوالي مطبقين فكرة الجمعيه بس آنا ما فهمتها كلش على كثر ما شرحوا لي

بس اعجبتني فكرة الـ30 دينار

الشهر اللي طاف فكرت أن أكتب بورقه كل الأشياء الضروريه اللي محتاجتها

و طبقتها

صح أن الفلوس خلصت بسرعه بس قدرت أستفيد منها

و ما ضاعت على أشياء مو محتاجتها