شعر القطو يطيح ليش!!

[السولعية]

السلام عليكم شلونكم بنات؟؟

احنا عندنا قطو من يوم كان صغير والحين لاحظنا انه شعره يطيح بكل مكان نجوف شعره طايح
واهو مب ريشي عادي شعره وايد مستغربين هل من شي معيين ؟؟

 

[AmOoNa-]

حبيبتي القطاوه الصغار مايطيحون شعر بس من يكبرون يبدا الشعر يطيح عشان تتجنبين المشكله هذي لازم تسبحينهم بشكل دوري وتمشطين شعرهم بشكل يومي وممكن الفيتامينات تساعد على تخفيف تساقط الشعر

 

[lojeeen]

اهو إذا كان القطو شيرازي و بعمر اكثر من 6 شهور فهل وقت من السنه كل القطط تتساقط شعرها و ينمو لها شعر اخف استعداد لفصل الصيف و نفس الشي يصير مع دوخل فصل الشتا تطيح شعرها و ينمو لها شعر جديد يكون ثقيل اكثر ^^

بس انتي شيكي على فروه الجلد ان لاحظتيها محببه و فيها بقع لونها بني و في دوائر مافيها شعر يعني مشكله القط من الفطريات و يحتاج لعلاج من البيطري

 

[السولعية]

مشكوووووووورين ويعطيكم العافيه

لا مو صغير يمكن عمره فوق 6 شهور واهو مب شيرازي بس مستغربه ماقط طاح شعره اول مره تصيده هاذي الحاله قلت يمكن في مرض بس يمكن مثل ماتقولين lojeeen عشان بيبتدي شعر الصيف انا اول مره اسمع في المعلومه هاذي ويعطيج العافيه

 

[الاطلالة]

اذا توكلين قطوتج تونا وقفى لاتوكلينها الان اهو يسسب تساقط الشعر القطوة

 

[AmOoNa-]

السولعية فروته فيها فراغات؟؟
لاتعطينه اكل في وايد دهن ولا حليب ولا سمج هالنظام الغذائي يطيح شعره
مشطيه وسبحية وانشالله يخف التساقط

 

[بنات عطا]

يمكن علاماااات الكبر او هي خااااااااايفه
كظماويه

 

[SoSoWaa]

هذا شي طبيعي

بس احسن حل

التحسييين

حسنيي الطوه احسن شييي والله راحه والشعر يتقوى

قطاوتي محسنتهم انا و ارتحت واايد

 

[zamzo0oma]

لازم تمشطينه بشكل يومي ولا توكلينها سمج لانه السمج يطيح شعر لقطاو​

 

[مرااااايم]

يعطيكم العافيه ع المعلومه هذي
انا قطوتي شيرازيه نوع تايقر عمرها تقريبا 6 شهور
وفعلا هالايام ماكلتها سمج هامور واشوف شعرها يطيح
واسبحها انا يوم بعد يوم عدل؟

 

[لولوة<الخليج>]

قطوتج شرازية تشربينها حليب نما تشرببنها يطيح شعرها

 

[yassoo]

لازم تمشطين له بين يوم وترك
انا عندي 12 قطوه واهتم فيهم كأنهم اعيالي وشعرهم شحلاته يهبل
جربي وشوفي ياحلوة

 

[dr_veterinarian]

اهم سبب لسقوطالشعر هو نقص الفيتامينات او تغير الظروف المحيطة او بعض الضغوط
يجب اعطاء مالتى فيتامين للمحافظة على صحةالحيوان
طبيب بيطرى