شعري دهني حيل منو عندها حل بنات ؟

[احلى من كل البشر]

السلام عليكم ورحمة الله وبركاته

كل عام وانتم بخير

وتقبل الله طاعتكم

وعيدكم مبارك

بنات شخباركم عساكم طيبين مشكلتي بنات شعري دهني اتسبح اليوم يدهن باجر ولا ساعات اتسبح الصبح بالليل تلقينه مدهن ماخليت شامبوات وخرابيط وتوني صابغه عبالي بينشف زاد تصدقون

منو عندها حل تساعدني


مشكورين وربي يوفقكم ​

 

[درة أهل الطولات]

رد : شعري دهني حيل منو عندها حل بنات ؟

حطي حنــه

تنشــفه

 

[احلى من كل البشر]

رد: رد : شعري دهني حيل منو عندها حل بنات ؟

حطي حنــه

تنشــفه

درة توني صابغه حرام عليج ماتسوى علي

غير الحنه ابي حل

تسلمين درة اهل الطولات

 

[احلى من كل البشر]

بس رد واحد شدعوه بنات

 

[أم أحلى البنات.]

هههههههههههه!!!!

نفس مشكلتي ونفس الشي صبغت مرتين عبالي بنشفه بس ماااااكو فايده ..

اخر حل الحين قلت بجرب شامبو السدر لين اخلص العلبه كلها واذا ماشفت نتيجه بروح لعياده ,, بس السبب اانا عارفته من الحبوب بس هالمره طووول

اذا لقيتي حل قوليلي ؛)

 

[Malak_Q8]

رد : شعري دهني حيل منو عندها حل بنات ؟

جربي شامبو طبيعي بالعكبر رح يعيد توازن افراز الدهون بفروة الراس .

 

[[ سيدالملاح ]]

جربي شامبو seba med الحجم الكبير
for oily dandruff hair and sclap

http://www.sebamed.com/index.php?id=2218&L=1

وادعيلي *

 

[معلمة رياض اطفال]

رد : شعري دهني حيل منو عندها حل بنات ؟

السلام عليكم
عيدكم مبارك
لعيون اللى ارسلن لى حطيت الخطوات وكل التوضيحات اللى تبنها

طبعا للى ما قرت موضوعى القديم اقولها السالفه

الحمد لله انا من دخلت على حمولتى ناس طيبه وعلى الفطره وتحب النفع لغيرها وخالتى وحمواتى ما عندهم نحاسه الحريم
لحظت ان شعورهم صبه وحده اشعورهم كلهم خالتى معنها عجوز وبناتها كلهم وبنات بناتها
لون شعرهم بن غامج حيل وطويل حيل تحت الدبه وناعم وصبه وحده وخالتى لو يموتن ما تخليهن يقصن ولا يصبغن
وانا حسبالى هالشى وراثه عندهم ما عطيت الموضوع اهتمام بس كنت اشوفها كل جمعه يوم جمعت بناتها من الصبح تقعد وتعجن لهن الحناء وتنقعها واول ما يجن سيده بالدور وحده وحده حتى المتزوجات هى بنفسها تحط لهن وترب على شعورهن شيال خفيفه قطن وانا كنت داخل نفسي اقول شخباري صج مغبرات للحين يحنن الناس تطوروا وانبولات وخلطات
بس ماكنت ادري انى انا اللى مغبره انا وشعري الى كان متنتف كلش
المهم بعد ما جبت بناتى خالتى قامت تحط لهن مع بناتها وشفت بناتى صارت شعورهن مثل حمواتى ونفس اللون
المهم عاد عرفت ان السر بالحنه وخلطة خالتى اللى تسويها
وقعدت اخليها تحنينى معهم وسبحان الله تحسن شعري حيل ملمس ونعومه ولون وطول وكثافه ونبت

بعدين خالتى فديتها علمتنى لانى استحى لما تحط لنا وحمواتى واجد اسمله عليهن
قلت انا احط لعمري انا وبناتى


وهذا برنامجها اللى من يوم دشيت بيتهم وعرفته مستمره عليه وبستمر للابد
لانه شى طبيعى ويهبل وسنع شعورنا ليش نخليه وسهل جدا وبسيط ويا حلو القديم والفطره


طريقه خالتى بالحنه :

اول شى تطبخ شاى كشري ( الفله الورق ) لما يعقد ويصير اسود وتنطره يبرد
بعدين تجيب طاسه كبيره وتحط فيها
قفشتين عسل
فنجان الخلطة القصيميه ( وهى حنه من القصيم معها اعشاب )
شويه زيت جوز الهند
ملعقه حوس ملح
تعجنها بالجاى لين تصير اخف من الروب وتخليها تخمر ساعتين على طاولة المطبخ بعدين تحطها لشعورنا

وتتركها 6 ساعات ويصير اكثر ومرات الجهال ينامون فيها ما نغسلها الا اليوم الثانى
بس حنا لانا متزوجات نخليها بس 6 الى 7 ساعات

نغسلها بماء فقط لانه مو زين تحطين شامبوا عالحنه

ثانى يوم نحط خلطة الزيوت ( وهى دابر املا جولد + زيت برشوت ) اخلطيهم بغرشه قزاز وادهنى فيها شعرك


بعده اغسليها بالشامبو الاحمر القديم وعليج بالعافيه

واستمري لا تقولين شهر شهرين لا اقولج استمري على قولت البدو الى الميته اي الا الابد

لانا انا مستمره عليها من سنه 2005 بعد ما جبت بناتى


والحمد لله الشعر ياربي لك الحمد جنـــــــــــــــــــــــــــــــــان قليله عليه
وادعولنا الله يحفظنا من العين ويديم علينا الوناسه وسعه الصدر واللمه الحلوه



واهنيه يا بنات انا احط لكن برنامجى الخاص بالصور واغراضى لشعري وشنهى الاشياء اللى زدتها من عندى عن برنامج خالتى الى علمتنى


هذى اغراضى اللى استخدمها

1- هذا الرعاصي احط فيه الحنه وهو حق الكتشب تلقنه بترافيليو

2- هذى خلطة زيوتى ( برشوت + دابر )

3- شامبو العجايز الاحمر القديم تلقنه بالمحاميد والجمعيات وتري بو قزازه الاصلى ولا تاخذن البلاستيك تقليد

4-حمام زيت فاشكول من الحواج - حمام زيت فوتو ب 9 دك من صيدليه بوتس بالافنيوز

5 -كريم مرطب اسمه ماكسيمام اشريه لسافرت السعوديه بالكويت ما لقيت الاصلى احطه لشعري وشعر بناتى مسحه خفيفه لجيت امشطه حلو ويرطب الشعر



هذا جدولى

هذا طريقه الحنه اللى تحب تسيف الصوره اسهل وتحطها بتلفونها عشان ما تنسي الطريقه الصح

 

[بصْمةُ ضِيَاءْ]

نفس الحاله اضطر اغسله كل يوم مثلا اغسله اليوم باجر لازم اغسله لان من ثاني يوم يتدهن بس صوب فروة الراس

 

[noody a&a]

رد : شعري دهني حيل منو عندها حل بنات ؟

حبيبتي انا مثلج كانت الجذور دهنية كل يوم أسبح وإذا سبحت الصبح بالليل يدهن بس طحتلج بالحنه والسدر والله يهبل ألحين حلو مايدهن بسرعه