شسوي بحياتي ساعدوني

[ضناي غلاي]

بنات انا متزوجه من 9سنين والله اني تعبانه حدي
بدخل بالموضوع انا زوجي لما اتهاوش معاه لايمكن يقعد بالبيت علي طول للمطار ويسافر لو يومين ويجي ولما اساله يقولي مقدر اقعد تجيني ضيقه وحنا علي طول زعلانين مايفهمني وماعنده احساس فيني مع انه طيب وحبوب كله بالقهوه والا بالبر قبل يومين تهاوشت معاه تفاجات امس يحط لبسه بالشنطه ومسافر ماقالي وين بعد
شسوي والله اني جميله واهتم بنفسي واسويله ليالي علي طول وماخلي شي بالمنتدي من العاب من مفارش الا وانا شاريتها
عطوني حل ادري بتقولولي لاتهاوشين معاه بقولكم فيه شغلات تبط الجبد والله سهر ونوم وقهوه تعبت وانا بس بين هالجهال عطوني حل اذا جاء من السفر شسوي انا شي طبيعي ماراح اكلمه لان نفسي شينه عليه

 

[احب المنتدى]

رد : شسوي بحياتي ساعدوني

الحل واااااااضح
لا اتهاوشين

الا اذا انتي تدورين الهواش

 

[احلى سماء]

مسافر وين ؟؟
وليش خايفه انه يسافر؟
يعني تشكين انه يخربط

 

[رضاهم جنه]

حبيبتي الزوج ما يبي ان الوحده تكون حلوه وتلبس له وتكشخ له وبس

يبي وحده تكون صديقه قبل زوجه يعني يرتاح معاها يكلمها يفضفض لها ومو بس تشتكي عيالك وعيالك وانتي تقولين بس انتهاوش فمن الطبيعي انه يدور الزله عليج علشان يسافر

ورجال هالوقت الله يهديهم ما يبون يتحملون المسؤوليه وياويلج تفاتحينه بموضوع العيال

فانتي جربي انج ما تناجرينه لمدة شهر وشوفي شراح يسوي والله يهديه ان شاء الله

 

[ريتااجي]

رد : شسوي بحياتي ساعدوني

الله يعينج ويهديه لج

 

[الغاليه ام احمد]

الحين عرفتي سبب سفرته الحنه

لا عاد تحنين

 

[لمسه حزن]

رد : شسوي بحياتي ساعدوني

حبيبتي

يمكن فعلا زوجج من النوع العصبي

ويفضل انه يسافر

احسن مايحط حرته فيج

وانتي نظمي وقتج لليهال و له

يعني تفاهمي معاه و خليج هاديه لا تهاوشينه

بالسياسه كل شي ايي

قولي له انا بعد اشتاق لك ودي اقعد معاك

ونتكلم و انتي و شطارتج

خليه يحب قعدتج

وشوي شوي يتغير الوضع

ربي يوفقج

 

[ام الدرر]

حبوبة 9 سنين ومافهمتي طبعه
الريال ماتمشيه كلمة مرته يمشي على رايه
اشتري راحتج ياقلبي
مدام انه طيب وحبوب ومومقصر بشي
ليش تناجرينه خليه يروح القهوة والبر
مرده لبيته​

 

[Tom ♥ Jerry]

.


آلله يهديه و يعينج آن شاء الله !
الصراحه طبعه مو حلو شنو يعني مآ يعرف يهدي الوضع
و يهدي نفسه و يطبطب السالفه ! على طول يسافر الله يهدآه :| !

حآولي تخففين المشاكل بعد شتسوين !
بعدين تكلمي معآه بهالموضوع قوليله كل شي و له حل !
مو حل آنك تخليني و تخلي عيالك و تسآفر ! :|

 

[BiiShOoO]

الله يهديه

 

[احلى سماء]

لا حول الله يارب

حاولي ما تهاوشون ولا تعصبون ولا تعبسين بوجهج
لو شنو يصير
بردي اعصابج

عشان مايصير له حجه
ولا تردين عليه لما يعصب وحاولي تهدينه

 

[brettey]

رد : شسوي بحياتي ساعدوني

الله يهديه

 

[روحي زوجي]

رد : شسوي بحياتي ساعدوني

اهتمي بنفسج وحبيها وخليه على راحته لين هو يحترمج من كبفه

ـــــــــــــــــــــــــــــــــــــــــــــــــــــــــــــ

اعشاب ممتازه مجربه ومضمونه للدوره والنفاس ( اهتمي بنفسج ) 3×1

 

[๓ίşś зśŏłả..!]

رد : شسوي بحياتي ساعدوني

الله يهديه وحاولي انج ما تتهاوشين معاه
ولما يعصب هديه شوي

 

[om_dodo]

الله يعين

 

[أمـونة]

رد : شسوي بحياتي ساعدوني

شوفي شنو اللي يخليه يطلع برا البيت واجتنبيه

لا تعصبين وايد >>> طالع منو اللي تتحجى

وإن شاء الله االله يسخره لج ويهيدكم ويصلح بالكم

 

[عضوة ذهبية]

رد : شسوي بحياتي ساعدوني

حبيبتي اول شي الله يعينج ويصبر قلبج انشالله وبخصوص نصيحتي حبيبتي انتي تقولين صالكم 9 سنين متزوجين يعني شكل ريلج تعود على هالوضع ومثل مايقولون الولد على ماربيتيه والزوج على ماعودتيه ،،، يعني انتي عودتيه فلازم تتحملين وتصبرين على مرحلة التغيير يعني عشان يتغير يبيلة وقت ،،، انا اقول اول شي لازم تاخذين موقف حازم من طريقة ردة فعلة لما تزعلون يسافر اوكي هو زعلان منج شكو عيالج يخليهم ويسافر وفي لحظة يخليج مسؤلة عنهم في ظروف يمكن يصير طارئ لا سمح الله انا اقول اخذي موقف واذا مانفع معاه لازم العقلاء من اهلج او اهلة يتدخلون وانشالله اكون فدتج في اقتراحي

 

[شقرديه كيوت]

رد : شسوي بحياتي ساعدوني

غيري من نفسج علشان اهو يتغير يعني اذا ما قدرتي تغيرين نفسج شلون تقدرين تغيرينه!!! طبعا انا اقصد التعامل والاسلوب راجعي نفسج وشوفي اخطاءج وحاولي تصلحينها

 

[فوفو الدلوعه]

الله يهديه ويكون بعونك

 

[مناير ...!]

رد : شسوي بحياتي ساعدوني

ردي عكسهم
شنو لاتتهاوشين ولاتحنين !
يعني يغلط وتضحك له وتدلعه
شنو كرسي اهي مالها احساس

اوقفي له وقفه وتحجو بصراحه
شنو تنطر فرصه تشيل ثيابك وتسافر
مو حل ولاتخلص المشاكل جذي