شغلتين باطة جبدي في حياة المتزوجات !!

[oyoon al maha]

السلامـ عليكمـ



















اشلونكم حبيباتي ؟

أتمنى تتقبلون النقاش بسعة صدر

يمكن انا فاهمتكم غلط او يمكن عندكم راي آخر يقنعني :eh_s(18):




شغلتين باطة جبدي في حياة المتزوجات وأحسهم غلط ومالهم داعي وانتو احكموا :balo:























الشغلة الأولى :

مو زوجي لازم يصرف علي ..!!







طبعا الزوج لازم يصرف على المرى (زوجته) ويتكفل بحاجات البيت والعيال وغيره :weight_lift:

لكن أستغرب انه الزوجة اتبالغ في المصاريف والطلبات ..

يعني مثلا الريال مسئول عن طلبات البيت والعيال ويعطيج مصروف شهري :rerrerek:

اشحقى تطلبين طلبات ومصاريف زايدة مالها داعي ؟!

مثلا لو عندها حفلة - مناسبة - عرس او تبي تشتري هديه لصديقاتها او تبي تصرف على المواجيب

تطلب من زوجها يدفع لها مبلغ وقدره !!

الصراحة اشوف هالمصاريف مالها داعي وطمع وجشع منج

+ اغلب الحريم موظفات ليش ما تتكفل ببعض المصاريف الخاصة فيها !!













الشغلة الثانية :

انا متربية على العز والدلال وبدال الخدامة ابي ثلاث !!




















استغرب من اغلب المتزوجات واعتمادهم الكلي على الخدامة

يعني معقولة الخدم يشيلون العيال ويسرحون اشعورهم ويأكلونهم لا ويسبحونهم بعد ...!!!

في حريم عندها بدال الولد عشر واقسم بالله حتى مطبخ بيتها ما تدله ،،

معقولة ؟؟




واللي استغربه عدد الخدامات المبالغ فيه ..

لازم المتزوجة يكون عندها خدامتين او اكثر ..!!

ومنو طبعا يصرف معاشاهم >>>> الزوج ..

واذا كلمتيها .. والله انا مدللة ومدلعة >>شكو الدلال والدلع في تأدية واجباتج كزوجة وأم ...؟؟

وليش الاعتماد الكلي على الخدامة معقولة ؟

حتى اعيالج ماتشلينهم ؟؟

















وبس أتركـ المايك لكم

:tongue22:

 

[دلوعة كويتيات]

رد : شغلتين باطة جبدي في حياة المتزوجات !!

والله صاجه حبيبتي معاج حق

انا مو متزوجه املجه واشوف كلامج صح يعني ليش جذي؟؟؟؟؟؟؟؟؟؟؟؟؟؟؟؟؟؟؟؟

 

[fdeet_shosho]

انتوا تتكلمون عن اى بنات @@ لاتقولون الكويت ؟ اولا السؤال الاول : كل كويتية متزوجه وموظفه تصرف على روحها من فلوسها وان عطاها زوجها يكون من خاطره يعنى مو غصب وبهالزمن مافى وحدة تقدر تجبر زوجها يعطيها دينار واهو مايبي والحين بناتنا تعين وتعاون الزوج تشيل نص مصاريف البيت شنو خرب عيالنا غير انا دلعناهم وشلنا مصاريفهم لو قايلة يا موظفات خشوا فلوسكم للمستقبل وخلى زوجج يصرف عليج يكون احسن <--- تحمست
ثانيا : وين خدامتين ؟ والله بنات الكويت مو مجامله الا الصج مافى مثل سنعهم من نتزوج ماعندنا خدم بس لا صار فى عيال لازم خدامه ومنو قال شرط ثلاثة حتى بنت العز تشتغل ببيتها وياكثر ماقعدنا بدون خدامات وشلنا بيوتنا مافيها شي اذا جبنا خدامه تعاونا لانا بين دوام وبيت وعيال واتوقع مبالغه اللى تقول كل وحدة عندها ثلاث خدامات وين هذا اذا احنا شققنا يالله تكفينا ويا عيالنا وخدامه وحدة محتاسين فيها ماكو مكان بنحط ثلاث ليش بنفتح مكتب خدم بالبيت
وكلمة حق تنقال مو عشان انا كويتية والله بنات الكويت سنعات وراعيات بيت والوحدة تشيل بيتها وزوجها وعيالها وكله ظالمينا يقولون مدللات صج تدلعنا ببيوت اهلنا بس لما تزوجنا شلنا بيوتنا .

 

[اهواك بلا امل]

كل حجي فاضى الريال مايصرف على الهدايا ولاغراض انتي الى تصرفين واهو يالة يصرف على البيت اذ ماقال ماعندي ومضغوط هالشهر
وثاني شى الحمدالله انا متعلمة العز بس من ولدت يبت خدامة قبل الولادة ماكان عندي خدامة وبعدين لازم يصرف على بيتة وعلى ولدة
وانا اشوف انة المرا صارت تصرف اكثر من الريال

 

[(m & m)]

بلاكم ما تدرون شيصير بالبيوت والله الرياييل ماكلين حقهم و حق غيرهم و الحين الحريم بس يتمنون الريال يتكفل بمصروف البيت و العيال

بيييييييييييييه منو الحين تقول عطني فلوس بشتري بدله وهي مظوفه لووووول لما تجربون الزواج راح تعرفون

 

[جـــواهر]

حبيبتي لاتحكمين الا لمن تجربين .. !!


امن سالفة الخدم هذي موقه طايحين فيها بنات الكويت ومثلج عارف بنات الكويت هبات

 

[فوفو22]

رد : شغلتين باطة جبدي في حياة المتزوجات !!

اتوقع انج مو متزوجه


بالعكس

الزوجه الموظفه بعد قلبي تصرف على نفسها واحيانا تشاركه بالمصاريف

والخدامه الغالبية يتقاسمون راتبها وحده عليه والثانية عليها

والزوجه الكويتية بعد عمري مو طماعه

تبي الستر والعيشة النظيفة

لا تطلعون عنها اشاعات

واذا صارت انيقة وكشخه ترى بحلالها وخيرها ومعاشها

وين ووين اللي يقط على مرته فلوس اكثر من حاجتها

فوفو

 

[روحي تحبه غصب]

^
^
^
انا مع فوفو

 

[miss-winter]

انا بعد ماتوقع انج متزوجه لو متزوجه عرفتي السالفه

 

[اميرة-الاحجار]

شوفي يعتمد
اذا الوحده معاشها راهي وريلها ظروفه صعبه يعتبر طمع ...
بس اذا الريال معاشه قوي ويقدر اهو ملزوم اساسا بكل مصاريف زوجته مو اهو الريال ...؟؟
اصلات المره مو ملزومه تشتغل ... اهو ماله شغل وماله حق يفكر ان عندها معاش ..
وترى وايد رياييل يحبون يغطون مصاريف حريمهم من a 2 z يعني يحب يدللها ويوفرلها كلشي ويخليها تخش معاشها يحس ان عيب اذا اهو عجز يوفرلها احتياجاتها ..

اما موضوع الخدامه معاج حق 100% تشوفين وحده عندها ياهلين وكل ياهل ماسكته خدامه .. ويييع شحقه هالفسق والتفلسف
حتى عالسفره تقعد تبينهم .. عشان اليهال تعودو ياكلون من ايدها فلازم تنحشر بالسفره بيمعتهم

اذا البيت صغير خدامه وحده كافي بس اذا قاعدين فبيت كبير لا خدامه وحده ماتلحق والحين الخدم مايقعدون تقولج ياتيبين وحده تساعدني ياتوديني مكتب البيت واجد كبير << عشتووو الله يرحم ايام قبل حتى طوفة الحوش تنغسل طابوقه طابوقه .. الحين طابق ونص وتقول ماقدر

 

[نشيج الروح]

من ناحية الخدم عدل كلامج ... الخدم صاروا الكل بالكل ... بس طبعا مو كل البيوت ... أما من ناحية المصاريف فالمرة حبت تتخلى عن بيتها وتتوظف عشان تساعد زوجها وتكشخ وأهملت عيالها وحطتهم عالخدم للأسف ... وطبعا بكلامي ما أعمم لكن وايد بيوت جذي !!!

وعلى فكرة بنات لا تفهموني غلط ... المرة عادي تشتغل لكن كل شي له ضوابطه وحدوده ... يعني إذا شغلتي بتخليني اهمل عيالي وأحطهم عند الخدم فقعدة البيت أحسن لي...

 

[توتــه]

حياتي انا مو موظفه واصرف على نفسي من اعانتي يعني لاتقولين ننتف الريال على قولة فديت شوشو
انتي جنج تكلمين عن السوريات والعراقيات والمصريات هذول صج اللي ينتفون الريال بالفلوس اما احنا اخر همنا

وبعدين صج عندي خدامه مو 3 على قولتج بس مو كل شئ عليها يعني مايصير اداوم واغسل واخم وارضع البيبي واسوي كل شي بيوم واحد

شنو مكينة !!

واللي عندهم خدامتين يكون البيت كبير ويبيله تنظيف والعيال وملابسهم والمره تداوم شتسوي يعني

 

[BiiShOoO]

انتوا تتكلمون عن اى بنات @@ لاتقولون الكويت ؟ اولا السؤال الاول : كل كويتية متزوجه وموظفه تصرف على روحها من فلوسها وان عطاها زوجها يكون من خاطره يعنى مو غصب وبهالزمن مافى وحدة تقدر تجبر زوجها يعطيها دينار واهو مايبي والحين بناتنا تعين وتعاون الزوج تشيل نص مصاريف البيت شنو خرب عيالنا غير انا دلعناهم وشلنا مصاريفهم لو قايلة يا موظفات خشوا فلوسكم للمستقبل وخلى زوجج يصرف عليج يكون احسن <--- تحمست
ثانيا : وين خدامتين ؟ والله بنات الكويت مو مجامله الا الصج مافى مثل سنعهم من نتزوج ماعندنا خدم بس لا صار فى عيال لازم خدامه ومنو قال شرط ثلاثة حتى بنت العز تشتغل ببيتها وياكثر ماقعدنا بدون خدامات وشلنا بيوتنا مافيها شي اذا جبنا خدامه تعاونا لانا بين دوام وبيت وعيال واتوقع مبالغه اللى تقول كل وحدة عندها ثلاث خدامات وين هذا اذا احنا شققنا يالله تكفينا ويا عيالنا وخدامه وحدة محتاسين فيها ماكو مكان بنحط ثلاث ليش بنفتح مكتب خدم بالبيت
وكلمة حق تنقال مو عشان انا كويتية والله بنات الكويت سنعات وراعيات بيت والوحدة تشيل بيتها وزوجها وعيالها وكله ظالمينا يقولون مدللات صج تدلعنا ببيوت اهلنا بس لما تزوجنا شلنا بيوتنا .

معاااااااااااااج :sfg:

 

[الأماكن]

رد : رد: شغلتين باطة جبدي في حياة المتزوجات !!



حبيبتي مبين من كلامج ... انج مو متزوجة ...

و اذا تزوجتي ... وجربتي بتشووفين كلامج كله غلط

بقولج شغلة

أنا اللي أشتري لروحي و اكشخ و البس و ادفع معاش خدامتي كل شهر و اشتري لعيالي احسن الملابس ... وعقبها أفتح حلجي عالآخـــر

وهذا معظم بنات الكويت الموظفات هذه حالتنا ... حتى خواتي و صديقاتي

وزوجي كافي عليه أجار البيت و قطية اخوانه و قسط البنك والسيارة ... ماخذين نص معاشه ... غير الحليب والحفاضات

و حياتي البنت الكويتية الأصيلة هي اللي تعين و تعاون ريلها

... والنقطة الثانية

كلنا متربيات على العز والدلال .. ولما تزوجنا شلنا بيوتنا على روووسنا

ودام عندي مقدرة مادية أكيد بقدم على خدامة ثانية ... لا صار عندج 4 ولا 5 يهال وكلهم مدارس ... بتروحين الداوم ... و بتقابلين و درسين

وشغل البيت ... فأكيد 2 خدم يكفووني ... خوووو احنا ما يبناهم فشخرررررة

آآآآآآآآآآه بس

الحمدلله على كل حاااال

الله يرزقج و تجربين اللي نشوفه كل يوم .... وان شاء بدال الخادمتين 3 و4 LoooOoooL

 

[ابتسامة نثيه]

رد : شغلتين باطة جبدي في حياة المتزوجات !!

صح كلااامج

 

[ماعلى الدنياعتب]

انا معاج بسالفة الخدم

 

[حروف من ذهب*]

صاجه من ناااحيه الخدم صاارو مهمين بالبيت وماعتقد بيت كويتي مافي خدامه

 

[ناتشوو]

بالعكس بنات الكويت عالاقل عالاقل
تصرف الوحدة فيهم على نفسها
والغالبية لازم تكمل على مصروف العيال اللي تاخذه من ابوهم من جيبها
وحتى الخدم
يامعاشها يافلوس جيتها عليها هذا اذا مو كلهم
بالنسبة للخدم
الغالبية مكتفين بوحدة الا اللي عدد عيالها كبير تضطر تجيب ثنتين
فماني شايفة هالشغلتين اللي تكلمتي عنهم

 

[Sweet_CoFFe]

رد : شغلتين باطة جبدي في حياة المتزوجات !!

بالشغله الاولى انا ماظنتي بتصير
لأنه موظفه بيقص علي بجم كلمه ويسكتني ادري

وبالشغله الثانيه انا معاج
صح كلامج

تسلمين

 

[سيدة الذوق]

في جذي وفي جذي

مو كل الحريم سوا