شسوي

[مملكة الحب12]

انا مسجله بنتي اولى روضه بالمدرسه الباكستانيه واليوم قاعد اسالها شلون الابله معاج ولا تقولي الابله طقتني على ايدي والله انقهرت وقلت لازم باجر الصبح اروح اسويلهم سالفه شكبرها لان اعتقد ان الطق ممنوع صح ولا لا

بس خفت من الابله لاتحط على بنتي وتعاملها معامله خايسه

 

[شاي ونعناع]

عسي ايدهااااااا الكسرررر ان شاءالله الياهل تري مايجذب روحي وفهمي السالفه عشان لاتقعدين علي اعصابج الا الطق والله لو انا بدالج مااخليهم اخاف البنت باجر تكره المدرسه اكيد مايصير الطق لازم تروحين وتفهمين شسالفه شكو تحط عليها انتي روحي وكلميها بعقلانيه بدون تعصب لازم تعرفين الاسباب حته لو سوت شي غلط بس ماتمد ايدهااا الله يحفظ عيااااالنا من كل شر *

 

[قاهره عذالي]

خاف بنتج تدلع وتبي تخرعج

 

[هيبة فتاه]

شدعوه ... حبيبتي ترا اكيد يوم طقت بنتج مو عشان كارهتهاااا يمكن نوع من انواع التوبيخ ....
ورايحة ومتعنية عشان طاقتها بايدها لا حوووووول

 

[๓ίşś зśŏłả..!]

اهيا غلطانه المفروض ما تطق بنت بهالعمر
جذي بتخوفهآ من الروضه ويمكن تخاف من المدرسه بعدين
بس مادري شقولج لج اخاف تكلمينها وتحقد .؟

 

[noni_q8]

حبيبتي كلميها واعرفي السبب واذا اهيا بتسوي مشكله كلمي الناظره

 

[al-shyo0o5]

آليوؤوم آختي تقول : يمممآ آبله إبتسام طقت البنت جذي " وتقلدهآ " , والله يماا عوؤرتهاا
فــــؤوضى

 

[حقـوق]

والله انا ماشوف السالفه قويه .. وترا الطق يربي .. وهي ماطقتها طراق ولا رفستها
عادي طقتها على ايدها .. واحنا يوم كنا صغار ترا كنا نطق بالمساطر على ايدنا
ماشوفنا تعقدنا ولا صار فينا شي !!!
لاتكبرين الموضوع .. واسالي بنتج ليش طقتها الابله . وخل تقتنع ان الواحد ان سوا شي غلط
لازم يتعاقب ...
ومايمنع انج تكلمين الابله بعد وتعرفين سياستها بالتعليم .. وكلش كلش انقلي بنتج صف ثاني
واعتقد من حقج لان المدرسه خاصه ..
والله يعينج

 

[(كويتيه عسل)]

كلمي الابله وقوليلها الطق ممنوع

وشنو فوضى تحط على بنتج ماكو شغل

 

[برنسيسة زمااني]

ترى مشهورين المدرسه الباكساتنيه بهالشي

ديري بالج منهم

روحي حذريها قوليلها كلها روووضه لاتطقين ولاتجيسينها

ولا انا شكايه عليكم

عطيهم عين حمرا

 

[مملكة الحب12]

امانه مو الطق ممنوع

 

[رانا ***]

حبيبتى

انتى روحى افهمى الموضوع متروحيش علشان تتخانقى

لان الضربه بتكون بسيطه مش متعمدة ولا مستمرة بضربها
لكن تأثرها ع الطفل قوى

تخليها تلتزم بالدراسه وتهتم لان الدراسه بالمدارس دى بتكون عاوزة انتباة

انصحك تروحى تتفاهمى معها علشان لا تطنشها وتهملها وما تتابعها وكمان علشان لا تكررها

 

[لولوه الحربي]

روحي كلميها وريها ان بنتج اتقول كل شي يسير معاها عشان لا تتمادا وتزيد بس كلميها بسياسه مو بصراخ وهي اكيد ابتنكر

 

[أإلع ـشق دلع ـهـأإ]

بنتج بالروضه وتطقهآ الآبله ....!!؟؟

ع اي اسآس !!

منو يطق أحد بالروضه .؟؟

ممنوع الطق . روحي لآ تسكتين كلمي الآبله !!

 

[فلنتينو]

الطق ممنوع اصلا
وهذي جااهل بالروضه ماتنطق
روحي وعفسي الروضه عليهم
اختي انطق ولدها توه بأولي روضه
عفست الدنيا علي الناظره والمدرسه

 

[tt2tt]

الطق ممنوع

 

[Dior80]

حبيبتي الابلات مايخافون من الامهات نصيحة خل ابو بنتج يروح ويشرشحهم لان المدرسات يخافون من الرجال لجاهم وهو معصب انا وايد جربت اكلم المدرسات علي بنتي احس ماكو فايدة بس من ابوها يروح كل المدرسات يتسنعون .



والطق بالمدارس ممنوع ...

 

[a7la_7b]

ليش تطقها ممنوووع وجذي البنت تكره المدرسه بعدين اذا من اولها طق روحي لها باجر عشان تعرف انه هالبنت وراها احد وما تتجرأ تمد إيدها
هذا وانتي دافعه لهمم فلووووس يسوووون جذي وأنا وحده قالت لي انه عيالها لما كانوو بالمدرسه الباكستانيه الابله قرصت أذووون بنتها