شغله بسيطه لاحظتها في ركني المفضل (لوكات المشاهير)

[اريج قطر]

السلام عليكم ورحمة الله وبركاته

طبعا انا توني يديده على هالمنتدى...سجلت فيه لاني وايد حبيته
بس حبيت انوه على شغله لاحظتها بهالركن وبدون مقدمات..

بعض العضوات يحطون صور عارضه او ممثله مذيعه من جنسيه عربيه
ويكون الهدف من الموضوع هو التعليق على اللوك بسس
تدخل وحده بدال لا تعلق على اللبس ..تتكلم عن الجنسيه والأصول
ويتكلمون باستخفاف عن بعض الجنسيات...والغريب انها ما تعلق على جنسيات
المشاهير من الجنسيات الغربيه والاوروبيه..

لازم نحترم مشاعر بعض..وكلنا في النهايه من تراب ...محد فينا مخلوق من ذهب
كلنا خوات والنعم فيكم كلكم وفي كل الجنسيات الخليجيه والعربيه..

ومعلومه ابيكم تتذكرونها..ترى الشين والزين موجود في كل مكان وكل بقعه في العالم
فيها ناس صالحين وناس فاسدين...وهاذي حكمه من الله عشان محد فينا يشوف
نفسه على الثاني ..وهاذي حقيقه محد يقدر تنكرها...

والرسول عليه الصلاة والسلام يقول:
"لا يدخل الجنة من في قلبه مثقال ذرة من كبر ولا يدخل النار من في قلبه مثقال ذرة من إيمان‏"


ويوم القيامه بننسأل عن أعمالنا مب عن أصولنا..

تقبلوا تحياتي..وسامحوني طولت عليكم..:eh_s(17):​

 

[جنون هاجري]

كلام منطقي وحياك الله اروجه

 

[قراني طهر ذاتي]

كلام ولا اروووووووووع
يسسسعدك ربي
ومشششكورررره وتقبلي مروري :$

 

[برق السحاب]

كلام ررررررررروعه يااختي بالصميم معك بكل كلامه كلنا من تراب والى تراب نرجع ولايدخل الجنه من في قلبه ذره كبر

 

[نوف الصقعبي]

الله يهديهم​

 

[admantk]

تسلم اليد اللي كتبت هالكلام ياشيخه
فعلا كلامش ميه الميه

 

[مـوج]

صآدقهه والله ، فدييييتج بس كلامج بالصميم

.. تسلميين يآقلبي ..