شعري من جدام صلع شسوي؟؟

[om Tarooky]

السلام عليكم ورحمه الله وبركاته
الموضوع واضح من العنوان يا بنات شعري من جدام صلع حيل
وما ادري شسوي اللي تعرف انبولات زينه ومضموعه تقولي وراح ادعيلها كل ما اشوف شعري
اتمنى محد يدش وما يرد حتى لو يرفع الموضوع
مالي غيركم ويعطيكم الف عافيه

 

[ام شريفه]

روحي النسائم فيه وحده فليبينيه تبيع انبولات يابانيه على فكس يطلعون الشعر

بالوفيق حبيبتي

 

[هجورة]

والله اختي شعري مثلج من جدام مصلع جربت كل شي وما فاد إلا الزنجبيل

اخذي قطعة صغيرة وفركيها في الفراغات وخليه في شعرج نص ساعة وغسلية
لاتستعجلين بعد شهر بتشوفين النتيجة ان شاءالله

 

[MISS_LIZLIZ]

نصيحة لك اذا الصلع من الامام سوي لك تحليل هرمونات دكاترة الجلدية يعرفون لـ التحاليل المطلوبه لهذا الشي
لان غالباً الصلع في مقدمة الراس عند البنت يكون من خلل في الهرمونات و ان شاء الله تلاقين الشي اللي يفيدك

 

[sheraZia_Q8]

الاشياء الطبيعيه احسن من الانبولات عن تجربه
انا جربت الانبولات الاستمرار حلو ويطلع شعر
من تتكرينهم يرد مثل ماكان

اول شي سوي تحليل
واخذي حبوب فيتامينات + حديد
وبعدها بلشي خلطات طبيعيه لا تاخذين شي من الصيدليه ابدا ابدا
(( التحليل فقط عشان تعرفين هل تحتاجين علاج للهرمونات ولا لا ))

واذا بغيتي خلطات طبيعيه للصلع
عندج الصبار هذا احسن شي

 

[مناي الجنه..~]

اممم زيت الاملج مضمووون باذن الله ينفع معاج..~

 

[M!Ss Smart]

جربي السدر بس استمري عليه وان شاءلله يفيدج

 

[shy rose]

اخذي ورق الصبار وافركي به فروه الراس

 

[شذونه]

اول شي تحليل بعدها الصباااااااااار الصبار حتى لو طول شوي بس حلو وطبيعي وشوفي هنا وحده منزله موضوع عن هلمشكله والصبار حلها بعد الله وربي يفرحج

 

[Q 8 Y A t]

انبولات فيجي

 

[دموع الولة]

نفس الحالللللللللة

 

[بنت الاحلام]

روحي عياده تفحصج اكيد اكيد فيج مشكله هالصلع ما ينفع معاه زيوت تري ديري بالج

 

[اوبراا]

امبيه مثل مشكلتي

 

[غير كل الناس]

التونيك المقوي للشعر تلاحظين النتيجه في 3 اسابيع
66033097

 

[&موناليزا&]

عزيزتي رفع لعيوووووووونج

 

[قلبي محمد]

في وحده هني من البنات منزله موضوع عن هالشي وقالت ان افضل شي تخطين ( صبار +حرجير + ثوم ) وتخلينه ثلاث ساعات وتحطينه مرتين بالأسبوع
الحين أنا واختي حاطين واليوم اول يوم لنا وان شاءالله يفيدنا مثل ما قالت الاخت في موضوعها
اي صح على فكره أنا هم قريت عن موضوع حبوب تاخذينهم مرتين او ثلاث مرات بعد الاكل ووايد يمدحونهم البنات وهم أنا واختي شريناهم
اسم الحبوب ( priorin N ) وهم أنا واختي بدينا فيهم اليوم مع الخلطه
وان شاءالله تفيدنا مثل ما فادوا الخوات هني لان صج تعبنا واحنا نستخدم انيولات ومافي فايده ولو في تكون مؤقته بس
ياااربي ان شاءالله تفيدج وأمانه ادعيلي ان ربي يحققلي اللي ابيه
وأي استفسار تقدرين تتواصلين معاي بالخاص
وآسفه طولت عليج

 

[omsalooom@hotma]

ام شريفه انتي قلتي عن انبولات بالنسايم دقيت عليهم ماعندهم امبولات يابانيه انتي اي فرع شاريتهم وهل صج نبت شعرج

 

[MISS_LIZLIZ]

يا قلبي شوفي قبل تجربين وصفات البنات ابغى انبهك على شي مهم كثيرر
اذا عملتي التحليل و بين معاكي نقص في احد الهرمونات بمجرد علاجه راح يرجع شعرك طبيعي مثل قبل
لو قلتي تساقط اقولك خذي من وصفات البنات و ان شاء الله تستفيدين منها
لكن انتي قلتي صلع من الامام و هذا اقدر اقولك عن ثقة انها مشكلة هرمونية
وحلها في الاول و الاخير يكون بعلاج الهرمون

لا تخبصين في استعمال الوصفات و الحل ممكن يكون من شي ثاني غيررر

 

[Miss Cherry]

الصلع مرات وراثة حتى الحريم يجيهم

بس انتي جيكي على الهرمونات والغدد وسوي تحليل شامل جايز يكون فيج نقص

ومرات ترا من الامطه ولا لما تشدين شعرج حيل يحت الشعر قصي لج قذله من قدام واهتمي بشعرج حطي حنه وسدر

وان شالله يرجع شعرج مثل قبل

 

[Pure Beauty]

حبيتي روحي أوباجي وبيظبطونج بس يبيلها ماده