شعري يا ناس اخترب ساعدوني...

[ملكة الفرس]

السلام عليكم...

الله يخليكم بغيت اسألكم شنو احسن زيت للشعر شنو تنصحوني بزيت دابر املا ولا زيت باراشوت
لانه شعري الله يخليكم صبغته اشقر واخترب كلش وصاير يحت بطريقه فظيعه...

عاد قلت ابي زيت اعالج فيه شعري فقلت اسالكم باراشوت ولا دابر املا

ساعدوني الله يخليكم....

 

[ام عبد العزيز م]

عليج زيت اركان الاصلي المغربي

 

[((غلاي))]

بارشوت و دابر املا وايد زينين

انا نصيحه مني لج
و استخدمي يوم براشوت و يوم املا

يبيه وقت علشان يتغذا و يرد مثل ماكان ان شاء الله

 

[أإأم روويم]

رررفع ...

 

[نعوووووومه]

شلون تحطين زيت وانتي صاااابغه مايصير يغير لون الصبغه حطي بديل الزيت::
بنات تكفون اي افضل دابر والا براشوت؟؟

 

[نعوووووومه]

اي صج نسيت اقولج اشتري حبوب بنتقور حيييل حلوين لتساقط الشعر استمري عليهم حيييييل مفيدين واهم شي انشاءالله يوقفون التساقط وعن تجربه
واهم فيتااااامين للشعر والاظافر واكثر شي للشعر))) وادعيلي فدييييييتج

 

[أبلة فاتن]

صح زيت وشعر مصبوغ ؟؟؟؟؟؟؟؟؟؟؟

الله يهداكم تلعبون بفروة راسكم ،،، طيب قصي اطراف شعرج سيده من تحت

الحمدالله صبغت الاشقر وجذور ومرتين وفوق بعض بسنه وحده اكثر من مره ولا عمري اشتكيت

من الي تقولونه اذا بغيتي تصبغين مره ثانيه روحي صالون ثقه ولا تعطين راسج لاي وحده

عموما الثوم مطهر للراس شفتي مال الوجبات استخدميه تقدرين تسوينه بروحج بعد

حلو للفروه واستخدمي شامبو معالج للشعر المصبوغ


ودابر املا مع الاستشوار بعدين يابوووي الله يعينج

حمام كريم للشعر من فيلفيف من لوريال استخدمي​

 

[همسة الاحساس]

استخدمي امبولات رويال بلاسنتا توقف التساقط

 

[ملكة الفرس]

الله يسلمكم آنه صبغته صار لي أكثر من 5 شهور والمشكله بدت معاي من أسبوع بالنسبه لتساقط الشعر
بس آنه بغيت أسأل بالنسبه لزيت باراشوت و دابر أملا يصير أخلط النوعين مع بعض و أحطهم على شعري...
كل يوم قبل لا أنام أدهن شعري و ألفه و أنام فيه و الصبح لين قمت أغسل شعري...

بس على فكره يقولون تساقط الشعر هم له دور على النفسيه ( وآنه نفسيتي حيل تعبانه هل اليومين ) أدعولي الله يفرج علي يارب يا حبيبي...

على فكره من يوم صبغته ما عانيت من المشكله إلا من أسبوع حاليا ...

بس نصاحكم الله يخليكم...

 

[randomy]

التساقط ماله علاقه بالصبغ


التغذيه اهي تسبب التساقط ... عليج بامبولات وحبوب فيتامينات حق الشعر

 

[@ DLOO3TAH@]

أأب

 

[أبلة فاتن]

الله يعينج حبوبه احنا نعطي حلول ومو عارفين الاسباب راجعي طبيب تغذية وجلدية

مادري شقولج احترنا صراحه

عندج فقر دم ؟​

 

[ملكة الفرس]

مشكورين على الردود الغاليات...

الحمدلله أمس راجعت دكتور جلديه و لمن شافني الدكتور قالي مشكلتج نفسيه أكثر من طبيه
عليج أول شي بالراحه النفسيه ( قلت منين يا خلاف و آنه حماتي و ام زوجي مناشبيني مناشب و مذوقيني مرررر الدنيا )
و الحمدلله وصفلي أدويه و شامبو و فيتامينات ألي تغذي فروة الراس مثل السائل قالي تحطينه فليل قبل ما تنامين
و عطاني نوعين فيتامينات هم للشعر و البشره وقالي تاخذين العلاج لمدة شهر و ارجع أشوفج عقبها...

والحمدلله على كل حال ....

 

[الحلوه القمريه]

لا تنسين الصدقه والدعاء والاستغفار والله ياجرج ويصبرج على حمولتج

 

[رانيا6]

اب اب اب

 

[omsalooom@hotma]

اختي يبي لج شامبو للتساقط روحي صيدليه حمعيه روضه او الشاميه واهذي ماركه hair cur شامبو منها واهذي فيتامين بيورين ان. واخذي نفس ماركه شامبو فيه سيرم. ينعم. انتي سالي عنه في خبيره تعطيج وحطي بديل زيت من ايفا بالصبار للشعر المجهد واستمري لمده عل الاقل شهرين وادعيلي

 

[omsalooom@hotma]

واذا عندج فراغات. اخذي تونك ماركه ريجيوفي مع خبرب نوركرين بس لازم تستمري عل الحبوب ٦ شهور. توقف تساقط وتنبت الشعر بس لازم مع تونك

 

[ملكة الفرس]

مشكوره الغاليه omsalooom@hotma
أي الغاليه آنه رحت عند أستشاري جلدي و وصف لي نفس الشامبو ألي قلتيلي عليه و التونك
و عطاني حبوب كبسولات نوعين واحد منهم فولك اسد مع الحديد والثاني قالي هم للشعر و البشره و الاظافر أخذ حبه الصبح و حبه بليل
و شاكره لج مرورج الغاليه

 

[عبقرية]

ضعي تونك اكليل الجبل حتى يقوي البصيلة

وادخل هذا الرابط

http://www.q8yat.com/t577562.html​

 

[3w!Shni]

وعندج بعد زيت جدايل مانع التساقط وااااااااااايد ممتاز واخذي المقوي مال جدايل هم خلطيهم و حطيهم مع زيت الثوم

او قصي فصين ثوم و قطيهم داخل علبه الزيت .. هم حلوين

وفيتامينات برايورين ممتازييييييين