شــريت ســـــــــدر,بس شنو احط معاه زيوت عشان يكثـف شعري ويطولـه؟؟-فيدوني بنــات ^-^

[نور النـور]

الســــلام عليــــكم

بنــات انا شريت سدر
وما استعملتــه ليلحيـن
لأن الحلــوة زايرتني

المهم اوووووووووووووووووول مرة بحياتي راح استخدمه ان شاء الله
من بعد مدح البنات والدنيـا

ابي اعرف جم مرة استخـدمه بالأسبــوع؟ للعلم شعري خفيف من التساقط والأصبـاغ (بس قررت اقطـع الصبـغ نهائيــا)
وشكثـر احطه علا شعري؟؟؟

وشنو اخلـط معاه زيوت
انا شريت خروع, وترشوب, وعندي باراشوت
كافي؟؟ (شرايكم في ترشـوب)؟؟
واذا عندكم خلطات تنحـط مع السدر وتكون زينه وتنـفع وتكثف الشعر فيدوني
بس أمانه تكونون مجربينهـا


فديووني بنات
ربي ان شاء الله يرزقكم بكل اللي تمنووونه ولا يخيب رجاكم
بس فيدووووووني بأحسن شي للسـدر وماينشف شعــــــــــــــــــــري


وشكـرا


:edbf4317b9:
​

 

[برازيليه سعوديه]

رد : شــريت ســـــــــدر,بس شنو احط معاه زيوت عشان يكثـف شعري ويطولـه؟؟-فيدوني بنــات

يسعدني اكون اول وحده ترد حبيبتي انا شعري طاح من الصبغ نفسج بس بديت استعمله مع الحنه او ممكن تحطينه على شعرج نفس الحنه بروحه مع ماي وممكن تحطين سدر مع زيت وتحطين على فروة راسج والزيت على شعرج واتمنى البنات اللي مجربين شي واستفادوا يفيدونا بخبرتهم ... والسدر مفيد وينبت الشعر بس يبيله صبر ولاتقطعينه مره وحده لا خففي استعماله شوي شوي مثلا اول شي استخدميه 3مرات بالاسبوع عقب مرتين عقب مره وبعد مدة خليه كل اسبوعين او بالشهر مره اتمنى اكون فدتج

 

[ودآعتك قلبي]

رد : شــريت ســـــــــدر,بس شنو احط معاه زيوت عشان يكثـف شعري ويطولـه؟؟-فيدوني بنــات

هلااا أول شي زيين أنج قطعتي الصبغ ..


وأقرري هالموضوووع عدددددددددل وطبقيه بس شيلي الحنه وحطي السدر وشوووفي شعرررج شلون بيفرق وأدعي لصااحبة الموضوع بالذرية الصالحة ولاتنسيني من دعااائج ..



http://www.q8yat.net/showthread.php?t=683043

 

[نور النـور]

^^
ان شاء الله حبيبتي
ماراح انسى احد فادني من الدعاء ^-^

ومشكوورين بنات علا مروركم ماقصـرتوا وان شاء الله ماراح اقطع السدر أبــد اذا شفت مفعووله زين علا شعري, وانا مو مستعجله يعني ^-^

نبي بعد تجارب
او اي شي اسوويه
لان شعري تلــــــــــــــــف من الصبغ وصار دهني من فوق وجاف من الأطراف
^-^

مشكورين مقـدما

 

[يازمان العجايب]

اشدعوه انتوب من الصبغ بنسنع الشعر ونهتم فيه وعقب نصبغ
انا نفس معاناتج اول ماكنت استعمل استشوار الحين كيراتين وكريمات
بديت استعمل السدر احط روب وبراشوت واي خلطة زيوت
بس الاطراف انشفت من الصبغ بس بستمر عليه وعقب بقص الاطراف

 

[فديت رزته ياناس]

حبيبتي نصيحه من كل قلبي
انا شعري كان مشالله اهبل بس الطمع مو زين لووووول
المهم استخدمت السدر والله والله والله لاتشوفون شعري الحين خفيييييييييييف بمعنى الكلمه ترا السدر مو اي احد يصلحله
وبس<<<قرقه

 

[غرشة عطر]

سدر+زيت سمسم+زيت خروع+روب+بيضه وحده+ محلب ملعقتين +ريحان ملعقتين ماي دافي للعجن وينحط عالشعر 4 ساعات فقط يطول ويكثف

 

[نور النـور]

^^
مشكوورين بنات علا مروركم وغرشة عطر مشكوورة علا الخلطــه ^-^
يازمان العجايب,, انزين نشفلج شعرج بس ثقلــه؟؟؟؟؟؟؟؟

صج السدر يطيح الشعر
امبيه خرعتووني


عاد انا متأمله فيه

يارب يصير زين علا شعرري ويثقله

 

[اوراد العشق]

انا اعرف ان البيض مو زين ينحط وهذا يولد بكتريا بالشعر وهذا كلام الخبير جابر القحطانى

وحده اعرف تروح عند خبيرة الاعشاب منى الجميع وقالت لها حطى مع السدر عسل طبيعي وطبعا ماي للعجن فقطططط مو زين تخلطين اشياء واايد لان كل شي راح يفقد فائده واهى مستمره وشافت نتيجه بس الحنه تحط معاه محلب وماى الحنه مغلي البصل والثوم وتحط محلب
وبالحنه او السدر تقول لها لبسي قبعه او نايلون وقضضيه ع الخفيف عشان شوى يتنفس

اتمنى اكون افدتج

 

[نور النـور]

^^

اي حبيبتي فدتني

مشكووورة

^-^

 

[نور النـور]

امبييييييييييييييييه بنات شدعوووووه
فوق ال 150 مشاهده وبس 9 ردووود



فيدوني شدعووه انا مثل اختكــم

 

[نور النـور]

اب
اب
اب

 

[الحراير]

اب اب

 

[star girl]

up



up

 

[أم*سلمان]

آب

وان شالله البنات يفيدونج

 

[al.jorry]

أب أب

 

[جوك احلى جو]

في ناس يحطون سدر مع ماي وفص ثوم وبصل ينطبخون وبعدين تصفين تاخذين مايه يقولون زين

بس نبي تجارب زياده

 

[الغــلآ]

انا استخدم مع السدر مغلي الثوم والبصل
واحط معا قفشتين زيت سمسم وقفشتين زيت زيتون او اي زيت للشعر


النتيجه روعه مشالله بس يبيييييييييله استمراار اهم شي ترا اذا قطعتي السدر يروح شعرج

 

[آفـوقـَ الـوصف!]

رد : شــريت ســـــــــدر,بس شنو احط معاه زيوت عشان يكثـف شعري ويطولـه؟؟-فيدوني بنــات

شوفي حبي انا قاعده استخدم ..بصله وثومه وشوية قرنفل احطها بقدر مع مويا واخليها تغلي بعدين اخذ مويتها واكون حاطه بقدر صغير سدر وم عسل و2م زبادي وم مايونيز واس واكليل الجبل واملج واصفي المويا واحطها على شعري 3 او4 ساعات وربي حسيتها مررره حلوة حمد لله

واذا شعرك دهني لا تحطي زيوت احسن

 

[دينا1]

شفتي خلطة حيادر تبع الحنااء سوي نفسهاا بس الحنااءاحذفيه وحطي بداله سدر انا مسويه كذا