شسوي مع هالبنت لعوزتني جننتني :@

[مزآجيه!]

مرحبآ






























بنآت بقول لكم سآلفتي ع طول..







في وحدهـ من البنآت معآي بمقرر...


وهالمقرر يبي نسوي فيه خطة بحث..



ومن قرآدة الحظ قآلت لي خل نشترك في بحث وآحد..


يعني انآ كنت في بحث وأدور لي ع بنت وهي نفس الحآله..


:0bee2e8d89:



صرت معآهآ بالبحث ويآليتني مآصرت :0bee2e8d89:




جننتني لعوزتني:0bee2e8d89:



كل شي علي آنآ..


طبعآ الخطه مآرآح أتعب عليهآ لآ انآ ولا اهيه..


رآح نخلي احد يسوي لنآ الخطه..



المهم كلمت وحدهـ كنت معتمدهـ عليهآ تسوي..


قآلت اسوي بس بحوث عآديه..


مآ اعرف أسوي خطة بحث..


فـ كلمت وآحد يسوي بحوث قآل لي بـ 50


وقآل اصلآ الدكتور اعرفه عدل مدل ويمكن صآر لي فوق الـ 10 سنين أسوي لطلبته خطط وبحوث..


وقآل لي شنو يبي وشنو مآيبي الدكتور..


يعني الرجآل فآهم شغله عدل..


ويقول اخذي البحث وقدميه للدكتور وإذآ مآعجبه اخذي فلوسج..


وانآ متآكد إنه بيعجبه..



شنو قآلت




قآلت مآكو شغل اقط 50 على بحث


مع العلم إن هي رآح تدفع بس 25 مو 50 كآمله..!


قلت لهآ البحث متعب يبيله إستبيآن ودرآسآت وشغل


قآلت احنآ نسويه



قلت انآ مآاعرف اسوي



يعني البحث يبي إطآر نظري مااعرف اكتب



قالت نآخذ من النت :eh_s(14):



ولا اني ادفع 50 ع بحث عليه 15 درجه



عقب قلت لها كيفج..


ومآطآوعني قلبي ورديت ادور ع وحده ثانيه تسوي بحوث طلعت البنت مضغوطه لي آخر 12



قلت لها ان مافي احد راح يسوي ولازم نخلص البحث..


قالت خلاص عطيني رقم اللي قال بـ 50 بكلمه..


كلمته وقال لها ان شاء الله لو صفحه وحده سعري وآحد..


قلت خلآص خنسوي عنده


قآلت خل يولي وقآمت تسبه..!!



قلت لهآ انتي جم حدج تدفعين.!


قآلت مو مهم عندي الفلوس عآدي بس أبي أحد يضبط البحث..


:0bee2e8d89:


قلت لهآ هذآ خبرهـ ..!!


مو عآجبهآ..!!


قآلت خلآص بسآل البنآت عند منو مسوين الخطه؟



قلت إنتي صآر لج اسبوعين بتسآلين ولآشفت شي.!


قآلت ننطر يومين..


انتي عجزآنه تنطرين هاليومين..:eh_s(1):


قلت وإذآ طلعوآ البنآت مسوين عنده او عند ناس عليهم ضغط..



او عند احد مو ثقه بس يبي يآخذ الفلوس ويسوي بحث خربوطه..


قآلت عآد حزتهآ نروح للدكتور ونقوله نبي نموذج بحث ونطبق عليه..!

وكلش كلش نطلع من النت ..



مدري احسهآ دآيخه شآمه شي :krkrkr:





الحين انآ مآأقدر أكلم الدكتور ولآ اقول له افصلني عنهآ


لآن احنآ صرنآ مجموعه..

وبنفس الوقت مآ اقدر أقول له هذي مو متعآونه لآن كلنآ مآطلعنآ مرآجع ولآسوينآ شي..!



بس الحين انآ متوهقه يعني 15 درجه مو شويه..!


بس تعبت منهآ يعني كل يوم على هالموآل


ولمن اكلمهآ تغير الموضوع..


كأن المنفعه بس لي مو لهآ..


انآ شآيله هم الخطه وهي عآدي عندهآ..


:0bee2e8d89:



كل سآلفه والثآنيه تقول عآدي الدكتور يقول برفعكم آخر الكورس ..:eh_s(1):



قلت يمكن البنت عندهآ ظروف مآتقدر تدفع بس مآفي فآيده مو رآضيه تقول لي كم حدهآ عشآن اتفهم ووضعهآ..


وبنفس الوقت يعني أشوفهآ تتكلم إنهآ تشتري أشيآء غآليه يعني عآدي عندهآ..




:0bee2e8d89:


إي زوود على هذآ المقرر فيه برزنتيشن



تقول انآ بجيب المرآجع مآلت البرزنتيشن


وبخليج تسوينهآ..


لآن ع كلآمهآ مآتحب الكمبيوتر


ومآتعرف تسوي السلآيدآت ..!


قلت مو مشكله..!



بس للحين مآجآبت لي مرآجع ولآشي..!


يوم قلت لهآ إني رحت دورت بمكتبة الجآمعه ومآحصلت..


قآلت عآدي نآخذ من الكتآب ونحطه بشرحنآ وبالاخير نحط مرآجع من النت أو من أي مكآن :eh_s(1):


يممممممه ع برودة قلبهآ




قولو لي شالحل معهآ؟؟



:0bee2e8d89:

 

[Temor.Ayam]

هذي وحده كلش مالها خلق تسوي شي الله يعينج
وحدها مستهينه بالدرجات او البحث
انا اقولج فصلي عليها مره وحده وبيني لها ان صج صج خلاص وصلتي حدج
حلوه هذي الحين درجاتج بتروح عشان حضرتها مو عاجبها
حطيها بأمر الواقع وقولي لها خلاص ماكو حل الا عن هالريال اللي بسويلج

 

[ورد ابيض]

مادري والله شقولج
مالج الا انج انتي تدفعين وتقولينلها انا راح احط بس اسمي بصراحه لانج موراظيه تساعديني كلميها بكل صراحه حبيبتي قوليلها ولاتعورين قلبج معاها
هذا النوع البارد ماايي معاه الا هالاسلوب
يعني البنت ماعليها قاصر وتقدر اتييب وتسوي وتشتري وتدفع
ليش ماتبي تساعدج ؟؟
لاتعورين قلبج واذا تقدرين قولي حق الدكتور السالفه واذا كلش كلش ماتبين تجرحينها هذا اذا عندها احساس
فهميها الوضع قوليلها انا قاعده احترق على البحث وانا ابي احد يساعدني وانتي موراظيه تسوين شي فاشلون انتي شرايج؟؟قوليلها جذي
والله يوفقج​

 

[حلوه الأطباع]

يمه شنو هالإنسانه تحرررر وانا بمكاني احتريت وبطت جبدي

الله يكون فعونج عليها والله تغثني هلنوعيه من البنات

شدعوه يا حافظ خو كلها 25 دينار
والله جد احسنلكم تخلون الريال يسويه لكم دام انه عنده خبره ويعرف عشان تضمنون ال 15 درجه والله موهينه 15 ترفع وتنزل
بس المشكله باللي عندج هاذي استغفر الله ماعندها احساس
انتي مشتطه وخابه عمرج ومحتره وتحاتين واهيه موهامها وتتحلطم بعد

شوفي نصيحتي كلميها وخلج جديه حيل معاها وبيني لها انج معصبه قوليلها شوفي يا بنت الناس جدامنا حلين ماكو غيرهم .. يا إن نخلي الريال يسوي لنا البحث او الحين جدامي تروحين وياي المكاتب ونقعد ندور ونسوي البحث بروحنا بس فضي نفسج يوم عشان نروح مع بعض ويصير شغلنا متعاون مو بروحي او بروحج

واذا قامت تلف وتدور او ماعجبها قوليلها عندي حل ثالث اذا قالت شنو قوليلها نكلم الدكتور يشوف لنا حل بللي احنا فيه ونقنعه ان كل وحده تسوي بروحها لان انتي الله يهديج موهامتج 15 درجه وجنه عادي عندج وانا وحده مهتمه وابي ايمع درجات كثر ماأقدر واخاف يمر علينا الوقت واحنا ماسوينا شي

اذا هم عصبت ومارضت عطيها اكبر طاف وروحي للدكتور نفسه يطلع حقج قوليله اهيه مومتعاونه معاي ( وهذا الصج ) ولا مهتمه للموضوع ولا تساعدني حتى بالحلول تبينا ندور بالنت وانا مابي جذي ابي الشغل كله يكون بتعبي عشان اخذ الدرجات بضمير

صدقيني الدكتور نفسه مارح يرضى بالوضع وبيقولج سويه بروحج او يكلمها او اي شي
يعني مادري احس ان الحل كله عند الدكتور كلميه انتي شخسرانه


وطمينا عاد شيصير وياج والله حيل احتريت على سالفتج​

 

[دلوعة حمني]

حبيبتي 15 درجة مو شوية... ترفع نسبتج او تهبط فيها الأرض!
روحي حق دكتورج و قوليله نها مو متعاونة و يتسوين البحث بروحج....و خلاص
وان شاءالله تيبين درجة حلوة

 

[مزآجيه!]

نونآ

هذي وحده كلش مالها خلق تسوي شي الله يعينج
وحدها مستهينه بالدرجات او البحث
انا اقولج فصلي عليها مره وحده وبيني لها ان صج صج خلاص وصلتي حدج
حلوه هذي الحين درجاتج بتروح عشان حضرتها مو عاجبها
حطيها بأمر الواقع وقولي لها خلاص ماكو حل الا عن هالريال اللي بسويلج

والله شكل آخرتي جذي وأطقهآ بالطوفه


بس حتى ولو رآح تعند ومآرآح يطآوعني قلبي ومومعقوله اسوي البحث بفلوسي وهي تآخذ درجه مو من حقهآ..!


/



ورد أبيض

مادري والله شقولج
مالج الا انج انتي تدفعين وتقولينلها انا راح احط بس اسمي بصراحه لانج موراظيه تساعديني كلميها بكل صراحه حبيبتي قوليلها ولاتعورين قلبج معاها
هذا النوع البارد ماايي معاه الا هالاسلوب
يعني البنت ماعليها قاصر وتقدر اتييب وتسوي وتشتري وتدفع
ليش ماتبي تساعدج ؟؟
لاتعورين قلبج واذا تقدرين قولي حق الدكتور السالفه واذا كلش كلش ماتبين تجرحينها هذا اذا عندها احساس
فهميها الوضع قوليلها انا قاعده احترق على البحث وانا ابي احد يساعدني وانتي موراظيه تسوين شي فاشلون انتي شرايج؟؟قوليلها جذي
والله يوفقج

يآحيآتي مآينفع أسوي بروحي ولآ كآن عطيتهآ طآف ولآ رديت عليهآ..


أنآ غبيه دبست روحي معهآ ولآ شحآدني كآن قآعده ع بحثي مع أي بنت غيرهآ ومفتكه من اللعوزهـ


هي مآتبي هالـ بو 50 مآدري شفيهآ عليه..!


والمشكله شقول للدكتور..!


/


حلوة الأطبآع..

يمه شنو هالإنسانه تحرررر وانا بمكاني احتريت وبطت جبدي

الله يكون فعونج عليها والله تغثني هلنوعيه من البنات

شدعوه يا حافظ خو كلها 25 دينار
والله جد احسنلكم تخلون الريال يسويه لكم دام انه عنده خبره ويعرف عشان تضمنون ال 15 درجه والله موهينه 15 ترفع وتنزل
بس المشكله باللي عندج هاذي استغفر الله ماعندها احساس
انتي مشتطه وخابه عمرج ومحتره وتحاتين واهيه موهامها وتتحلطم بعد

شوفي نصيحتي كلميها وخلج جديه حيل معاها وبيني لها انج معصبه قوليلها شوفي يا بنت الناس جدامنا حلين ماكو غيرهم .. يا إن نخلي الريال يسوي لنا البحث او الحين جدامي تروحين وياي المكاتب ونقعد ندور ونسوي البحث بروحنا بس فضي نفسج يوم عشان نروح مع بعض ويصير شغلنا متعاون مو بروحي او بروحج

واذا قامت تلف وتدور او ماعجبها قوليلها عندي حل ثالث اذا قالت شنو قوليلها نكلم الدكتور يشوف لنا حل بللي احنا فيه ونقنعه ان كل وحده تسوي بروحها لان انتي الله يهديج موهامتج 15 درجه وجنه عادي عندج وانا وحده مهتمه وابي ايمع درجات كثر ماأقدر واخاف يمر علينا الوقت واحنا ماسوينا شي

اذا هم عصبت ومارضت عطيها اكبر طاف وروحي للدكتور نفسه يطلع حقج قوليله اهيه مومتعاونه معاي ( وهذا الصج ) ولا مهتمه للموضوع ولا تساعدني حتى بالحلول تبينا ندور بالنت وانا مابي جذي ابي الشغل كله يكون بتعبي عشان اخذ الدرجات بضمير

صدقيني الدكتور نفسه مارح يرضى بالوضع وبيقولج سويه بروحج او يكلمها او اي شي
يعني مادري احس ان الحل كله عند الدكتور كلميه انتي شخسرانه

مآكو أحد قلت له السآلفه إلآ مآتنرفز


انآ ودي إن هالرجآل يسوي بس شالحل معآهآ..


ع الأقل أضمن الـ 14 مآرآح أقول 15 ..!


بس هي دعله

< عصبت

مآدري شتبي بالضبط..!

هي تطلع ميدآني في الوقت اللي انآ افضى فيه.!


قلت لهآ مستعدهـ أقعد ليمآ تخلصين ميدآني ونروح ندور


كل يوم تقول انزين خلآص صآر اوكي


ومآأشوف وجههآ.!


ولآ قلت لهآ وينج تقول تعبت ومآدري شنو.!


انآ أدري هي معتمدهـ علي بس عآد مو لهالدرجه ..!

انآ مخليه آخر حل أروح للدكتور وأكلمه


أو إني اسوي بحثي بروحي وأحطه بإسمي واكنسل اسمهآ وهي تتحمل


بس خوفي يحسب لهآ درجه واموت من القهر

 

[مزآجيه!]

دلوعة حمني..

حبيبتي 15 درجة مو شوية... ترفع نسبتج او تهبط فيها الأرض!
روحي حق دكتورج و قوليله نها مو متعاونة و يتسوين البحث بروحج....و خلاص
وان شاءالله تيبين درجة حلوة

أدري مو شويه


وانآ ليش محترق قلبي


إن شآء الله بشوف هاليومين اللي تبي أنطرهم وبكلمه..!

 

[shai5at al3arab]

هذا عيب الشغل الجماعي

 

[$$ صعبة الوصوف $$]

عشــآن جذي مآحب أشتغل مع قــروب . بس مرآت ننجبـر

روحــي قولــي للدكتــور عنهــآ أنها حيـل مستهينه بالشغــل وخل يفصلج عنهـــآ .

لا تسكتين 15 درجه مو شويه طاروآ 3 قريدآت منج

 

[إكليل الحب]

وييييييييه الله يعينج


عزيزتي عندج خيارات :


انتي معطيتها ويه توقفينها عند حدها تبينين لها فلانه تشتغلين معاي او اروح حق الدكتور واقوله يغيرج واسوي بحثي بروحي

خليها تشتغل او كلمي الدكتور والله 15 درجه مو هينين


تبين مراجع روحي مكتبه خاصه مراجعها من الرياض فيها وايد امور وانتي ان كنتي بتربيه بتلقيييييييين كل شي اطار نظري ودراسات سابقه

وتعريفات و و و و و و


ان احتجتيها ادليج ياها


فماعليج منها لازم انتي شوي تعصبين وتبينين لها ولا تحرقين داخلج وشيلي الحيا من داخلج معاها


بالتوفيق

 

[eman12]

الله يعينج

 

[MaZyOoOoNa]

قولي حق الدكتور مابيها

 

[laeya]

وييييييييييييع يا كرهي لهالنوعيه
شكثر صارتلي ,,, تدرين شسويت قمت اسويه بروووحي اي والله
احسن لج ترى تخلي يه وقت تسليم البحث و اهيا للحين تقولج لاااااااا انا ابي جذي مابي هذى
ترووح عليج الـ 15 درجه عشان الانسه مو راضيه
قلعتهاا انتي سوي اللي عليج عالاقل ظمني انج بتيبينها و حتى لو ما يبتي الدرجه الكامله اهم شي انج تعبتي عليها
مردها بتندم
تدرين توه طرت على بالي فكره
لمن بتقدمين البحث,,, ليش ماتقولين انا اللي مسويته و فلانه ماا رضت تسويه معاي< نذله ههههههههههههه

 

[نور الضي]

وااااااااااااااي
تدرين البنات الشطار شنو يسوون
يسون البحث بروحهم عشان لايصير لهم نفسج
وتري خريجه اجتماعيه
هيييييييه هيييييييييييه هييييييييييييييييه اجتماعيه<<فصلت ههههه
تبين الصج
الله يعينج انا صارلي نفسج البنت اهماااااااااال
تشتغل بس ببرود
بالموت خلصت البحث معاها
هاليومين عطيها فرصه
وان ما سوت شي
كلمي الدكتور
وسوي البحث بروحج
موفقه

 

[miss mama]

سوي بحثج ودبسيها لا تاخذين رايها قوليلها بعد ما تخلصين من الشغل..يلا دفعي الفلوووس خخخخخخخخخخخخخخ


بعدين ليش ما تاخذين منها مووقف وريها انج مليتي وماكو وقت لازم تتحرك قوليلها لا تحديني اكلم الدكتور ابين له اني مشتركه مع وحده جماد ما تتحرك ومعطلتج ع الفااضي اكيد الدكتور راح يدبرج ويعطيج حل !!!

والله اذا طقج اليأس منها .. اعتبريها صدقه عليها اصلا اهي بينقص وجها عقب ما تشوفج دفعتي وخلصتي ...شنو هذا كلها 50 دينار ..لا وبعد 25 !!..........
والله اذا طقج اليأس منها .. اعتبريها صدقه عليها اصلا اهي بينقص وجها عقب ما تشوفج دفعتي وخلصتي

الله المستعان ما يندرا اهو بخل ولا ظروووف قويه عندها

 

[« لـ / غيـرگ »]

~


ترى سعر البحث مبآلغ فييه من رآآيي طبعآآ بس دآم الموضوع هيك انوه شغله وآيد وماااتقدرين تسوينه ولا تعرفين له اقط الفلوس واشتري جم درجه ابرك لي


انتي حاجيهآ قولي يا تدفعين معآي آلـ 25 ولا بقول لدكتور انج مو متعآونه معآي وبسويه بروحي وبكتب اسمي بروحي عليه


وشوفي رده فعلهآ بس لا تكسرين بخآطرهآآ , حرآآم

 

[كندية]

ادري حدي داشه غلط بس ترى مو فااهمه شساالفه منو هذاا تعطينه 50 شسوي يعني؟؟؟

والله تبين الصج اسوء شيء عندي ساالفة القرووووب...مره كان معاي عربي والله ماسوى ولا شيء حتى مايدري اي وااحد البحث مالنا...الحمدالله المدرس عرف الساالفه وصقطه .....

الحمدالله الحين مره وحده حاشني قرووب بس كل واحد له شغله والباجي كل بحووث برووحي....

شووفي احسن حل انتي سوي شغلج وبس فكي عمرج..ماانتي بتسوين كل شيء برووحج ...خليها تتصرف بكيفهاا...

بس لي الحين ابي افهم ساالفه الدفع​

 

[shayom al-q]

ماكو الا تدفعين انتي وتسوينه ومالج شغل فيها يمكن البنت صج ما عندها واجرج على رب العالمين صدقيني واشتري راحه بالج

 

[وردة-الكويت]

مادري والله شقولج
مالج الا انج انتي تدفعين وتقولينلها انا راح احط بس اسمي بصراحه لانج موراظيه تساعديني كلميها بكل صراحه حبيبتي قوليلها ولاتعورين قلبج معاها
هذا النوع البارد ماايي معاه الا هالاسلوب
يعني البنت ماعليها قاصر وتقدر اتييب وتسوي وتشتري وتدفع
ليش ماتبي تساعدج ؟؟
لاتعورين قلبج واذا تقدرين قولي حق الدكتور السالفه واذا كلش كلش ماتبين تجرحينها هذا اذا عندها احساس
فهميها الوضع قوليلها انا قاعده احترق على البحث وانا ابي احد يساعدني وانتي موراظيه تسوين شي فاشلون انتي شرايج؟؟قوليلها جذي
والله يوفقج​

:ggdw::ggdw::ggdw:

 

[هاناا]

قوووووووووووووووووووووووووووولي لها


انج راح تقدمين البحث باسمج بروحج

و اذا اهي ما تبي كيفها

خل تولي

راح تتعطلين بسببها

خل تدبر حالها