شسوي مع خطيب اختي

[برستيجه مشاعر]

السلام عليكم يابنات
وحده من البنات تسولفلي وتقولي عن هي واختها خطيب اختها كان حبيبها يومنهم صغار
والحين خطب اختها ومتضايقه تبي تفركش هالزواج شلون
لانه اختها وافقت تحدي بس تقهر
وتبي خطه او طريقه وللمعلوميه الخطيب يصير ولد خالها
ولكم جزيل الشكر

 

[Tom ♥ Jerry]

.


يعني الاخت الي بتتزوج تعرف انه ريلها كان حبيب اختها ؟!
و مع هاذا تبي تاخذه الصراحه ما عندها سالفه
لانها راح تعاني وايد بعد الزواج .. بالعكس مو اختها الي بتعاني
اهيه الي بتعاني و بتتمنه ما خذته خصوصا لو كان ليلحين يحب اختها ..

عموما .. الحين الي صار صار و بالنهايه كل شي قسمه و نصيب ..
هاذا الشخص مو لها خل تكبر عقلها
بلا تفركش الزواج بلا كلام فاضي ، اصلا عيب هالتصرفات !
بالعكس خل تبارك حق اختها و تبارك حق ولد خالها الي اهوة زوج اختها
و الله يرزقها الي احسن و احسن منه مليون مره ..
صدقيني ماراح تستفيد شي من الي بتسويه !!
خليها تدخل المنتدى وتقرا ردود البنات ، الله يهديها يارب :*

 

[انثى عاشقة]

خرطي لو كان يحبها يخطبها هي مو اختها

​

 

[أنهار الكويت]

دام اهو خطب اختها معناته ما يحب الاولى فشحقه تسعى انها تفركش الزواج

وحتى لو فركشت الزواج ونجحت خطتها... يعني بتاخذه !!! اهو خلاها وخطب اختها معناته مايبيها... ومستحيل بيخطبها اذا فركشت الزواج

يعني انا اشووووف ان الاولى (اللي تحبه من هم صغار) اهي اللي تبي تقهرر اختها.. والا شنو فايده فركشة الزواج دام خطب اختها بقنااااااعته مو بخطه من اختها مثل ماهي تبي تسوي خطط لاختها

وهذااا نصيب سبحااان الله ... مو مكتوب لها ... وبعدين انتي بنفسج تقولين يحبها يوم كانوا صغااااار ... يعني اكيد قبل عمر المراهقه بعد ... فيمكن الرياااال نااااسي ولا ابااااله

مستغربه من كلمه .. حبيبها من يوم كانو صغار!!! مو راكبه الجمله على بعض ... كلمه صغااار يعني طفووله وبرااائه وينهم ووين الحب وهالسوااالف!!!!

 

[أبلة فاتن]

سبحان الله مره كنت اقرى رد لاحدى المواطنين بجريدة بموقعها المهم كانت زوجته موزينه معاه ومسويه شيء جايد خيانه يمكن​

ولا اشوف تعليقات الشباب كاتبين طلقها واخذ اختها خلها تموت ههههههههههه​

موصاحين الشباب ترى دايم اذا يبون يقهرون الخوات يسوون جذي وشكثر صارت سوالف حتى اولت العام تذكرون​

العسكري اللي يبي اخت زوجته ولا اختها تهددها ماتشوفين العيال اذا ما وافقتي امبيه موصج​

اذا اختها تحبها وتعزها ما توافق بس البنات عقولهم صغيره كل وحده حسبالها ان اهيا غير عن كل النساء​

ناسين ان بعض الرجال ينتمون الى صنف مشابه للبعض !!


بنات الحركه تقهر صدقوني انا عن نفسي احتر ما ارضى يعني هد بنات الدنيا كلها وما خذا الا اختي !!

​

 

[ناتشوو]

واضح تحبه حب مراهقة ومازال عقلها ع قدها
وهو مادرى عنها
الله يوفق اختها وخل تتعوذ من ابليس بلا هالسخافة وقلة الحيا

 

[كويتيه شماليه]

لاتقطع النصيب ولا تفكر فيهم.. الله يسعدهم
وتوكل امرها لله وتتعوذ من الشيطان والله يرزقها باللي احسن منه

 

[غـــنـــوجـــه]

لآ تعليق البنات كفووو ووفووو ...~

 

[BubbLe87]

انا مع البنات
خل تتعوذ من ابليس و تنسى سالفة الفركشة المنيلة دي

 

[مكتومه]

يحبها ؟؟؟؟؟؟ ويخطب اختها؟؟؟؟ اللغز يكمن في عقل الخطيب لو يحبها ماخطب اختها .. عاد فكره خطه وتفركش وها الخرابيط تتركها مو قاعده تكتب قصه مسلسل عشان تكمل القصه .. وين عايشين افركش وحركات الاكشن خخخخخخخخ
والله حاله .. تدعي الله انها تتوفق ويجيها نصيبها ..

 

[جذابه بنت ذيابه]

لو يحبها ياخذهاا

 

[أساطير]

لو يبيها خذاها شكو تفركش فرحة اختها ؟؟ الحمد لله والشكر

 

[سلمى الدلوعه]

تكفين قوليله ردي واح تقتنع .....



اذا هو من نصيبه راح تاخذهـ غصب عن الكل ....
اذا هو مو من نصيبه صدقيني لو يجي يخطبه ماراح تاخذهـ




ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حديث الرسول عليه الصلاة والسلام ..

يا غلام إني أعلمك كلمات

: احفظ اللَّه يحفظك، احفظ اللَّه تجده تجاهك،

إذا سألت فسأل اللَّه، وإذا استعنت فاستعَنْ باللَّه،
واعلم أن الأمة لو اجتمعت عَلَى أن ينفعوك بشيء لم ينفعوك إلا بشيء قد كتبه اللَّه
لك،


وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك،
رفعت الأقلام وجفت الصحف




كل ششّي مقدر ومكتووووب ... سبحان الله .. :eh_s(7):

 

[granted]

متاكده انهم خوات !!
كسرة ريل يفرقهم ؟؟
صج المرأه عدوة نفسها
وانتي عارضة الموضوع حضرتج تبينا نخطط لها بعد!!
حمدلله والشكر

 

[ام الدرر]

واضح تحبه حب مراهقة ومازال عقلها ع قدها
وهو مادرى عنها
الله يوفق اختها وخل تتعوذ من ابليس بلا هالسخافة وقلة الحيا

:rerrerek::rerrerek::rerrerek:

 

[غداً القاك]

خافي ربك انتي وياها
وش هالعقليات كل شي خيره من ربها وهي وش دراها لو خطبها ووافقت انا بترتاح معه
بعدين بغض النظر عنه هو
خطب اختها اختها ياناس اللي المفروض تحبها اكثر من نفسها وتتمنى لها السعاده اكثر من نفسها
عالم غريبه بجد

 

[sara 2009]

وحتى لو عطيناها خطه
فكرج ما بيكونون صاحيين لها ؟؟
ويمكن اهو يحب خطيبته وهي تحبه لكن باسلوب صح ناجح واثمر
مو شرات ربيعتج اللي هي اختها اللي ادور خطط وسوالف مراهقين هههه
شخصيا اكره شي عندي الطلاق وتخريب الزواج اوالخطبه
قوليلها على لساني : الله يوفق اختج وولد خالج ويجمعهم بالحلال ويبعد عنهم العذال

 

[نشيج الروح]

شدراها ان أختها تتحداها وتبي تقهرها والريال ما يبيها ليش تقط روحها خليه دام يبي أختها وأختها وافقت.....
واذا هي حاسة ان في علة صجية وعشان مصلحة الجميع من الريال وخطيبته خل تتفاهم مع أختها

 

[وردة الدوحه]

أمحق خوات

كلش مب على قلب واحد

الله يعينهم فيما ابتلاهم

 

[عسل مرت قيمر]

لا حول لله


صار الزواج لعبه ياربي