شعر الراس الخفيف .. زراعة و ليزر

[3w!Shni]

قوة حبيباتي

بنات انا كان شعري كثييييييييييييف .. شباصتين مشدودين على حدهم بالغصب يمسكونه

المهم صارتلي ظروف نفسية قاهره

شعري كله طاح صارت قمة الراس مبينه و الفرق صار كبيييير الي بالنص .. وشعري اخترب ماهو شعري القديم.. :eh_s(16):

هالكلام 2003 و من هالسنة تقريبا لي 2005 بدت ظروفي تتعدل و بديت اعالج شعري زيوت ومازيوت وغيره و الحمدلله وااااايد فرق و تعدل .. لكن

وما ادراكن ما لكن

ظلت عندي قرعه صغيرة في مقدمة الراس ,, و شعري مع انه تعدل بس ما ايي ربع شعري القديم بالكمية.. يعني خفيف بس حلو زين الحمدلله راضية

وشعري لما تفرقينه الفرق شوي كبير يعني مو مسكر .. ووااااااااااااايد مأثر على نفسيتي .. متعبني خلاص واصلة حدي ..

فا بما اني اعالج ليزر عند طلال العلي شفت عندهم عرض ليزر للراس يعالج كل مشاكله ..

حبيت اسويه .. و بعدين خفت انه ما يطلع الشعر؟؟؟؟؟ ففكرت بالزراعه

يابنات منو جربت الليزر و منو جربت الزراعه؟؟؟؟؟

والله حد نفسيتي تعبانه من هالموضوع ..

وكلا حاطه شعري على جنب عشان لا تبين مع ان امي تقولي ماتبين وايد بس انا اشوفها كبيرة و مادري شلون ويع

:eh_s(16)::eh_s(16)::eh_s(16):

وانا مو حلو علي الشعر على ويهي كلش ..

بليز ساعدوني :eh_s(16):

والي تعرف عياده زراعه شعر مجربتها

وين و جم اسعارهم وشنو النتيجة

 

[dandon87]

اب اب يااليت البنات يفيدونا

انا نفس الشي من سنتين عالنفسية الزفت طااح اكثر من نص شعري و الحمدلله الحين ردت كثافته (( بـــس !! مقدمة الراس وخاصة الفرق الي بلنص x ))

الي عندها خلفية عالموضوع فيدونا والزراعة عادي منطقة بسيطة من مقدمة الراس وشلون التكاليف ؟

 

[DaloOoLa Q8]

ماعندي فكرة جربي الثوم آخر حل قبل الزراعة ترى الثوم عجييييييب جد ينبت وفي اكثر من طريقة يا انج تفركين المنطفة بنص فص ثوم او انج تهرسين الثوم وتحطين عليه قفشتين زيت زيتون وتفركين في فروة شعرج والله ثم والله ينبت الشعر عن تجربة توكيلي على الله وجربي شهر اذا ما فادج فكري بالزراعة .

 

[3w!Shni]

حبيبتي انا جربت الثوم

نبت شعري كله الا هالمكان ..

والحين قاعده استخدم خلطة الملاك ربي يجزاها كل خير تهببببببببببل .. و حاسه ان المنطقة في تحتها شعر صغار .. بس

انا عارفه انه راح يرجع يطيح مرة ثانية

بس تتعب نفسيتي شعري يتأثر بسرعه

حسبي الله و نعم الوكيل

بليز بنات زراعه ولا ليزر