شعري أزمة :(

[عآبرة]

السلام عليكم
بنات ابي مساعدتكم في كل مناسبه أو حتى زواره عاديه اشيل هم شعري شسوي فيه؟
واحنا بناتنا مشاءالله اللي تسوي بف واللي كيرلي وتساريح ناعمه وعجييبه وانا فاشله في كل هذا
أعرف اسوي مكياجي بس ابتلش بشعري
اشتريت الربطه هذي اللي تسوي تساريح من تاجره عندنا بس ماعرفتلها رغم ان في تعليمات بس ماضبطت معاي مع ان شعري ناعم وطويل يعني للخصر تقريبا بس خفيف شوي

بليز بنات شتسوون بشعوركم وهم بعد مو سالفه كل زواره ادق على الصالونه :eh_s(16)::eh_s(16):

لا تبخلون علي بنات بلييز:eh_s(11):

 

[جذابه بنت ذيابه]

حبوبه اشتري استريت و استشوار صالونات تلقين عليه عرض بالنسايم ..



و متى ما تكونين فاضيه اقعدي وسوي شعرج لين تتعلمين

و اشتري الحشوه حقت البف .. وتعلمي بنفسج و اشتري ماشات للشعر وللحشوه
ويوميا ماياخذ منج ساعه مره سوي بف لنفسج ومره استريت و مره تسريحه رفع شوفي صورهم باليوتيوب

 

[@شيخه@]

شوفي عندج باليوتيوب

 

[رانيا6]

ررفع

 

[عآبرة]

جذابه شعري خفيف ابي غير البف .. مشكوووره حبيبتي ماتقصرين
شيوخ ورانيا رفع الله من اعمالكم على الآب هههههههه

 

[ام شريفه]

سوي سشوار عادي و كيرلي بعدين نفشيه بيدج يصير وااايد و رشي سبريه

 

[MiSS B.K]

لا اله الا الله

 

[Engineer A]

انا مرات اسويه ستريت
ومرات high bun
ومرات اسوي عجفه واحطه على صوب , ان شاءالله فهمتيها
عاد احس راح تطلع حلوة عليج لان شعرج خفيف وطويل


شوفي هذيله تعلمت منها وسويتهم

Simple Looped Side Ponytail - YouTube

How to: Perfect Low Bun - YouTube

وشوفي الفيديوز الباجي تسوي شغلات حلوة وسهله

 

[الــــزيــن]

ما قصرو البنات .. اليوتيوب متروس كلهم يتفنتقون جربي مره ومرتين ليما تضبط

 

[عآبرة]

مشكورين بنات ماقصرتوا
أمول صراحه انصدمت تصدقين سهلوا علي كل شي حسيت اني غبيه ههههههههههههههههه
حبيبي جزاج الله ألف خير

 

[موزة ام فارس]

بوقت فراغج لعبي بشعرج
مره كيرلي ومره بف يعني كل مره سوي شغله بسيطه وقلدي اللي بالفيديوات
بالبداية ايدج بتكون ثقيله بس بعدين بتخف واايد