شــآركوني همـي مـع ولـدي البكـر

[~ الــــزيــــن ~]

شلونكم يا امهات المنتدى :eh_s(17):

ماابي اطول عليكم بدش بالموضوع انا ولدي الكبير عمره 3 سنوات و3 شهور
وتوني لي تقريبا اسبوع من قطيت الحفاظ
بنات اهو مومطهر اصلا لي الحين بالبدايه ردونا المستشفى لان كان الجلده صغيره حييييييل
والحين عادي بس لان الولد تعبان صدره ماطهروه لان بنج كامل لازم يطيب الصدر بالاول وولدي تنك يعني يبيله كمامات ودنيا
فقلت بعلمه هالفتره عالحمام وانتم بكرامه

اناماعلمته قبل لان الكل كان يقول لي لاتعلمين لين تطهرين لكن خلاص ولدي كبر وبدخله حظانه ولاعت جبدي انا اصلا من الحفاظه

بس المشكله ان الولد احسسسسسه مومستوعب كلش شي اسمه حمام
مايطلب يروح له كلش واذا بال وانتم بكرامه وخلص قال

تكفون ابي اعرف شلون علمتو عيالكم ع الحمام وبالليل شتسوون تلبسون حفاظه والا لا
واذا في طلعه وراح تطولين تلبسينه والا لا ؟

وكم قعدو عشان استوعبو الحمام ؟


والله احس صج صج صج شايله هممم ماادري انا مبالغه والا عشانه البكر ماادري بس عن جد احاتي حيييييييييييل طمنوني تكفون :eh_s(16):*

 

[نياره]

انا نفس المشكله تعبت صراحه
ياليت يفيدونا البنات

 

[q8 83]

اول شي انتي وايد غلطانه انج ما طهرتيه اخرتيه لي هالعمر مسكين يمكن يصير عنده ردت فعل و ما يتعلم بسرعة خصوصا انه هم كبير على انج تعلمينه على الحمام

بعدين شنوا تنطرينه اهو يقولج بروح الحمام!؟ اهو ما يعرف الحمام انتي الي لازم تعلمينه عليه كل ربع ساعة دخليه الحمام و خليه يسوي حتى لو مافيه دخليه و قعديه بوا دقيقتين و شيليه ولاتضغطين ول تنرفزين عليه كللللللللللللللللللللللللللللللللش

خلج باردة و كل ما سواها بالحمام عطيه هدية كاكاو او لعبه او شبس عشان يستانس يروح الحمام لان الروحه فيها هديه وبالليل لبسية البامبرز الي على صروال وقوليله هذا مو بامبرز هذا صروال

و الاطفال الحلوين يسون بالحمام مو بالصروال و ترى راح ياخذ وكت طوويل على ما يتعلم لان صار كبير و البامبرز اسرع و اريح من الحمام عادي ممكن يطول لي 3 شهور على مايصير اوكي اميه بالميه

اهم شي تطولين بالج و ما تعصبين كلش خصوصا انكم انتوا الي جنيتوا عليه ماطهرتوا لي الحين و الله كسر خاطري

و بالفترة الاولي لبسيه بالطلعه و بعدين حتى بالطلعه لا تلبسينه عشان يتعود بدون بامبرز طول اليوم فلما تلبسينه بس يقوم ما يبيها يتضايق منها


و اهم نقطه لا تجابلينه فترة و تفصخينه البامبرز و بعدين تتعبين و تردين تلبسينه حتى لو فترة بسيطه ول تري يأذيج و يصير اصعب من اول و راح تتعبين معاه وايد على ما يرد يتعلم

وروحي سنتر بوينت اشتري له الصروال المبطن الي من داخل فوطه و بره نايلون يسوي شوية شغل


و اخذي له صراويل قطن على شخصيات اهو يحبها و رسومات حلوه ممكن تلقينها بنكست او سنتر بوينت كنوع من التشجيع


و شدي حيلج لان الشغله يبيلها عزيمه و كل ما علمتي الولد ابجر كل ما كان اسهل

 

[تبطي عظم!]

حرام عليج كبير حييل ليش ماطهرتوه !!


وشكو صدره معقوله ٣ سنين صدره متنك يوميا !!!!


الله يحفظه لج وماقصرت q8*

 

[يا كويتنا]

كل اربع ساعات ودي الحمام وعلمي وين يبول وجذي ماما وشاطر ومن هالحجي الحلوو

وقوليله اذا بلت داخل الحمام راح اوديك الحديفه ووديه اذا سووواها

وذكريه كل اشويه


واذا دش الحمام وقالج مافيني شغلي الماي عالخفيف بتجيه البوله

وبس بيتمرج


والامومه مو سهله وانا اختج طولي بالج علي وليدج وماعلبه هذا عشانه البجر وانتي مو عارفه بعد

وطهرييه ولا تنطرين اكثر


ومايشوف شر