شعر بنتي الحلو ~

[وردة حبيبها]

مساكم بالخير يا امهات

ابي منكم تنصحوني بشعر بنتي .. هو شعرها حاليا يعتبر حلو لكن مادري شلون اعتني فيه زين علشان لما تكبر مايخرب و مايتساقط

ابي منكم تعلموني شنو اول شي اسويه بعد ماتتسبح و شعرها رطب .. هل اربطه لها ؟
و لا اجففه بالسشوار ؟؟ ولا شنو بالضبط ؟؟

وابي اعرف التسريحه اللي ماتخرب الشعر و تخليه محافظ على صحته ؟؟

واذا تقدرون تفيدوني بافضل الكريمات اللي تساعد على حفاظ حيويته ؟؟

انا لما كنت صغيره كان شعري حلو و كثييف ماشاءالله اما الحين شعري خفييييف و حالته حاله
ومابي بنتي اذا كبرت تعاني مثلي وابي شعرها يضل حيوي الين تكبر


بعضهم يقولي اهم شي حافظي على شعرها بعد ماتتسبح ناس تقول وهو رطب اربطيه كعكه علشان مايتكسر ..
وناس تقولي خليه ينشف بالسشوار و بعدين مشطيه لها .. بس هل السشوار مايضر بشعرها ؟؟



ناشدتكم تساعدوني مع بنتي علشان يصير شعرها حلو:eh_s(2):

 

[انوثة من حرير]

شوفي حني شعرها بالشهر مرة وعندج قبل لاتسبحينها لازم ترطبين شعرها بكريم الي يخرب الشعر اهو شامبو لازم ترطبينة بكريم
ترى الي يحافظ على الشعر ترى ا لعجفة

 

[love love]

مادري

انا لازم انشف شعرها باستشوار ولاتمرض

 

[وردة حبيبها]

انوثه
love
مشكورين حبيباتي

وانتظر باجي الامهات و اسمع رايهم

 

[وردة حبيبها]

وينكم امهات ساعدوني بشعر بنتي علشان يضل حلوووو ؟!!

 

[HoT CHocoLaTE ~]

احسسين شي تاخذين لها اشيااء طبيه ..

 

[ريكاتو]

انا احط حق بنتي زيت للشعر خاص حق حواي بالاندلس اييبه من السعوديه وايد تغير شعرها وطال بسرعه
وبعد حمام زيت خاص للأطفال ينباع عند المنصور للتجميل يعني يوم زيت ويوم حمام زيت

بعد الحمام احط تونك فازلين روعه ويعطي لمعه رهيبه

وبس

 

[وردة حبيبها]

ريكاتو
قلبي مشكوره و ان شاءالله تشوفين شعر بنتج حلو دوووم

 

[وردة حبيبها]

وين خبراتكم امهات مع شعور بناتكم الحلوين ؟؟؟

 

[lolly]

اظن تحافظين على تغذيتها الصح و ما تخربطين بشعرها فير و سيراميك وصبغ و مثل ما قالوا زيوت وماسك بللشعر كل اسبوع بس مو بلسم!! وافضل شامبو للشعر ومايضر .. جونسون اذا كان شعرها نوعيته ناعمه و خفيف

 

[توتاتوتا]

كثري قص شعرها ينعمه
بعد السبوح جففيه باستشوار الهوا من بعيد نفس الي بالصوالين
لكن الاستشوار الي يفرد الشعر هذا يدمر الكيراتين الطبيعي للشعر
واذا عندش رغبه حنا او زيت اسبوعي
اذا بتربطينه بدون شد زياد ولا تربطينه بنفس الطريقه كل مره
لاتطولين قذلتها وتربطينها مع الشعر على طول راح يقل الشعر من قدام
والله يحفظها

 

[om Firas]

انا لازم اجفف شعرهاوبالاسشوار والا تمرض

 

[<ام تركي>]

انا بقولج جدولي لبناتي يوم الجمعه حنه للشعر واغسله بدون شامبو بس بالماي وانشفه بالفوطه بعدين اخليه ينشف بروحه
بدون هوا الاستشوار وعليه الفوطه والزيت احب جوز الهند احطه لهم يوم السبت 4 ساعات واغسله لهم بالشامبو وبس
ينشف الشعر احط شوي علي كف ايدي كريم سيلفكرين الاحمر للشعر او براشوت الازرق واحطه على شعرهم عشان
لمشطت شعورهم ما تعورهم ودايما مسويه عجفه لهم لانها الاحسن للشعر واذا بنروح مسيار اسويه
ذيل حصان مفتوح او عنقوصين والله طويله شعورهم بس الحين قصيته لهم كاريه بصراحه خفت عليهم من العين
دايما يسألوني شتحطين على شعر بناتج
والحنه احط معاها مشاط اتوقع اسمه بعد رشوش وسدر وريحان للشعر شوي اتمني افدتج بتجربتي
بناتي كبار الحين بس للحين ماشيه على نظامي اعمارهم 10و8 سنين

 

[امينة فلسطين]

يعطيكى العافية..))

 

[احبج q8]

الله يخليها لج
هههههههههههه
داخله ابوق افكار لان بنتي عنونه وشعرها خفيف

 

[خير ان شاءالله]

اذا ماستشور لها شعرها تطلع السبحه من عيني صخونه وخشمها مايووووقف

زيتيه قبل الحمام ومادري بعد ههههههه

 

[اينااس]

انا اعانى من شعر بنتى عمره 4 سنوات خفيف حيل وشعره ضعيفه

ويتسااقط حيل احوال معااه للحنه بس ماترضه

 

[وردة حبيبها]

اظن تحافظين على تغذيتها الصح و ما تخربطين بشعرها فير و سيراميك وصبغ و مثل ما قالوا زيوت وماسك بللشعر كل اسبوع بس مو بلسم!! وافضل شامبو للشعر ومايضر .. جونسون اذا كان شعرها نوعيته ناعمه و خفيف

مششكوره يا قلبي
بس بسالج عزيزتي الماسك شنو احسن نوع تنصحوني بدوف مثلا ولا عادي اي نوع استخدم ؟؟

وعلى التغذيه والله تجنني على ماتاكل بس وراها ماخليها

 

[وردة حبيبها]

كثري قص شعرها ينعمه
بعد السبوح جففيه باستشوار الهوا من بعيد نفس الي بالصوالين
لكن الاستشوار الي يفرد الشعر هذا يدمر الكيراتين الطبيعي للشعر
واذا عندش رغبه حنا او زيت اسبوعي
اذا بتربطينه بدون شد زياد ولا تربطينه بنفس الطريقه كل مره
لاتطولين قذلتها وتربطينها مع الشعر على طول راح يقل الشعر من قدام
والله يحفظها

تصدقين انا قبل كم سنه كنت دايما اقص شعرها و كنت الاحظ انه يتحسن
لكن من سنتين ماقصيته لها و صار طويل و يتعبني لازم اعتني فيه
رايج ارجع اقصه علشان مابخرب ؟؟؟:eh_s(10):

بحاول بعد السبوح اجففه بالسشوار الهوا و الحنا جربتها مره و بعدين جاء الشتا و وقفتها
الحين برجع لها لان اشوف شعور بنات عمها ماشاءالله ناعمه وصحيه من الحنى
نصايحج روووعه و بطبقها كلها انشاءالله :eh_s(9):

 

[وردة حبيبها]

انا لازم اجفف شعرهاوبالاسشوار والا تمرض

الله يعطي بنتج الصحه و العافيه و تشوفين شعرها حلو :eh_s(8)::eh_s(15):