شعري صار ليف بعد الفرد بعد 4 سنوات معانات اخيرا لقيت الحل

[نورالنور]

السلام عليكم ياحلوين
انا من زمان مادشيت المنتدى
بس صج اشتقت لكم وحق سوالفكم ❤
بس كانت عندي مشكله تعبتني ابسبب شعري الي اخترب وماعرفت شلون ارجعه مثل ماكان
يابنات كان شعري مضرب الامثال باللمعه والنعومه ليش سويت جذي فيه مادري
حبيت اواكب الزمن وكلما اسمع شي اسويه عشان ازيد حلاوه ?
لكن هالشي خلاني سنوات محبطه ???
سويت حق شعري فرد اسمه ريلاكس ?? في صالون حسبي الله عليها خربته حقي وقاعده تكمل شغلها واهي عارفه انه شعري اخترب تورطت وقامت تستغفر وتكبر شوي وبتقوم اتصلي ابسبب تورطها بشعري انا حسيت بالسالفه انا عدمته مابي اطولها عليكم 4 سنوات وانا من صيدليه لي مستشفى لي جلديه لي مستوصف وماشفت نتيجه ?? وغير حجي قوقل ذابحته بالاسأله والاستفسارات حق شعري ومالقيت نتيجه
لي مره كنت احوس بالاستقرام لقيت رفيجتي تتكلم عن ماسك للشعر يرجع اللمعه والنعومه خلال شهر لي شهرين قلت بجرب !!!! قمت جربت ودشيت الشهر الثاني والله يابنات تفاجأة بالنتيجه ونبهرت فيها ورجعتلي الثقه بشعري وردت اللمعه مره ثانيه هالماسك قمت ما استغني عنه الحين بعلمكم عنه بس والله يابنات 4 سنوات وانا ماقدر اغير الشامبو مال الشعر لانه ولا شامبو من الجمعيه والم شعري لازم اغسله بشامبو كيراتين تعبت منه
الحين قمت استخدم اي شامبو مال الجمعيات ورد شعري يدهن ونعم مثل قبل
ادري قرقت عليكم بس والله من الوناسه ?
الماسك هو : صفار بيض + نقطتين خل + نص علبة روب+ عسل+ زيت زيتون
طبعا البيض على حسب طول الشعر
القصير كلش بيضه وحده نص الظهر بيضتين شعر طويل 3 بيضات
إنْ شَـٰاااء ـِاللھ اكون فدتكم والله يبعد عنكم نفس الي صارلي ???

 

[bnt^q8]

حبيبتي انا نفسج تضرر من الكيراتين .. ولو ترد فيني الأيام ورا جان ما لعبت بشعري ولا رحت صالون بحياتي ,, تييني فترات اعتني فيه بالزيت بس لما أوقف يرد مره ثانيه كشه ,, وخصوصا مقدمه الراس حتى الشعر اليديد يطلع خربان وايد متضايقه

هذي تردلي شعري نفس ما كان ؟؟ وجم مره اسويها بالاسبوع ولي متى استمر ؟؟

 

[bnt^q8]

وماعليج امر شكثر مقدار العسل وزيت الزيتون ؟؟

والخل في نوع معين ولا عادي أي نوع ؟؟

 

[نورالنور]

اي انشاء الله ترده مثل ماكان مثل مارد شعري واحسن حبيبتي بالاسبوع مره حطيه على شعرج وهم اعلمج على بلسم انتي سويه بالبيت عقب ماتسبحين وتحطيم الشامبو استخدميه كبلسم وتنشفي وطلعي ( نص كوب بلسم +نص كوب ماي ورد+ كوب مايونيز+ نص كوب زيت زيتون) اخلطيهم بخلاط يدوي لي مايتجانس وحطيه في علبه وخليه بالحمام

 

[ماي الورد]

حلوووه الطريقه انا اسويها كل خميس يعني مره في الاسبوع من كل شي معلقه احط

 

[نورالنور]

وماعليج امر شكثر مقدار العسل وزيت الزيتون ؟؟

والخل في نوع معين ولا عادي أي نوع ؟؟

قفشة عسل كبيره ترسيها وخل قفشه كلش صغيره الخل الابيض العادي وزيت الزيتون اخذي الاصلي اذا عندج مقدار ربع كوب