شــــــــــــــــــــــلون نتعامل مع هالنوع من البشــــــــــر !!

[So0oKaRa]

السلام عليكم
شلونكم ياكويتيات
بما اني عضوه متابعه لهالمنتدى الرائع وحسب قرائتي لبعض مشاكل البنات اللي يطرحونها
القى بعض الحلول الرائعه بصراحه
وآراء سديده
فقلت اطرح عليكم مشكله اعاني منها
لو الظروف والنسب افرضو عليكم وجود شخص (دمه ثقيل )وسخيف جدا بحياتكم
انسانه ماعندها شغله غير انها تقعد وتنتقد الناس وتطلع عيوبهم
وللاسف بعض العيوب اللي تطلعها بالناس تكون موجوده فيها من الاساس يعني عيوبها اهي
انسانه ناطره منج اي كلمه عشان تعلق عليها تعليق سخيف وتضحك الناس اللي حواليج عليج
وانتي تطوفين لها احتراما لاهلها لانهم ناس طيبين وتحبينهم وماتبين تضايقينهم
بس اهي عاده سكوتج ضعف منج لانها تتمادى يوم ورا يوم
هالنوع شلون نتعامل معاهم؟
هل ارد عليها واوقفها عند حدها؟
واخليها تحطلي الف اعتبار لو فكرت مره ثانيه انها تغثني بكلامها السخيف
او اسكت عنها واطوف واقعد اقهر بنفسي بس عشان اهلها الطيبين؟
للعلم فقط انا انسانه مسالمه جدا معاها بس اهي عنيفه ودفشه بكلامها
وبالاول كنت اطوفلها قلت يمكن الله يهديها وتعقل وماكو فايده
فلجأت لحل ثاني قمت ابين لها اني متضايقه قلت يمكن تحس
وهم ماكو فايده
اخر قرار اتخذته اني اتحاشاها عشان افتك من شرها
وللأسف الشديد هم ماياب نتيجه استمرت بحركاتها البايخه
احترت معاها وارجو انكم تعطوني حلول للتعامل مع هالنوع من البشر اللي احس انهم موجودين بكل عايله للأسف

 

[BABY MASTER]

وعليكم السلام

والله يا سكره اللي يغلط عليج لا تعطينه مجال وتضحك عليج الناس و راضيتها لعمرج عشان اهلها؟؟
انزين هي ما سوت لج ولا اهلج اعتبار ولا احترمتج انتي تحترمينها؟!!!
اي يالغلا ردي عليها وقفيها عند حدها خل تستحي ع دمها اذا ما تعلمت الحيا من اهلها انتي علميها اللي مثلها ماينسكت لهم

انتي مو طوفه هبيطه تغلط عليج وتسكتين خليها لي شافتج تقوم من المجلس بكبره!!

,,,,,

 

[أنا Top أنا]

رد : شــــــــــــــــــــــلون نتعامل مع هالنوع من البشــــــــــر !!

اول شي شنو تصير لج اهي معاج بالبيت ؟؟ والا من العايله من بعيد ...

عشان نحكم ونقولج شتسوين معاها

 

[FiOnKa]

ردي عليهاا و علميها و حطي لها حدوود , لانه مو حلوه بحقج انه الناس يضحكون عليج عيب

 

[So0oKaRa]

مشكوره عالرد
اكيد ما اسمح لاحد يغلط علي بس عارفه النوع اللي يقط كلمه بس يضحك على بو غشمره وشفيج قلبتيها جد ومادري شنو؟
وكذا مره رديت عليها بس طبعا بأسلوب ذرب
وهم ماكو فايده احس هالنوع لازم اعطيهم كلام قوي يلا يمكن يصحووون
وانا خايفه ارد عليها وتصك هوشه لانه فعلا واصله حدي منها

 

[So0oKaRa]

يا بنات انتو فهمتو غلط مو تضحك الناس علي انا يمكن خاني التعبير
اهي تقط كلام عساس غشمره بس ماتحمل غشمرتها احسها ثقيله على قلبي
واهي قريبه مني من الاهل

 

[om_dodo]

الله يعينج
اب

اب

 

[&شوارفسكيه&]

ودي افهم
هذي الشخصيه معاج في اليت ولا في الشغل ولا تشوفينها بين فتره والثانيه
واذا اهي تعلق علىى اي كلمه تقولينها \بالعكس بتشوف سكوتج ضعف منج
ردي عليها بس بطريقه ضحك
علقي عليها وعلى كلامها مثل ما تعلق عليج وعلى كلامج
واذا شفتي ان ردج عليها بيزعل احبابج تجاهليها ولا تردين عليهاااا

 

[كرز حالي.]

رد : شــــــــــــــــــــــلون نتعامل مع هالنوع من البشــــــــــر !!

الحقراااااان يقطع المصران

 

[&شوارفسكيه&]

يا بنات انتو فهمتو غلط مو تضحك الناس علي انا يمكن خاني التعبير
اهي تقط كلام عساس غشمره بس ماتحمل غشمرتها احسها ثقيله على قلبي
واهي قريبه مني من الاهل

كنت حاسه انها من الاهل\
عاد يا ربي شيبون قطيعه
اذا كان ردها مضايقج علقي عليها وعلقي وعلقي على كل شي تقوله علشان تعرف غلطتها وتسكت وتنطمممم:cxxxp:


بس شوفي ترى الحريم اشكال في بعضهم مع المجادل والسوالف تزيد وتتليعن
وفي بعضهم لما تدقرينها ما تكررها

 

[So0oKaRa]

ودي افهم
هذي الشخصيه معاج في اليت ولا في الشغل ولا تشوفينها بين فتره والثانيه
واذا اهي تعلق علىى اي كلمه تقولينها \بالعكس بتشوف سكوتج ضعف منج
ردي عليها بس بطريقه ضحك
علقي عليها وعلى كلامها مثل ما تعلق عليج وعلى كلامج
واذا شفتي ان ردج عليها بيزعل احبابج تجاهليها ولا تردين عليهاااا

على فكره اهي مع الكل جذي تقريبا لانه اشوف حتى مع اهلها تتبع هالاسلوب
بس انا مو ميانه معاها وايد عشان تاخذ راحتها جذي
يمكن اهمه يمونون على بعض يتحملون كلامها اما انا لاااااا
والمشكله يوم رديت عليها بنفس اسلوبها تصدقون ازعلت؟
واي انا حاسه اني راح ارتكب جريمه بهالبنت
اهي من الاهل واشوفها بين كل فترة وفتره

 

[&شوارفسكيه&]

اي هالاشكال يغلطون وان رديتي عليهم لو بضحك زعلو
اخخخخخخخخخخخخ
تعلميني بهذي الاشكال خبز ايدي
على العموم اذا ما تواجهينيها بشكل يومي
ما عليج منها طنشيها ولا تخسرين اللي حولج لان الحقران يقطع المصران

 

[So0oKaRa]

كنت حاسه انها من الاهل\
عاد يا ربي شيبون قطيعه
اذا كان ردها مضايقج علقي عليها وعلقي وعلقي على كل شي تقوله علشان تعرف غلطتها وتسكت وتنطمممم:cxxxp:


بس شوفي ترى الحريم اشكال في بعضهم مع المجادل والسوالف تزيد وتتليعن
وفي بعضهم لما تدقرينها ما تكررها

حبيبتي انا من النوع اللي ماحب الملاسن
مالي خلق اتلف اعصابي والاسن فلانه واقعد اتهاوش مع الاوادم
خاصه هالنوع اللي ما يملووووووون من المجادل
بس بصراحه طقت جبدي شكلي بزفها لانه اتبعت كل الاساليب ولا انفعت معاها:jumpon:

 

[أنا Top أنا]

رد : شــــــــــــــــــــــلون نتعامل مع هالنوع من البشــــــــــر !!

اذا اهي معاج بالبيت اللي انتي عايشه فيه

تحاشيها وحاولي تقومين اول ما تجي ولا تعطينها مجال تسولف معاج وتعذري منها قولي مشغوله .. فيني نوم .. تعبانه .. متابعه مسلسل اي شي ... وريحي نفسج منها .. << ترى انا حطيت في بالي انها حماتج

مادري عاد صح او لأ .. والله يعينج !

 

[So0oKaRa]

رد: رد : شــــــــــــــــــــــلون نتعامل مع هالنوع من البشــــــــــر !!

اذا اهي معاج بالبيت اللي انتي عايشه فيه

تحاشيها وحاولي تقومين اول ما تجي ولا تعطينها مجال تسولف معاج وتعذري منها قولي مشغوله .. فيني نوم .. تعبانه .. متابعه مسلسل اي شي ... وريحي نفسج منها .. << ترى انا حطيت في بالي انها حماتج

مادري عاد صح او لأ .. والله يعينج !

والله اتبعت هالاسلوب افتكيت نوعا ما بس هم حاشني طشار
خلاص بنات انا قررت لو ضايقتني مره ثانيه بقعد ازفها بس بذرابه عاد شلون مادري لوووووول
لانه طفح الكيل وهالنوع لازم ينقرص قرصه تعوره حيل عشان يتأدب

 

[الحيـاء ~]

آنا لو مكآنج و تقط علي قطآت جدآم الناس أقعد أضحك لأنه اهي يمكن تبي احتر ؟
فـ ما أبي لهآ هالشي معنه أكون صج محتره
بس أخلي علآقتي معاها سطحيييه حييل و اخلي الكل يلآحظ , عشآن اذا قآلت شي قوي حتى لو مو قصدها
ما يقولون هالشي فيني بيقولون شدرااهاا عنهاا

و الله يعينج عليهاا :**

 

[FiOnKa]

ايي اللحين عرفت النوع اللي تقصدينه مساع فهمت شي ثاني ,,

الله يعينج و ياكره هالنوع من الاوادم ما تدرين اهيا جذي طبع وله تقطط حجي على نحاسه = /

 

[MoonDiamond]

المكان اللي هي فيه لا تقعدين فيه

وعطي نفسج الراحه

والكل بيلاحظ وبيدقرها اذا ما اندقرت من نفسها

 

[يوآش يوآش]

رد : شــــــــــــــــــــــلون نتعامل مع هالنوع من البشــــــــــر !!

ليش تسكتين من الاول

في ناس ماعندها شغل

الا تفرد عضلاتها ع الشخص الساكت

عبالهم اللي يسكت خايف

انا اقول قطيها بويهها وقوليلها

حجي زايد مابي مو تقطعين علاقتج فيها

بس تحطين حدود ..لان شكلها مشوته

ردي انتي شوتيها وعدليها : )

 

[نهايتنا قبر و موت]

لا والله يا الغالية لا تردين ولا شي كبرررري عقلج وعطيهم طاااف بالعكس اهم بيجي يووم ويتحسفوون

عااااادي عااااادي جنج ما تسمعين .~

والله يهديهم يا رب .~