شسوي بعمري ساعدوني والله بموت من الصياح

[استثناء ~]

السلام عليكم

أخباركم بنات

أنا عضوه جديده في المنتدى


وبصراحه سجلت عشان هالموضوع

زواجي يمكن باقي له ثلاث او اربع شهور وانا مادري شسوي

جسمي يفشل لونه مو متوحد.... عذرا بس راح أتكلم بجراه فسامحوني

الخلفيه عندي حييييل سممممره وفخوذي بعد والاكواع والركب وانا من النوع اللي مايعتني بجسمه نهائيا
والبيكييني نفس الحاله المنطقه سمره وتفشل حدها غير الإفرازات ( عذرا )

مادري شسوي بعمري الوع الجبد ظهري نفس الحاله ببساطه كل منطقه عندي لون

فكرت بخلطه لوحده من العضوات تقريبا داهية مطير اللي فيها ديرموفيت وفير اند لفلي

مادري تنفع ولا لا

والله ماقدر اقول هالكلام الا لكم ماعندي احد اقوله هالكلام ولا اصارحه بهالكلام ساعدوني ربي يسعدكم أنا اول وحده من خواتي تتزوج ولا ادري شسوي شنو اللي علي واللي ماعلي محتاره بعمري وخليفه واصلا كل شوي اقول مابي أتزوج ولسبه لوني وشكلي المبهذل ابي أتسنع وتيسير مثلكم

ساعدوني والله مو عارفه شسوي بعمري *

 

[~✿šilєηт]

اب اب

 

[روح فـهـد]

البنات يفيدونج ان شاءلله انا ما عندي خبره والله

اب اب

 

[روح فـهـد]

http://www.q8yat.com/t893136.html

شوفي هذه المجموعه ان شاءلله تفيدج

 

[ạ7ạśêś ~]

uPUp

 

[بنت الاحلام]

يا قلبي في حملات سجلي بحمله وابدا بنفسج وغلطتي غلطه كبيره من دون زواج المفروض ما تصبرين لين توصلين حق هالمرحله


البنت تعتني بنفسها

 

[مفعمه بالحيويه]

اكتبي ف قوقل مواضيع غنوه ستايل ، تبيع شغلات حق اللي تبينه

وموضوع ضحاوي الديره بعد

كلهم عضوات فالمنتدى

وبالنسبه لعدم توحد اللون روحي لأي عيادة جلديه

وااااااالله يعينج !

 

[شيوخ ــه]

حبيبتي ابتكلم معاج بصراحه وما ابيج تزعلين


انتي بنيه المفروض تهتمين بنفسج شلون عايشه

جذي ما راح تعدلين ابدا ولا تغيرين اذا ما قررتي تغيرين اسلوبج في اهمال نفسج



خلينا من هذا اذا ما غيرتي من نفسج ترا بتلاحظين بزوجج انهوبيبتعد وبتلوع جبده مو من لونج لانه طبيعي

بيمل من اهمالج بنفسج


اول شي سوي لج برنامج كل اسبوعين حمام مغربي


في خلطه حلوه بس انا كنت استخدمها حلسرين وليمون وبودر اطفال جونسون سويهاةبعلبه ودني نفسج قبل النوم


سوي خلطات لوجهج روب وعسل

كل ما تتسبحسن تفركي وسنفري نفسج

ليمون قبل تسبحين فركي ركبج واكواعج وجهج


دهني رجلج بفازلين قبل تنامين


شقري جسمج



وتذكري ان كل انسان فيه عيوب ومو كلنا كاملين ومولازم يكون ما فيج ولا عيب والرجال فيه عيوب


بس حلو المراه تهتم بنفسها وتجمل عمرها وتحرص علي نظافتها ونعومه جسمها

وما يشمها الرجال الا فيها كل ريحه حلوه


واسنانج احرصي ع الفرشه والمعجون والملح وكلوريد الصوديوم لطهاره الفم وبياض الاسنان


وبس

اتمني ما تزعلين واذا تذكرت شي تاكدي اني ما راح ابخل عليج

 

[عايشه بدونه]

ربي يساعدك
لازم تهتمين
استفيدي من مواضيع الاخوات
انا مقبله عل زواج والف حمد لله من يومي مهتمه بنفسي مو لان وراي زواج افكر اهتم واتورط لا هذا غلط
عندي بعض الملاحظات اللي حفظتهم من خلال تواجدي هنا بلموقع وستفدت من الاخوات ومواضيعهن
بطرح لك البعض
انتظريني

واسأل الله في هاذي الجمعه المباركه ان يوفقك في حياتك الزوجيه
اجمعين يارب

 

[عايشه بدونه]

بسم الله الرحمن الرحيم*
السلام عليييكم يااحلا بنوتات

،
،

المنطقة الحساسة تلمع و تفتحت مجربة لإزإلة السواد من المؤخرة الأفخاذ المنطقة الحساسة*
،
،
،

نقلته لكم عشان تستفيدون*
الله يعين الحريم دعك وتنظيف وخلطات*



طلب صغنون*
أدعو لي*

الله يسر امري ويصخرلي زوجي ويجملني بعينه شكلا وطبعا*
ويتمم زواجي على خير
اللهم امــين يارب العلمين



كل الطرق من تجارب اخوات وكلها طبيعيه منقول



موضوع 1
نصف فنجان عصير ليمون (مقشر و مبيض و مطهر للجلد)
نصف فنجان جليسرين (مادة تخلط الزيوت مع الماء... مادة مستحلبة)
ربع فنجان زيت الخروع (يطري الجلد)
ربع فنجان زيت اللوز (يجدد الخلايا الميتة)*
ربع ملعقة صغيرة مسك مطحون (مادة حافظة)
ملحوظة: من الممكن استعمال أي مقياس مثل (الكوب وغيره) مع المحافظة على النسب بين المكونات)
واثناء الاستحام بالصباح اغسل بصابونة الببايا*
خلال عشرة أيام بالضبط ظهرت النتائج و تلاشى السواد و عاد جلدي أبيض و الحمد لله
و سأستمر باستعمال الخلطة مرة واحدة ليلا لأنها مطهر جيد وطبيعية

موضوع2*
المنطقه الحساسه فيها سواد ماخليت ولا بقيت خلطات وشغالات*
بس اخلط واحط بس دون فائده*
وفيه يوم رحت لدكتورة نساء اركب بخصوص شئ يخصني
وبالمره سالتها عن السواد قالت اغلي البابونج واغسلي فيه كل شئ بجسمك*
وركزي على الاكثر سواد وفعلن رحت وسويت مثل ماقالت*
والله يابنات اباطي والمنطقه الي خبري خبركم صارت تلمع وبيضه*
عاد انتن لاتتكسلن ماتخسرن شئ اغلن وحطنه بالحمام ولمدة يجلس يومين
وبكل ترويشه امسحي واتشطفي فيه وبالتوفيق*
والي تجرب تقولنا النتيجه علشان نبارك لها*
والمقدار قدر متوسط يميل للصغير حطي ملئ يدك مرتين ونص واغليه وصفيه واتركيه يفتر واستخدميه*
ولاتنسون يابنات انه له فايده لكل الجسم ولو عندك صاونة الكركم تغسلين فيها جسمك وبعدها تتشطفين بالبابونج*
انا كل ماتوضى اشطف نفسي منه وبكل ترويشه اغسل جسمي كله حتى شعري بعدين اعبي البانيو مويه واضيف له ماء البابونج واجلس فيه شوي بعدين اتنشف
وتراه زين للالتهابات والرحم ورائحة العرق والاباط ول كل شئ
والمنطقه الحساسه مثل ماقلت لك كل ماتوضى اتشطف منه لاني تاركه علبه لي بالحمام الله يعزكم

موضوع 3*
سويت خلطه جميله ولو اني ما احب الخلطات بس ذي جازت لي والله
السواد او الحبوب والنقط والخرايط على الأرداف و السلولايت و الخوف من ترهل و ذبووووووول المنطقه ايش سويييييييييييييييييييييييت


جبت ملعقتين كبار عبيتهم جليسوليد ما غيره العادي


**

عصير ليمونتين*
((قشور الليمون قطعتها و حطيت عليها زيت زيتون عشان ادهن بشرتي تراااااااه علااااااااااااااااااااج و وااااااااااه للنعومه مع الملح و الليمون يصفي ويشد البشره))


حطيت جلسرين سايل40 -50 ملل كيفك يعني


حطيت بعد زيت جنين القمح يمكن نص العلبه حقت وادي النحل


و زيت البابونج نص علبة وادي النحل و بس تبين تحطين زيت لوز حلو انتي حررره بس انا ما حطيت الزيوت هذي كفايه


المهم بعد الإغتسال والتشطيف بالمره والملح و تجفيف المنطقه جيدا حطيت الخلطه هذي على الأرداف - بين الأفخاذ - المنطقه الحساسه - بين الأرداف


و دلكتها 3 دقايق بس تتشرب بشرتي المزيج السائل واللي بقى بأيدي فركت يديني منه ولاحظت بصراحه فرق و الغمقان يخف بالتدريج والحبوب راحت*
وتفتحت المنطقة الحساسة واردافي وصارت زي البيبي*

 

[عايشه بدونه]

هالمعلومات الحلوه والفوائد العظيمه لبيكربونات الصوديوم اللي كنت احسبه للتبييض فقط اثناء جوله عشوائيه تفقديه بأحد المنتديات..
اهو موجود بكل مكان والمعروف عنه انه رخيص،وعشان ادلكم على اقرب مكان يبيعه روحو اقرب حواي من بيتكم وبتحصلونه

لكن فوايده فاقت سعره تبارك الرحمن وعن تجربه شخصيه

تفضلو معاي وشوفو ما شاء الله فوايده مو بس تخص البشره لا حتى لو عندكم مشاكل ثانيه اتمنى يكون موضوعي نهايه لها بإذن الله

البيكربونات أو ثاني كربونات الصوديوم


ليست فقط لتسهيل الهضم بل انه اسرع و اسهل علاج، وللاسف غالبا ما ينقص خزانة ادويتنا المنزلية لطالما استعملت جدتنا هذاالبيكربونات أو ثاني كربونات الصوديوم النوع من الكربونات على شكل بودرة لمحاربة عسر العضم بعد وجبة دسمة بعض الشيء وفي الواقع كانت محقة في ذلك 100% فاليوم يؤكد الباحثون المخبريون ميزة البيكربونات المسهلة للهضم إنما قد اكتشفوا أيضاً مزايا اخرى لا تقل أهمية عنها، فلم لا نفيد من هذا "الدواء" البسيط المتعدد المفاعيل!


بودرة خالية من الكلفة و الضرر
منذ وقت طويل أثبتت البيكربونات أو ثاني كربونات الصوديوم (الأمر سيان) مفعوله العجيب في المطبخ، الأعمال المنزلية وفي التخفيف من ازعاجات صحية يومية. هذه البودرة البيضاء غير المكلفة البتة وليس هذا فقط بل ولا تشكل أي خطر على الصحة ولا على البيئة فهل نطلب أكثر؟
إنما يجدر التنبية هنا حذار الخلط بين ثاني كربونات الصوديوم على شكل بودرة و بين كربونات الصودا أو كربونات الصوديوم فهذا الأخير خير منظف منزلي إنما غير قابل أبدا للاستهلاك أو الابتلاع.
حذار أيضأ الخلط بين البيكربونات و بين الصودا الكاوية (أو المحرقة) المعروفة كيميائياً "بهيدروكسيد الصوديوم" هذه الأخيرة جد سامة و كاشطة أو أكالة! أما البيكربونات أو ثاني كربونات الصوديوم فمتوفر في أقسام الملح في المتاجر الغذائية الكبرى أو في الصيدليات.


مسهل للهضم و مطهر

لطالما اشتهر البيكربونات بتسهيله الهضم أو محاربة عسر الهضم: حرقة أو حموضة في المعدة؟ سوء هضم بعد وجبة غنية؟ العلاج بسيط: يكفي ان نذوب مقدار ملعقة صغيرة من بودرة البيكربونات في كوب من الماء و نبتلع المزيج مرة واحدة، البيكربونات بمثابة مادة شديدة الامتصاص بفضل مفعولها القلوي الكبير، هي تساهم في جعل مؤشر الهيدروجين المعروف بال PH مستقراً، منعاً لأي فائض حموضة.
ملاحظة: أن كنتم من أصحاب المعدة الحساسة ننصحكم بإضافة رشة صغيرة من البيكربونات خلال طهو البقول أو الأطعمة الحامضة (طماطم او فواكة...) تسهيلاً للهضم.
أما اليوم فقد اكتشف الخبراء أيضاً عدة منافع أخرى بما فيها أنه مطهر ممتاز: ربما يغيب عن ذهننا بأن الامشاط، الفرايش، ادوات تدريم الأظافر و ريشات الماكياج قد تتحول إلى معقل للبكتيريا، كي تنظفها بعمق يكفي أن ننقعها لليلة واحدة في حوض المغسلة مع 8 ملاعق كبيرة من البيكربونات و في صباح اليوم التالي نعمد إلى شطفها بالماء.
هل نريد تنقية و تطهير يدينا؟ يكفي تبليلهما ففركهما بواسطة البيكربونات (تماما كما نفركها بالصابون) و النتيجة: نظافة و نعومة، أما إذا أردنا تنظيف و تبييض أظافرنا قبل تدريمها فلننقعها في وعاء من الماء الفاتر نضيف إليه 3 ملاعق كبيرة من البيكربونات؟*

**


مبلسم و مهدي

يا لهذا المطهر العجيب، فهو أيضاً أنعم مبلسم إذا ما جعلناه على شكل ضمادة أو كمادة، يعمل على تهدئة و بلسمة التهيجات: لسعة، حكاك، احمرار، حروق سطحية، أو لفحة شمس
الطريقة: نصنع عجينة بواسطة 3 كميات من البيكربونات مقابل كمية واحدة من الماء (نستعمل المقايس المرقم) أو ماء نبتة المشتركة hamamelis المطهر بعدها نضعها على البشرة أو الموقع الجلدي المراد معالجته نتركها لمدة تتراوح بين ال 15 و 20 دقيقة مع تجديد الضمادة إذا دعت الحاجة.


خير عناية للبشرة

مضاد للكلس يلطف البيكربونات الماء و يخلف بشرة ملساء و مرنه، هل تعلم سيدي بأن البيكربونات أفضل مهدئ بعد خشونة شفرة الحلاقة؟ هو أيضاً خير ملطف لكل بشرة حساسة: يكفي ان نضيف ملعقة كبيرة منه في فنجان كبير من الماء.
ملاحظة: بعد نهار عمل شاق أو ربما نشاط رياضي فلنصب مقدار فنجان أو فنجانين من( 100 إلى 200 غ) في ماء حوض الاستحمام (في المغطس) هذه خير وسيلة لتسهيل تصريف السموم و استعادة القوى والاسترخاء مضمون بالكامل.

هل تعرفون أيضاً بأن البيكربونات يلين و يزيل الخشونات الجلدية؟ اذا ما فركنا برفق موقع الخشونة أو الجلد اليابس بواسطة عجينة مؤلفة من 3 ملاعق كبيرة من البيكربونات و ملعقة من الماء، زالت بسهولة، جد مناسبة أيضاً لتقشير الوجه بكل رفق مرة واحدة في الاسبوع.


ولصحة القدمين أيضاً

أقدامنا تعبه جداً و مجهدة و مثقلة؟ لا بأس يكفي أن نضيف مقدار 4 ملاعق كبيرة من البيكربونات في دست (أو لَكَن) من الماء الساخن و ندع أقدامنا تنتقع لمدة 15 دقيقة، خير وسيلة لتليين التكلكلات. إنما أيضا لتسهيل اندمال الندبات والنفخات الجلدية، إذا ما جددناه يومياً، هذا النقع يساهم أيضاً في تهدئة الحكاك والاحمرار وفي تسريع شفاء الفطريات وذلك بفضل مزاياه العلاجية في المجال. إذا ما عمدنا إلى رشه أو نثره في الاماكن أو الغرف الرطبة، ساهم البيكربونات في القضاء على مختلف أنواع العفونات.


رائحة نفس كريهة؟ وجدنا الحل...

على شكل محلول لتنظيف و غسل الفم (ملعقة صغيرة من البيكربونات في كوب الماء) تعيد هذه البودرة العجيبة الانتعاش و تزيل كل الروائح الكريهة الحامضة المصادر (بصل، ثوم...) أو القاعدية المصادر (سمك، ثمار البحر...)

تنبيه: على الرغم من مزاياه المحاربة لرائحة النفس الكريهة لا تستعملن البيكربونات كبديل عن معجون تنظيف الاسنان.*

أما أذا استمرت الرائحة الكريهة على الرغم من كل شي، فمن الافضل استشارة طبيب الاسنان: غالبا ما تعود هذه الرائحة إلى مشاكل في اللثة، إضافة إلى رائحة الفم يتغلب البيكربونات على مختلف أنواع الروائح الكريهة، هو خالٍ من الرائحة و لكنه قادر على امتصاص أزعجها، وذلك لأنه يشل المواد الحامضة التي تنتجها البكتيريا.

جل عملي في الثلاجة، الخزانة أو حتى كبديل لمزيل الرائحة الاعتيادي..
نصيحة؟
فلنفرك مواقع تحت الإبط أو القدمين بالبعض من البيكربونات للقضاء على رائحة التعرق المزعجة بشكل نهائي.بوسعنا رشه بوفرة أيضاً في الأحذية مع تركه كل الليل، لن يزيل الروائح المزعجة فحسب بل و سيحد أيضاً من نمو الفطريات.


ابتسامه مشرقة و ساحرة:

البيكربونات بمثابة مادة كاشطة جد لطيفه: إذا ما فركنا أسناننا بالبعض منه، ساهم في إزالة البقع التي يخلفها الشاي أو القهوة أو حتى التدخين.
يكفي أن نرش القليل منه على فرشاة الأسنان المبللة بالماء من ثم نفرك أسناننا كالمعتاد.*

وشغله بس حبيت اضيفها لكم من خلال خبرتي ان بيكربونات الصوديوم مو بس لازالة العرق عالعكس هم يساهم في تبييض الابطين والبشره عموما واللي يستخدمون المسك والشبه لازالة العرق ضيفو مقدار قليل من بيكربونات الصوديوم وحطو الخليط عقب السبوح على نظافه وشوفو الفرق..تقدرين تضيفين كميه قليله لاي خلطة تبييض تسوينها حق روحج سواء كانت كريمات او غيرها وبامكانج اضافته لاملاح اليوكو او السنفره أو حتى تضيفين منه مقدار مناسب حق غرشة ماي الورد مع النشا وتخلينها مثل التونك تمسحين فيها ويهج باستمرار وشوفي مفعوله بعينج..

انا شخصيا لما اذكر كلمة بيكربونات الصوديوم كأني اييب طاري الحنه البيضه او السفيد اب او الهرده مفعوله وايد حلو بالتبييض وعشان جذي قمنا نضيفه لمكونات لبعض خلطاتنا بعيد عن الكورتيزون وطبيعي ومامنه مضره ابدا ..

واللي عندها اي استفسار بخصوص موضوعي انا حاضره اكيد باللي اقدر عليه،، ومابي منكم الا الدعوه الصادقه بظهر الغيب

بالتوفيق والنجاح والله يحفظني من العين والحسد..عشان اقدر افيدكم بعد وبعد

دمتم بود جميعا

 

[عايشه بدونه]

السلام عليكم خواتي اليوم ودي اسولف وياكم عن الحنه البيضه والي تسويه اولا نتكلم عن فوائدها 1-تفتح لون البشره وتبيض الاماكن الداكنه 2-تشيل البثوروالبقع واثار الحبوب والكلف 3-تصفي البشره وتعطيها نضاره4-تقلل التجاعيد وتشد البشره والحين نقول الطريقه للجسم تخلطينهامع ماي ورد وتحطينهاعلى جسمج ساعه واذالج خلق ساعتين ولما تجف تفركينها بالليفه المغربيه وخلطتي الصابونيه طبعا اتغشمر اي صابون عندج وتغسلين وبعدين الله يسلمكم تنشفون وتدهنون جسمكم بزيت الزيتون او اي لوشن عندج هذا بالنسبه للجسم والحين نروح للويه تاخذين ملعقه حنه وملعقتين زيت زيتون وملعقه عسل وتخلطينهم وتحطينهم على ويهج نص ساعه وعقب تغسلين وراح تشوفين نتايج روعه وادعيلي وياليت تقولين لنا تجربتج اذا خلصتي طبعا الي ماتعرف الحنه البيضه وتسال ماراح احط صوره علشان تشرفوني موقعي وتشوفونها

 

[Dalo0o3a Cute]

الله يعينج لازم تلحقين على نفسج

بس هم اخذي الامور ريلاكس
بالاول لازم تستمرين على اي نظام مدة شهرين على الاقل


اول شي اذا ميزانيتج تساعدج شوفي منتجات التاجره Grass انا صراحتن ما جربت منها شي لان جسمي اوكي بس بالمستقبل اكيد بجرب اقري تجارب البنات

لان خلطاتها لا يعلا عليها

ودشي بروفايل العضوه A.N.l و miss waw و KIRSTEN STORMS هذول اكثر شي بيفيدونج


بالنسبه للنظام اللي بقوله لج

للجسم : خلطة صابونيه او صابونه فير اند وايت هالمنتجات فرنسيه وايد حلوين اخذي صابونه فيتامين سي او بالاحماض او الزرقا والصابون يظل على الجسم 10 دقايق وقت السبح والشاور يكون يومي

بالنسبه لخلطه قبل ما تتسبحين
هالرابط :
http://www.q8yat.com/t870499.html


او دهني جسمج بزيت اللوز المر وخليه مدة اربع ساعات

او خلطه يمدحونها جنها " جلوسليد كبير + فكس صغير + عصير ليمونه كبيره " تحطينها بالثلاجه وقبل ما تنامين حطيها على جسمج واول ما تقعدين اغسليها

وملح الحليب اذا جسمج ما يتحسس منه استخدميه وقت الشاور لان يخلي الجسم حرير


الحين نيي للسنفره وهي مرتين بالاسبوع
هالرابط
http://www.q8yat.com/t874637.html

وهذي الخلطه تهبللل اخير شي تحطينها بالشاور

http://www.q8yat.com/t964350.html


ولوشن بعد السبح برااااحتج اي لوشن تحيبنه ويمدحون لوشن فير اند وايت الكحلي لانه يبيييض على العموم لما تشترين لوشن اشتريه للتبيض



حل سواد الركب هالخلطه "

شوفآن { من فواده يعمل على تقشير البشرة ونعومتها وتبيضها ويمد البشرة بفيتامين e } ..

سكر { معروف انه مقشر للبشرة } ..

زيت زيتون { يعمل على ترطيب البشرة ويمدها بفيتامين e } ..

بيكربونآت الصوديوم { يعمل على تقشير البشرة والتخلص من الجلد الميت وتبييضها }

ليمونة { يفتح البشرة ويحتوي على فيتامين c } ...



نخلط جميع المكونآت مع بعضها ونلاحظ فوران بسبب بيكربونات الصوديوم والليمون يتفاعلون مع بعض ..

بالنسبه للكمية اذا عندك نفس عياري فاستخدمية اذا لا استخدمي ملعقه الاكل العآدية
والمقادير برآآحتك اللي تشوفيه يكفيك اهم شي اليمونة حبه كامله و بيكربونات الصوديوم نص ملعقه .. واللي ماتفضل السكر ممكن تستبدله بالملح نفس المفعول ...

وخلآص ادهني فيها ركبتك وافركي بشكل دائري لمدة 10 دقائق وممكن كمآن الأكواع و الابط و
الكلف اللي يجي بالرجل .

وبعدها اغسليها ونشفي المنطقة وبعدها حطي اي كريم مرطب عندكــ

وخلال اسبوعين من الاستمرار بيخف السواد 50% وهالخلطه تنفع لاي منطقه غامجه


واخر كل اسبوع سويي حمام مغربي هالنقطه ضروريه

http://www.q8yat.com/t820657.html

وكريم للمنطقه الحساسه يمكن يفيدج هالفيديو

http://www.youtube.com/watch?v=HC1t0gzWRkc


واتمنى اني فدتج ابي منج دعوه حلوه :$

وكملي شهرين على هالنظام وان شاء الله بتدعين لي من قلبج
:eh_s(17):

 

[Dalo0o3a Cute]

حبيبتي نصيحه لج المنطقه الحساسه اذا حيل غامجه عندج شوفي كريم طبي للسواد او استشيري دكتوره مختصه تسويلج ليزر او شي ثاني مضمون

لان السواد حيل ما يروح مع كريم خفيف نفس سودو او زيت بالعكس يبيلها تقشير او كريم يعالج خلايا الميلانين اللي تسوي التصبغ الزايد بهالمنطقه

 

[^لغموضي معاني^]

مااقصروو البناات

 

[ريري 2012]

الله يوفقش يارب وتوفيق مو عن بياض او سواد التوفيق من الله واجد ناس سمر حيل ورياجيلهم يموتون عليهم يعني لا تحاتين الي تقدرين عليه سويه ولا تضغطين على نفسش لان حتى الي بتزوجينه مو منزل بسلسله واب لعيونش حياتي

 

[العفو يارب]

ماقصرو البنات
اهم شي الاستمرار
بالتوفيق يارب

 

[ماركة انثى‘]

آآآآآآآب

 

[خلطات المذهله]

العنايه مهمه واذا انتي تملين بسرعه خلي العنايه تكون بسيطه مثلا سكرب سكر وزيت زيتون

وكريم ترطيب للجسم

 

[مجننتهم أنا]

إن شاء الله البنات فآدوج
ولحد يخوفهآ ترى مآ طآر الوقت
كل شيء ممكن انه يتعدل ب أهتمام حلو :$

هدي نفسك والمشكله مو كبيره أهم شيء أنج تدآركتي حآلك