شعري رااح

[اميره انا]

تكفون يااااااابنات الخير اعاني من شعري تسااقط وراح من خمس سنين منو تعرفلها خلطه صججججج تنفع وقويه لاني ماخليت شي دكتور خلطات مااافي اي تحسن الشكوي لله والله اللي تساعدني بدعيلها بسجودي تكفون

 

[fatma A]

اول شي لازم تسوين فحص دم يمكن عندج نقص فيتامين او فقر دم

وثاني شي النفسيه تاثر وايد على الشعر كثر التفكير تسبب تساقط الشعر حتى لو اهتميتي فيه ودهنتيه فيه

وبعدين حطي حنه بشعرج وسدر زين حق الشعر سبحان الله تقوي الشعر وتكثره

 

[سمراء جذابه]

مساء الخير

بقولك خلطه فادتني كثير بس اهم شس تستمرين عليها

اول شهر تستخدمينها مرتين بالاسبوع وتخلينها على شعرك ساعتين

(زبادي منتهي صلاحيته_3ملاعق عسل_3ملاعق مايونيز_3ملاعق حمام زيت_وملعقه زيت شعر )

تخلطينهم مع بعض وتحطين على الاماكن اللي فيها شعرك خفيف وتكثرين فيها

بعد الشهر استخدميها مره بالشهر

راح تدعين لي بعدها انا للحين مستمره فيها اخذت شهرين

لكن الاهم لاتستخدمين الاستشوار الا اذا عندك مناسبه

واتمنى اكون افدتك

 

[مصممهــ]

سمراء جذابه <<< انا عن نفسي احلق شعري بموس ولا اسوي هل خلطه اسمحيلي احسها تموت الفروه اصلا

فطوم<<< اهنيج اظاهر الحمله مولتي مأثره عليج لوووووووول

نصايح فطوم اهي الصح وياريت تعملين فيها

بالتوفيق خيتي <

 

[اميره انا]

سمراء وفطوم مشكووووررررين. ماقصرتوااا والباجي لاتبخلون علي الله يفتح عليكم

 

[زهرة الجهراء]

اليوم كله بنات تسال على خلطات الشعر
هذه تجربتى مع خلطة للشعر
ان شاء الله تفيدك
http://www.q8yat.com/32196728-post6.html

 

[Mrs.H]

اخذي حبوب للشعر واشتركي بصالون يسوي خلطات انا وايد عاجبتني خلطة التاجرة غراس

 

[لعبة ايام]

طيب حبيبتي سوي تحليل يمكن نقص حديد ولاشي ناقص عندك ! عشان تساقط وتعالجيه



:eh_s(7):

 

[اوبراا]

انا صلعتي كبرت مع كل عنايتي ماشالله مافيها فايده والله صرت استحي اقط الشيله

 

[موناي]

جربو الثوم عجيب على الشعر فركوو بالفروه

 

[مس جلاميروس]

انا كان عندي فراغات بمقدمة الشعر ,, واستخدمت بخاخ هير جرو من الصيدلية .. هو مخصص للرجال اصلا لان معروف الرجال يعانون من الصلع كثير
المهم ابخه كل يوم على المناطق اللي شعرها خفيف
وماخلصت العلبه الا ماشاء الله نبت شعر جديد الحمد لله
جربيه وان شاء الله يفيدك
وبعد استخدمي السدر .. منقوع السدر او استخدمي السدر كماسك زي الحنه ..
مره ممتاز للشعر .. انا ناويه استمر على ماسك السدر فتره لان يقولون نتيجته مثل الحنه يقوي وينبت الشعر وان شاء الله يفيد

 

[أسرار الجمال]

اي اختي استخدمي سورسير هير غرو من الصيدلية سعرا١٢دينار اهو خلاصة ثوم وانشالله يارب يفيدج

 

[rose2012]

شوفي انا شعري يحت وايد داري كلها شعر امي تدش تزفني زين انا شكو شعري يحت؟ الحنفيه منسده من الشعر مشطي متروس

جربت الحنا مافادتني بس تطول الشعر التساقط نفس مااهوا و بالنهايه جففته حيييل صار وايد ناشف يعني صار يحت + ناشف طلعت لي مشكله ييديده

الشي الوحيد اللي نفع معاي يمكن من رابع مره بينت النتيجه خلطه اينجل كات بالثوم
بس عيزت اسويها و هديتها لان مكوناتها وايد
بس غيرت الطريقه
اهوا عموما الثوم علاج سحرري
اخذي ثوم بالبيت وايد فصات ثوم انشالله 30 حبه بشريه حطيه بعلبه كبيره صبي عليه زيت اي زيت تحبينه وخليه يتشربه و حطيه على شعرج حده ساعتين و غسليه لان يمكن شعرج حساس عشان جذي يتساقط
زيت خروع زيت ثوم زيت سمسم
وبيوقفه انشالله المكون الاساسي ثوم
وساعات يحت الشعر من حساسيه بفروه الراس خلايا جسمج تهاجم بويصلات الشعر و تموتهم فيحت يعني من الاكل بس الثوم انشالله بيعالجه

 

[موناي]

اي الثوم عجيب اينبت الشعر حتى السمسم اينن

 

[MRS.coupe]

يمكن فيج نقص حديد
روحي الطبيب على يوم سوي تحليل وشوفي
في اشياء يكون الخلل من داخل الجسم التساقط والشعر الباهت
الخلطات ما تعالج الا بنسنبة 45%
​

 

[rose2012]

انشالله يرد شعرج احلى من قبل
بردي اللي قبل قصدي وايد ثومات عاد لحد يحط 30 فص يمكن يحرق الشعر لان قوي الثوم 15 فص و بعلبه كبيره يعني حق جم مره

 

[اوبراا]

اب اب

 

[omsalooom@hotma]

اختي انصحك بماركه يابانيه وحده تبيعها ٩٩١١٩٥٩٠. هذه عندها ماركه انا توني شاريتها توقف تساقط وتنبت بس للحين نابينت نتيجه الانبات ووايد زينه توصل للبيت

 

[Nzzz'3a]

اول شي لازم تحاليل
لان نقص فيتامين e يسبب تساقط

تونك سورسير هير قرو روووووعه


موووووفقه حبيبتي

 

[قمر2012]

حبيبتي الله يحقق لج الي ببالج

اول شي سوي فحص مثل ما قالو لج البنات لانه اذا المشكله من داخل لو شنو تسوين خلطات راح يرجع نفس المشكله


ثاني شي استخدمي الي اغلب الحريم يستخدمونه ومعروف جدا وخصوصا عند الهنود ( ياحلات شعورهم تصك ٥٠ وللحين شعرها احلى من شعر بنت١٤)

الي هو زيت دااابر املا وهذي صورته الاصلي و اذا حصلتي نتيجه وتبين تتركينه او تبين تستمرين عليه بس على خفيف اقطعي شوي شوي لانه اي ش تقطعينه فجاه يسبب تساقط والله يرزقج بشعر صحي وناعم وطويل يارب امين ومابي منج الا دعوه صالحه وللامانه ترا بجربه للحين ماجربته بس هذا كلام خبيره تجميل و تجربته وايد بنات ومشهور واكبر مثال لج الهنديات ..

هذي صورته