شسوي مع ريلي انسحب ولا اكمل المشوار معاه !؟

[أميرة موناكو]

بنات حدي محتاره وابي اسمع رايكم

وأول شي مبارك عليكم الشهر وتقبل الله منكم























داشه بنك رفيجتي وبقول

ريلي يحبني ويحترمني ومايحب إني ازعل او يشوف الدمعه بعيوني ... و كل طلباتي مجابه والحمدلله ....

وانا هم حبيته .... بس في شغله اول شي اكتشفت انه مايصلي خير شر ..... مايعرف الصلاة إلا بالمناسبات
اسغفر الله منظر بس قدام الناس ....
ثاني شي اللي اكتشفته انه مو راعي صيام ..... امس فاطر واللي قبله والله يعلم اليوم بيفطر ولا لأ ...
قدامي وقدام اهله صايم .... لكن طحت عليه ((من دون لا يدري)) يدخن زقاير بالحمام (وانتم بكرامه) او عند باب الشقه ( ساكنه مع اهله وشقتنا معزوله )
ثالث شي راعي جذب وآمال وأحلام يبني قصور من رمال و كل كلامه وعوود وبس مانشوف شي .كله يوعدني بأشياء لكن ماكو شي
قبل كنت اقول لاهلي راح نسوي جذي باليوم الفلاني او راح نروح لديرة الفلانية وانصدم الاخ مغير رايه ويقول مو الحين ياحبي
بعدين ان شالله ... بعد شهر او على شهر عشره ... وهكذا هذي حالتي معاه ... صرت ما أصدقه .. ولا اقول لاهلي عن
أي شي يقوله لي لاني بصراحه تفشلت .يوعد ويرد بوعوده واهو مقتدر ماديا ..
ورابع شي والطامه الكبرى من بعد أكبر طامه واهي انه مايصلي إللي اهي ساعات مو قادره أتقبل شكله مع اني اموووت فيييه
واحبه وما أتخيل حياااتي بدووونه .... بس ساعات اشوفه واقول ياربي طول عمري بعيش ويااه !!!!!!! وتكدر ...
ومرات اشوفه مزيون واقول الحمدلله شكله عاجبني .. <<< محيرني هالامر .

امي كل مره تقولي اذا مو عاجبج ريلج أو ماتبينه ترا دارج موجوده ... وقلعته ...

وانا مو قايله لامي عن سوالفه بس جنها حاسه اني متكدرة شوي والحزن طق بابي ... قبل كنت افرفش واضحك ...
والحين اذا زرتهم اسولف شوي ويسرح بالي غصب عني... افكر بتصرفات وافعال ريلي !!

محتارة مادري شسوي احس اني بدوامه احبه واحب حنانه بس الاشياء اللي قلتها لكم معيشتني بدوامه وحيره ..
((مع اني عروس وما صارلنا اربع شهور من تزوجنا )) وصج مادوي أحمل منه ليمه أعرف مايته عدل ...

لو انتم بمكاني شنو بيكون موقفكم ؟؟؟؟؟؟؟

 

[مذهــلــه]

الله يعينج

ادعي ربج بهالشهر الفضيل وان شاء الله يتعدل حبيبتي

 

[DooLy88]

مايفرق بين المسلم والكافر الا الصلاة
وربج حرم الزواج من الكافر

شرعا اهو مايحل لج
لكن مومعناها تنفصلين

حاولي تنصحينه وتقولين له خاف ربك وماتضمن روحك ليمتى بتعيش ومن هالحجي


زوجج منافق
يعني اخس وادمررررررررر من الكافر

المنافقين اللي يصلون جدام الناس او اللي يطولون بالصلاة جدام الناس << الله يكرههم

الله يهديه

 

[MoonDiamond]

يا قلبي الا الصلاه
خليه يصلي وراح يحلى بعينج
عاد هذا شهر فضيل وفرصه بالسنه

حني على صلاته وصيامه
وقوليله انا ماراح اقعد وياك وانتي جذي
عاد مو من صج بس الصلاه عماد الدين
وحني عسى ربي يكتب صلاح حالته على ايدج
خصوصا انج تمدحينه

والله يكون بعونج

 

[احلى ـآ وحده]

لو انا مكانج اصبرر عليه

وادعيله بالهدايه واحثه على الصلاة والصوم .. على امل ان الله يهديه ..

 

[DKNY]

استغفر الله

لاصلاه ولاصيام ؟؟ اللهم لك الحمد ولك الشكر يااارب

والله مدري شقوولك بس من جد الله يعينك وعليك بالنصيييحه

 

[هيبة ملك]

والله حرام العيشة معاه

الله يهديه

حبيبتي دوري نصيبج عند غيره

لايخلفج عن دينج

 

[زهرة الخليج 81]

والطلاق مو حل ياعمري فكري ياتطلقتي شبيصير
هذي فرصتج وخليه يهتدي على ايدج
ادعي ونصحيحة بس بطريقة مو استفزازية
والله يهديه ان شالله ويكتبلج الي في كل خير
ولا تنسين وراء كل رجل عظيم امممممممممممممممراءة ويالله يامؤة ورينا شطارتج

 

[al_sadeem]

هذا يبيله مستشار نفسي

 

[الصارووووخ]

رد : شسوي مع ريلي انسحب ولا اكمل المشوار معاه !؟

لاتستعجلين ياماما تو الناس صبري انشالله مع الايام كل شي يتغير انا صارلي سنين متزوجه كل يوم اكتشف شي وكثري الدعاء والاستغفار وراح تشوفين نتائج مذهله

 

[زهراء الركابي]

رد : شسوي مع ريلي انسحب ولا اكمل المشوار معاه !؟

حبيبتي

وعن أبي سعيد الخدري -رضى الله عنه- قال: سمعت رسول الله -صلى الله عليه وسلم- يقول: من رأى منكم منكرا، فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان رواه مسلم.

حاولي تغيرينه وتهدينه على ايدج وانتي توج عروس لو تطلقتي شراح يقولون عليج الناااااااااااااس
وشنو اللي يضمن لج اللي بتاخذينه عقب يمكن يطلع هم ماااااايصلي
انا من رئيي تبقين معاه وتحاولين تصلحينه وان ماقدرتي الله يعين القرار لج

 

[ماني أنا]

رد : شسوي مع ريلي انسحب ولا اكمل المشوار معاه !؟

إن لله قوية صراحة لايصلي ولايصوم أنا من رايي انج تسألين لج شيخ لعله يدلج على الطريق الصحيح

 

[صانعة قراراتي]

حاولي تغيرينه
كثير اعرفهم تغيرو بعد مااتزوجو
وانتي لاتقولين له ليش ماتصلي خلي نفسك واثقه انه بيصلي وحتى اذا اذن الفجر قوميه قولي احسن تصلي بوقتها صدقيني بيستحي وبيحسسك انه يصلي وبعدها راح يداوم عليها
واصبري عليه وعاد الا الصيام كلميه وقوليله اذا يصدع راسك وتبي تدخن دخن قبل اذان الفجر واذا افطرت دخن وخليه ينام بالنهار عشان مايصدع
ترا الدخان صدق بلوه اشوف اخوي اذا مادخن يكون عصبي مرررررررره وبعد مايدخن يروق الله يهديه يارب

 

[رفاعيه]

فرشي سجادتج وكثري من الدعاء بعدين استخيري وشوفي

 

[أم فيصل 1990]

شوفي يا بنتي أنا عندي لج جم نصيحة إن شاء الله بيفيدونج

1- الأول والأهم لا تحملين لو شنو إلا بعد ما تحاولين معاه ... يا بنتي ترى تارك الصلاة ما يجوز تعيشين معاه ( اللي تاركه كفر مو اللي تاركها إهمال )

2- إذا امج حكيمة روحيلها و انتو بروحكم و قوليلها يمه بقولج سالفه مهمة بس تحلفين عالقرآن بالأول وانتي صايمة انج ما تقولينها لحد و اذا حلفت قوليلها و شوفي شورها شتشور عليج وجذي حتى لو ما طعتي شورها أقله فضفضتي اللي بقلبج

3- عطي الريال فرصة 6 شهور سوي فيها الآتي (قبل المصارحة) :

* حطي بنقالج ساعة الأذان يعني كل ما أذن للصلاة يطلع صوت أذان

* صلي جدامه بالصالة ولا بغرفة النوم و لا تتأخرين عن صلاة يعني أول ما يأذن شيلي سيادتج و صلي و قعدي وانتي عالسيادة بثوب الصلاة اقري قرأن

* دايما حطي التلفزيون على صلاة التراويح في الحرم ولا تغيرينه ولين جا يغيره قوليله بصوت عادي خله ارجوك من محصل صلاة الحرم الله يرزقني وياك

* حاولي تروحين معاه عمره بالعشر الأواخر من رمضان

* إذا عنده ايميل طرشيله بين كل جم يوم مو كل يوم ايميل عن فضل الصلاة ولا فيديو يوتوب

* قومي من النوم صلي قيام و اتعمدي تصلين بدار النوم و اهو نايم يمكن قلبه يفز

* بعد ارمضان لا تفوتين صيام 6 شوال ولا صيام كل اثنين و خميس


وشوفي لي خلصت ال 6 شهور و هالحركات ما فادت معاه ذيك الساع تبدين بالمصارحة و هذا موضوع ثاني إن شاء الله ما تحتاجينه بس ها قلتلج مو تحملين و باجر تكتشفين بالريال عيوب و تعافينه و تبتلشين بالياهل !!!!! ترى الفرق بينا و بين الكفار الصلاة اللي اهي عماد الدين يمكن الريال بس مهمل و يمكن باجر الله ما يخاف ربه يجرج معاه للخطا فتمهلي ولا تتسرعين


والله يهديه لج و يصبر قلبج على ما بلاج

 

[najdeya]

ام فيصل ما قصرت

و عليج بالدعاء بهالشهر الفضيل

و عسى الله يهديه

 

[بتبوتااا]

مالج الا تدعين له بالهدايه ودايما صلي وتركي السجاده وقوليله مارح تصلي مره عن مره بيقوم وان شاء الله يستمر ..

 

[friends]

صبري عليه توج عروس لا تاخذين قرار وتندمين عليه طول عمرج
ادعيله احنا بالشهر الفضيل الله يصلح حالكم ويهدي سركم
لا تحملين الحين لين تعرفين مايته شنو

 

["اسطورة العشق"]

انا اقول تاجلين موضوع الطلاق شوي
بس لاااااا تحملييييييين .. لان انتي اساسا مو مستقره معاه و غير سالفه الصلاه الجذب و مادري شنو يعني في وايد امور تخليج مو متقبلته سوو حاولي في هالفتره و على قوله البنات صبري ليما اتمين 6 اشهر اذا ما تعدل ممكن تنفصلين بس اهم شي اخذي كل احتياكاتج عشان ما تحملين ..

 

[فاقده حنان ابوه]

الله يهديه ويصلحه لج يا ربي

....