شسوي بشعري الميت المشهب

[ملامح ~]

ينات انا شعري طبيعته جاف من كنت صغيره بس كان يطلع حلوووووو يالاستشوار

و اللحين بكمل ست سنين وانا متبهدله فيه

قبل كنت اصبغ شعري ورى بعضضض لين احترق

وقصيته بوي وهو كان لين نص ظهري

واخرتها سويت فرد جلات صار شعري خشششششششششب مشهب

اللحين وقفت صبغ لي ثلاث سنين بس شعري ماطول وجاففف ليههههه كذا

واحسه من تحت اخف من فوق هو لين تحت رقبتي

لحد يقولي قصيه لاني مليت من القص :krkrkr:

اللحين عندي سمسم ولوز و خروع

وعلى فكره اغلب الزيوت تنشف شعري يمكن بس ذولي اللي ناسبوني

ووش رايكم بزيت جوز الهند سي بي سي

 

[زهرا_*]

حبيبتي استخدمي شامبوهات و ماسكات للشعر الجاف
عندج شامبو ماسك بوتس للشعر الجاف اللي بالجوزالهند و اللوز
ورطبي شعرج بزبدة الشيا الخام ترا تنفع حطي مسحه خفيفه
او كريم الزبدة للشعر من ذا بدي شوب

وزيتي شعرج مرتين بالاسبوع او ثلاث مرات في البداية بالزيت اللي انتي مرتاحه عليه

 

[قاهره عذالي]

تبينه يطول
استعملي زيت الحيه الاصلي

 

[أسرار الجمال]

وقفي الزيوت وحطي ماسكات مؤ كل الناس يناسبها الزيوت انا شعري يصير خشب اذا استعملت الزيوت

 

[مدّهره !]

والله ماادري شقوولك شكلك أعدمتيه فعلاا !!


بس حاولي بالفيتامينااات وحمااام الزيت يمكن يتعووض ...’

 

[ام عبد العزيز م]

مافي احسن من زيت الاركان لي الشعر جميع انواعه

 

[رمادية الهوى]

واااو غلط الصبغ ورا بعض هو عدااااام الشعر انتي الحين لا عاد تصبغي
ابداي اهتمي فيه بزيوت والكريمات ترى حلوو زيت جوز الهند اللي علبه خضرا مرره حلو انا ناسب شعر
وبرضه حطي كريم بارشوت حلوو اذا الزيوت مانفعت معك سؤي خلطات لشعرك طبيعيه احسن وان شاءالله تفيدك

 

[تبيني آرضى عليك]

اهتمي فيه زيت مره بالاسبوع
ومااسك مرتين بالاسبووع ماسك مغذي ومرطب
والشامبو جربي دوووووووووف حلو او فاتيكا

 

[Mrs.H]

شوفي انتي تقريبا نفس مشكلتي

انا شعري مايطول وراثة علشان جذي اقص اطراف اطراف اطراافه

انا كنت صابغة شعري بني فاتح وكنت بسوي كيراتين بس حملت وبانا استخدم ماسكات الجمعية وشامبو وبلسم زينين.. بس شعري صار نااااشف جنه الليفة مع انه قبل الصبغ ناعم.. المهم رحت شريت من غراس خلطة قوس قزح للشعر المصبوغ اول مرة شعري انشف من قبل ثاني مرة مدهن ويلوع الجبد بس اسبوعين )6 استخدامات( تحلفييين مسوية استشوار

يبيلج 3 مرات بالاسبوع تحطين زيت او ااي شي ترتاحين له انا رديت صبغته اشقر وسويته كيراتين صارت الشعرة تتمطط تكسر الخاطر وبعد السحب الشعر يطيييح وياريت الصبغة حلوة تفشل جني مريضة

المهم كانت غراس موقفة شغل الله يشفيها وشريت من وهج بيوتي زيت للشعر المصبوغ وماسك الافوكادو والحين وصلت لنص الكمية وصبغت شعري صبغة اغمج بدون امونيا وبدون سحب

المهم انصحج تشترين زيت عندج زيت جوز الهند والافوكادو او سوي ماسك الافوكادو بالبيت

وفي ماسك ريحته مو حلوة بس نتيجته عجيبة اللي اهوا قفشتين مايونيز قفشتين عسل يفضل طبيعي 2 صفار بيض وحطي من الزيوت اللي عندج شوية بس وخليه على شعرج ساعتين ولبسي كاب او جيس

وبياض البيض اللي باجي ممكن تسوين منه ماسك للجسم مع نشا وزيت زيتون