،
،
،
سؤال يطرح نفسه على منصه المنتدى
شلون ترتبون اغراضكم ..
( لبس + مكياج + كتب + اكسسوارات + جنط + احذيه ( كرمكم الله ) وووووو الخ ) ..بحيث توصلين للي تبين بسهوله ؟؟و ان الغرفه يبين انها مرتبه ..
انا عجزت وانا ارتب بهالقشان .. وماكو فايده .. تبقى الغرفه كنها غرفه عزوبي
لا سيرت لرفيجاتي ما القى غرفهم نفسي .. مدري انا اللي قشاني واجد .. ولا ماعرف ارتب نفس الناس
ولا يمكن يقطون الاشياء اللي خلصت موضتها .. وانا لا .. انطر لين يفتحون متحف وانزل فيه اغراضي
وما اقط شي ابد .. كل شي اقول بعدين استفيد منه
من زود الظفر يعني وقبل كنت اجمع كراتين الجواتي ..(عزكم الله ) .. واقول ابغلفهم واحط فيهم قشاني .. لين حققت رقم قياسي بتجميع الكراتين وعقب حذفتهم كلهم بعد ثلاث سنين تجميع .. وياويله اللي يقط كرتون جوتيه قبل
وتقهرني الاشياء الصغيره اللي بغرفتي .. تسوي زحمه وتبين للي يدخلها انا معفسه .. وانا رازتهم يعني ديكور
من تحف وعلب وهالسوالف ... وكله كوووم .. واغراض التدريس كوم ثاني .. هذا وانا توني ماتوظفت
تارسه اربع اكياس من بطايق وهدايا ووسائل صغيره ونماذج ومجسمات .. ومدري وين احطهم .. خاصه اني ابيهم بغرفتي لاني بحتاجهم .. والله لو تشوفهم نوريه الصبيح كان على طول ترقيني الى ناظره مدرسه ،
،
نبي افكاركم بنات في ترتيب غرفكم ؟؟
جناطكم وين تحطونها ؟؟ والمكياج ؟؟ والجواتي عزكم الله ؟؟ وووو؟؟
ولاتبخلون علينا بمساعدتكم .. الله يجزاكم خير
