شسوي بالضبط ؟!

[تمطاف]

قوة بناات

انا بقولكم سالفتي و انتو قولولي شسوي !

اول شي بنات انا عمري 18 سنة و وزني 86 و طولي 160 ..

( متينة )

بس انا عمري ما اهتميت للمتن و لا حسيته مشكلة معقدتني و لا انه شي مخرب علي احسه عادي و صج في ملابس ما اقدر البسها و لا اكشخ فيها بس لان بطبيعتي استحي فحتى لو ضعفت ستايلي ما راح يتغير دايما وسيع و طويل .. فالملابس كلش ما شجعتني اني اضعف

اللي صاير الحين اني لاعت جبدي و زهقت و صج قربت اتعقد من متني و شكلي و السبب اهلي و رفيجاتي و كل اللي حولي

تخيلو بنات امي طول الوقت تحن علي ضعفي و لا تاكلين و راح تطيحين بجبدي و البنات كلهم تزوجو الا انتي و اذا طلعنا مطعم تقولي بسج و لا تطلبين واااااااااي انا اضحك و اسوي روحي مو هامني و انا صج المتن مو هامني بس كلامها يحز بالخاطر

اي زوارة و لا شي لازم الاهل يعلقون يقولون لي شحلاتج بس لو تضعفين !!

انتو شكوووووووووو واااااااي يحرجوني جدام الاوادم و خاصة اذا اكو شباب

و رفيجاتي اليدد يقولون لي ويهج و صوتج مو لايقين على جسمج @@

ياربي ليش جذي حرام عليكم منو طلب رايكم ها ؟؟؟؟؟؟؟؟

و اللي صج خلاني اخذ الموضوع بجدية ابوي عقب ما كان يرد على امي يقول اصلا اللي يتزوجها المنة عليه قالي ما راح اشتري لج سيارة الا اذا نزلتي 14 كيلو !!!!!!!!!!!!!!!!!!!!!!!!!

انا هني انصدمـــــــــــــــــــــــــت و قام يضغطني اهوا و اخوي يقولون اصلا شلون بتدشين بالسيارة ما تكفيج

اهئ اهئ

و انا مشكلتي اني احب الاكل وااااااااايد و خاصة الوجبات السريعة ما استغني عنها و البطاط اعششششششقه

قولولي شسوي ؟!

كلامهم يحبطني و بنفس الوقت يخليني اعاند ما امتثل لرغبتهم

بنات بليز ابي حل شنو لازم اسوي شنو اكل شلون انزل 14 كيلو ب 3 اشهر ؟

ردو علي الله يوفقكم ​

​

 

[مدام تمارا]

والله المتن موحلو حتى باجر باذن الله اذا تزوجتي بالحمل راح تتعبين اتبعي نظام مع دكتور شاطر والتزمي بس نصيحتي لج لا تضعفين وتردين تمتنين كذا مره يعني تكررين الريجيم دايما لان جسمج راح يترهل مثل ماصار معاي وماينفعه بعدين الا العمليات والله يوفقج

 

[تمطاف]

مشكورة حبيبتي على ردج

مشكلتي اني احب الاكل وايد و ما اقدر امنع نفسي عنه !

 

[(غموض)]

هلا وغلا حبيبتي

انا بساعدك قد ما اقدر لاني انا مثلك صغيرونه وبطوطه لكن امتن منك كنت 90 وخرده

وكانو كلن يعلق علي امي وابوي واخوي وخواتي واهلي وكلن يقول حلوه بس اااه لوتضعفيييين

طبعا اول كنت اعاند واقول كيفي مو شغلكم انا عاجبني

بس لما فكرت فيها بعقل شوي

قلت هم لما قالو لي اضعفي مو قصدهم يضايقوني هم يبون مصلحتي

يبون الامراض ماتجيني يبوني اكون بخير يبعدوني من اشياء ممكن تسبب لي سكر او ضغط او جلطات

لو ما اهمهم ما قالوا لي كذا ومن عقبها قررت اتغير صارت الاراده داخليه من قلب نابعه

انا كنت مثلك اموت بالوجبات السريعه والشبس خاصة والككاويات يم يم يم

لو ما اكل شئ باليوم بس كله ككاويات عادي\

عقبه والله بديت بدون لا اقول لهم شئ
هم لاحطو اني بديت اسوي رجيم

وماطلعت برا بيتنا يعني زوارات ماطلعت ابيهم يشوفوني لتغيرت شوي

واختي متزوجه ما شافتني

واسبوع كامل رياضه ومشي ورجيم والله ما خربطت ولاككاو ولا شئ ممنوع

كله صحي وبدون سكر وضعفت وكل اسبوع الحمدلله باديه انزل

كنت اشجع نفسي بنفسي واقول

بموت لو ماكليت وجبه..؟؟؟
بموت لو ماكليت ككاو؟؟

لا ماراح اموت\\

كل شئ شبعت منه الككاو وشبعت منه

والبطاط وشبعت منه

وكل شئ شبعت منه

الا طعم الضعف ماذقت طعمه لازم اذوق طعمه:$

والله اختي مستانسه علي حيل تقول وااااااااااو كانك قاطه النص معني مو قاطه الا كم كيلو بس

بس بين بجسمي اكثر

وفي ثوب ميته عليه عند اختي الي اصغر مني مقاسه 14 منقهره من زمان ودي البسه

بس كانت دايما تحرجني وتقول لاتشقينه

واليوم لبسته:$ وطلع واااااااااااااااااااااااااااااااااااو:$ وقهرتها

وانا عندي تجمع لرجيم لو تبي تنضمين وياي حياك الله حبيبتي

اعتبريني اختك واي سؤال تبين اساليني ماراح اقصر بشئ

 

[تمطاف]

حبيبتي و الله كلامج وايد شجعني و خفف عني و دخل بقلبي الارادة :$
و اهم شي طعم الضعف ما ذقته اي والله صاجة بهاذي
اي ابي انضم للتجمع مالكم ما عليج امر :$
و يسلمو على ردج الحلو

 

[(غموض)]

حيااااااااااك الله كانو منضمين له ثنتين واختفو الله وكيلك هههههههههه

بس تعالي وعيوني لك

صدقيني طعم الضعف حيل حيل حلو الحين بيني وبين امي رهن

 

[(غموض)]

هذا الرابط لتجمع

http://www.q8yat.net/showthread.php?t=629235

 

[بمبة المفترسة]

شربي نسكافيه على الريج يسد الشهية او شاي اخضر قبل الوجبات
وعندج ريجيمات هني متروس القسم
او روحي التغذية شوفي اي مستشفى حكومي تابعين وروحي وايد زينين
ولا اكلتي وجبات سريعة اكلي الصمونة بس والبيبسي دايت لاتاكلين بطاط
او اكلي خبزة وحدة الخبزة الثانية شيليها وطلبي سلطة عشان تشبعين
كثري شربي الماي لين تنبطين وايد يسد الشهية
المشي ساعة يوميا طبعا ابدي بالتدريج 15 دقيقة وكل اسبوع زيدي الوقت
تحركي بالبيت انتي نظفي غرفتج حمامج هدومج
دايما ابدي اكلج بصحن كبير سلطة
اكلي مشويات وخففي العيش والخبز والمعكرونة
اذا انتي طالبة جامعية او موظفة صفطي سيارتج بعيد عشان تمشين

 

[Q8stylle]

شوفي قسم الرجيم بالمنتدي
واتبعي نظام غذائي وامشي كل يوم حتي لو نص ساعه

 

[رووز q8]

ياقلبي احسن شي التخفيف وسوي رياضضه معاه و14 كيلو مو وايد كهدف اولي ان شالله تقدرين تنزلينهم وبسهاله بعد

 

[هنااااااااااااا]

نصيحه سوي رجيم الدكتور عبدالله المطوع تلقينه هنيه بالمنتدى مافيه حرمان من أي شي تحبينه ويبين عليج الضعف والكل راح يلاحظ انج ضعفانه وانشاالله ينزل وزنج بصحه وعافيه

 

[تمطاف]

مشكوووووووريييين بنات
الله يوفقكم ان شاءالله
و خلاص بمشي على كلامكم

 

[علا العلياء]

حياتي والله ضعفي احسن لج
اوكي تحبين المطاعم خلي الوجبه
مثل الهديه لج اذا ضعفتي تاكلينها راح تتشوقين انج تضعفين عشان هالوجبه
وسوي كنترول لنفسج
انا تقريبا مثل حالتج قبل احب الاكل واحب المطاعم وعندي الاكل متعه اذا زعلت اكلت واذا مستانسه اكلت واذا مافيني شي اكلت 25 ساعه في اليوم اكل .... من كثر ما احب الاكل بس يوم دخلت الجامعه ودي ان يكون عندي اكثر من خيار في اللبس يعني ما البس ستايل واحد لان 5 ايام في الاسبوع تداومين مو حلو ستايلج يكون واحد
بس ترى انا وزني اضعف
وزني 78 وصرت اسوي كنترول على عمري ومسويه دايت ومهتمه حيل
صارلي شهرين ولانزلت ولا كيلو
تعوذي من ابليس وسوي رجيم وبشريني اذا قررتي

 

[وردة بيتنا]

حبيبتي ان شاء الله بتضعفين بصحة و عافية و تصيرين شحلاتج

اول شي تذكرين ان الرشاقة صحة ، و المتن مرض !

ثاني شي تخيلي شكلج و انتي رشيقة و خفيفة ، واي وناسة صح ؟ ما ودج تحققينه ؟ انتي قادرة والله باذن الله

ثالث شي انصحج تروحين للدكتور محمد ربيع في مجمع الخليجية في شرق ، وايد خوش دكتور و اعرف وايد بنات ضعفوا عنده و رجيماته زينة يعني تشبعين

رابع شي و اهو اللي اهم شي انج تذكرين الله و تستغفرين و تدعين دايما بصلاتج انج تضعفين على صحة وعافية

 

[laymona]

لوول تبادلين

اعطيج جسمي تعطيني جسمج ؟

وزني 40 و طولي 155