شغلات ضروريه لطلعة الاستراحه ،،،،،،

[الأمل لحظه]

شلونكم بنات احلى ديره
حبيت آخذ من خبراتكم بخصوص طلعات الشاليهات والاستراحات ،،، لاني حاجزه طلعه هالويك اند استراحه
وابي اعرف شنو الشغلات الضروريه اللي لازم اخذها وخصوصا انه معاي عيالي الله يخليهم لي وصغار فأبي اعرف شنو الضروريات وراح تكون لمده ثلاث ايام !!!
عاد ادري انكم يالكويتيات ام السنع نبي خبراتكم .....

 

[الأمل لحظه]

بنات ليش مارديتوا
خل استفيد منكم قبل الويك اند

 

[كلنا عشاق لكن]

الملابس والمنظفات والأكل إتمرون الجمعية وإختاروا اللي تبون
وتأكدوا إذا فيها شواية وجولة وافراش
هالشي قبل تروحون عشان إتحددون تاخذونهم أو لأ
ومرات يكون المطبخ مقفول وناسينة
فعشان لايخترب الأكل تأكدوا منة ومن الثلاجة لأنا صادفنا هالشي مرة من المرات ههه
القواري وسوالف السباحة ويضبطون لكم التلفزيون
وفالج طيب
​

 

[الأمل لحظه]

مشكوره حبيبتي على الرد
بس انا قصدي الشغلات الضروريه للجهال مو للاستراحه عارفه شلون

 

[رمانة الكويت]

اهم شي لليهال العابهم واخذي لهم ملوت البحر التب والمحفارة وغيرهاا

اخذي لهم هم العاب وتلوينات وقصص

اهم شي كثري الملابس واخذي لج طشت كبير وتب عشان اذا احتجتي اتغسلين ملابسهم وحبل يمكن ماتلقين مكان تشرين فيه الملابس .. اذكر مرة طلعنا شاليه واخذت معاي منشر الغسيل كان قديم عندي واستعملته حدي استفدت منه ولما رجعنا خليته ..

اخذي ثلاجة وحطي فيها ثلج اللي يصير قوالب كبير عشان يطول على ما يذوب .. الادوية ولزقات الجروح وكريم ضد القرصات واللسعات ..

هاذا اللي اذكره الحين ..