شسوي مع هالبنت لعوزتني جننتني :@

[nono93]

لا والله حرام عليج
خليها تولي باجر تخسرج ال15 درجه واطلعي قولي ما ابي اكون معاج انتي مستهتره سوي البحث واكتبي اسمج بس وقولي لها إذا تبين ادفعي 25 وبس شنو خسرانه هذا عشان درجاتج
واللله صج صج ترى مريت ببنات نفسها ما يستحون ع وجههم اوكي حبوبه خليها تولي

 

[^_^ حوراء ^_^]

وااااااااااااي لو انا مكانج ألتها كف لوووووووول ..!

 

[يمة يادلبي]

اكره هالنوعية يبا إذا مهي دافعة سوي البحث بروحج ولا تحطين اسمها وعلمي الدكتور عليها
ولا الاخت تبي تاخذ الشي باردة مبردة؟

 

[غرور وايل]

.
؛
يبا من صجج خل توولي ,, روحي وسوي البحث وقدميه باسمج يبا هي مستهينه بالدرجات ما تبي و قولي لها انا ابي اقدمه باسمي وانتي كيفج مو لازم ,, وييييييع الله يعينج يارب
وموووووووفقه يارب
؛
.

 

[تنآهيد ..~]

وآآآآآآي الله يعينج صج صج تغث حيل أنا إرتفع ضغطي منهآآ حآولي تكلمين معآهآ بـ شوية عصبيه يمكن ينفع وتتحرك شوي وإذا مآنفع معآهآ سويه بروحج أحسن مآتضيع عليج الدرجآت وهنيه تنقهرين صج الله لآيقوله خليهآ تولي دآم مو هآمهآ بطططططت جببببببببدددددددي ~

 

[HER MAJSTY]

حمدلله والشكر الله يعينج على هالنوعيه ياكرههم صارحيها وقوليلها يافلانه يانج تساعديني وتكونين وااضحه معاي بمشروع البحث او اني اضطر مااكتب اسمج معاي لانج صرااحه ماسويت شي ولا تعبتي عمرج والبحث كله صاار فوق عاتقي

 

[.. رفيع الشآن ..]

عندي حل وحده ينقالها ام خالد تسوي بحوث وبصراحه دايم اتعامل معاها تسوي خطة البحث ب15 واذا ذبحت نفسه 20 ينفع معاكم دقي عليها وتفاهموامعاهاوتخلصه بسرعه لكم 97796470 تراها امينه وانا اعرفها معرفه شخصيه وكذا مره توزع اعلانات بالكليات

 

[no0oneta]

لوووووووول يا كثر البنات اللي مروا علي جذي

حبيبتي هالناس البليده احسن حل معاها لا تتصلين فيها ولا تدورين وراها عشان تسوي معاج سحبي عليها اكبر سيفون ولما تسوين البرزنتيشن لا تقولين لها وكتبي اسمج بروحج عليه وما تقدر تسوي شي لانها اهي ما تحركت لو هامتها الدراسه والدرجات جان ركضت مثلج بس اعرف هالنوعيه يسوون جذي لانهم يدرون ان اللي انحطوا معاهم حريصين فيستانسون ويريحون نفسهم
واذا على خطة البحث هم سحبي عليها وسويه انتي ومعروف سعر خطة البحث غالي سعره 50 بس تاخذين عليه درجه كامله رفيجاتي مجربينه يعني شغل تمام وهم لا تكتبين اسمها خليها مثل الاطرش بالزفه وكلمي الدكتور قولي مابي اسوي معاها شي
ترا الطيبه ما تنفع مع هالاشكال صدقيني مارين علي شكثر

 

[الغدق]

أنا عندي لج خوش حل انا ياما تعاملت مع هالاشكال
ماكو الا انج اتسوين نص الشغل واتقولينلها انا خلصت شغلي
والباجي عليج واذا مارضت روحي للدكتور قوليله دكتور انا خلصت
نص الشغل واهي مو راضيه تشتغل شنو الحل
واهو يترف معاها
واذا انتي ماتعرفين كلمي هالرجال يسويلج نص الشغل بس
وحاولي اتكلمين الدكتور قبل موعد التسليم عالاقل باسبوع
عشان تقدرين تصرفين وماتروح عليج الدرجة حبيبتي
مو اتقول فشلة وسوالف جهال اروح افتن
عند الدكتور 15 درجة مو اشويه واتقول اللي بتقوله البنيه بالطقاق

 

[فديتـ♥ترابـ♥الكويتـ]

من


كل


هالسالفه


ابي اعرف اسم الدكتور

بس
dddds: :

الله يعينــج
كلميها بالاول قولي اتفقت مع غيرج وبتدفع معاي وبتريح بالها معاي
ولحقي شوفي بنت من الحين
عشان هي نفسها تتفهم مو تروح تشتكي عند الدكتور او شي جذي

ترى واااايد في نحيسااات

و الله يـــــووفق الجميـــع

​

 

[الخاطر المكسور]

دييييييييييربااالج

لا تحقد


وتقول للدكتووور ان انتي تبين تسوين البحث بره وانج تبيها تدفع فلووس


جذي اهي الي تربح !!

لان بتقول حق الدكتور انا بشتغل بأفكاري واهي تبي تسويه جاهز وتبي فلوس


عاد اهني صج تقلبها عليج

ديربالج

 

[fnantq8]

الحل انج تروحين عند الدكتور واتقولينله انا بسوي بحث ابروحي ما اقدر اسويه مع البنت اللي معاي اذا قال ليش؟ قوليله احنا مو متفقين كلش و على جذي ماراح يخلص البحث ولا باجر ومو آنا اللي اخترتها انها اتكون معاي وانحديت عليها ومن هالكلام

والله يعينج لأن انا سبق اني طحت ابجذي نوعيات و قلت توبه اذا اشتركت بالبحث مع احد وحتى لو الدكتور يبي بقوله انا ما اقدر اسوي البحث مع احد.​

 

[طرطعانه]

مزاجيه ... الله يعينج... اهيا باجر عندها ميداني

عقب باجر خليني معاج لمن تكلمينها وانا اعلمها السنع

>>> عاد اهيا حيل تحبني لووووول


مو بكيفها تدفع 25 غصبن عليها ... الكورس بيخلص واهيا مابدت شغل توها

اهيا لانها اخر كورس وخريجه عشان جذي مومهتمه حييل للدرجات .. تقدر اخر الكورس تكلم الدكتور وتقوله انا خريجه واخر كورس وبيرفعها حاله حال غيره >>> اساليني بس

 

[المـــــها]

حبيبتي قولي للدكتور مابي أشتغل معاها بس قبل بلغيها ،، و سوي بحثج اللي ب 50 و افتكي
يعني شحق ضايفتها معاج و متعبة نفسج دام وجودها مثل عدمها ،، انتي تحاتين و هي مريحة ع الآخر تدري في أحد بيشتل عنها و حاطه
ايدها بماي بارده !!!!!!

 

[عيونك اخر آمآلي]

يااااااي اللـه يعيينج من قلــب انا اكره اشتغل مع قروب وبنات ماعرفهم :eh_s(1):

بس الحمدلله هالكورس ربي قطني مع رفيجاتي :eh_s(6):

شوفي انتي قولي للدكتور انها مو متعاونه وقبل هذا قولي لها اذا مااسويتي اللي عليج اسمحيلي بكلم الدكتور :eh_s(1):



واذا تبين تريحين عمرج سويــه بروحج ودفعي 50\\ 15 درجه مو شوي تنفـــــــع 3 قريدات ​

 

[حجيه هيونه]

هذي شكلها تبي تطفشج لين تسوينه بروحج وتحطين اسمها واذا طلبتي منها نص المبلغ بتقولج انا شكو انا من الاول مو موافقه


يبه طنشيها وشوفي مصلحتج حرام تروح درجاتج وحرقة الاعصاب الى انتي فيها

 

[rose-shine]

والله خيتو صج صج الله يعينج
املق شي لمن يكون عندج بحث او شي فيه مشاركة واللي معاج ما تسوي شي
بس خوفج تقول خق الدكتور عن سالفه البحث والفلوس ويحطلج صفر
لان حرام تدفعين بروحج وهي تاخذ الشغل باردة مبرده!! واذا هي ماتبي تدفع ال25 كيفها مو بالغصب بس خل تطلع من قروبج

 

[رووز q8]

واااايد جذي حبيبتي صج الله يعينج

الحل ان تروحين تكلمين الدكتور وتقولين له ان فلانه مو راضيه تتعاون معاي وخليه اهو يكلمها

وبعدين ترا ماباجي عالكورس شي حرام تضيع منج 15 درجه