شعر الظهر.. حف ولا تشقير

[جلامور]

السلام عليكم

وايد قاعدة اعاني من الشعر في الظهر انا شعري طويل بس خفيف
واحسه ماثر على صفاء الظهر وقاعد يطلع حبوب
وودي احفه بس خايفه من الاثار
فا شنو احسن طريقة لإزالة هالشعر

شيره ؟
شمع ؟
تشقير ؟ ​

ابي شي مضمون وما يطلع حبوب ولا يكثر الشعرعقبه بليز ساعدوني
وابي احسن الصالونات اللي تسويهم
ومشكورين حبايبي :eh_s(7):

 

[ورد وردي]

حبيبتي انا مرة شلت ظهري من فوق شيرة وانترس نفر وحبوب ....... ابتعدي عن الشيل بأي طريقة ........ حطي اكسجين ..... لكن يقولون ان يكثر الشعر مادري عاد

 

[يازمان العجايب]

وخري عن الحف يطلع حبوب شقري احسن
​

 

[عظيمة الشان]

مرحبا

انة مرة شلت حلاوة صار ابيض

ووردي وناعم ثاني يوم كله حبوووووووووووووووووب

لووووووووووووووعه

فشقري احسن او ليزر

وان شاء الله البنات يفيدونج

اب

اب

اب

تحياتي​

 

[اسواريه]

اذا شعرج خفيف شقري احســــن
افتكي من الحبوب واثرهاااا

 

[وردة الخميلة]

حبيبتي اذا تقدرين على الليزر سويه ,,, اما اذا ما تقدرين فلا تفكرين بغير التشقير .. واصلا التشقير ما يزيد بالعكس مع مرور الايام يضعف الشعره

 

[Fajory]

الشيره والواكس: ما انصح فيهم للظهر حبوب وترهل مع الوقت.
المكينه: بعضهم يطلع لهم حبوب وبعظهم لا وتناسبهم.
التشقير: افضل شي بس مرة كوافيره قالت لي كثرته يسبب نمش مع انه ما شفنا هالشي.
الليزر: ماشفت له سلبيات.
بس اذا تبين تستعملين احد طرق نزع الشعر من جذوره استخدمي المكينه وبعدها انصحج تستخدمين كريم مخفف نمو الشعر ( سموثي لوشن ) لانه فعلا يخفف الشعر ومع الوقت بتلاحظين فراغات اماكن ما قام ينبت فيها شعر واهوا مهدئ لما بعد الحف ما راح يحبب ظهرج اذا استعملتيه بانتظام .. وبس طولت عليج

 

[سـعوديه فلهـ~]

عن اذنك صاحبة الموضوع ..>_<

بسال هاللحين التشقير للظهر المشـآغل تسويه ؟

طيب أقدر انآ أسسوي لآن حرآآآم الظهر عورآ .. خبروني يسعدكن ربي

 

[عاشقة هواك]

انا عن نفسي حف مو شي يطلع لي حبوب وما احب اشقر اسوي ليزر وافك عمري

 

[ام عبد العزيز م]

احسن شي الخلطات

 

[القوس قوسك]

تشقيـــــر وبس وبعدها غسلي عدددددل بماي بس بدون شي عشان ما يطلع حبوب وابتعدي عن الحف والشيره مره شلت وكرهت نفسي

 

[جلامور]

يعني التشقير احسن شي
بشقر واتوكل على الله
شنو ترشحولي صالونات ؟ او اي نووع من الاكسجين

عفوا اللي قالت ليزر كلش مايمدحون الليزر حق الظهر
مشكورين حبايبي لا خلا ولا عدم

 

[q8ia7]

التشقير يزيد الشعر :/
والحف بالشيره يسوي حبوب وملاقه
واذا الشعر خفيف الليزر مايصلح له

مادري شالطريقه

 

[الزين المطيري]

تشقييييييييييييير