شسوي احترت

[Jolyan]

[:eh_s(16):

 

[Jolyan]

بنات انا كتبت موضوع شطوله جان أطق شي و ان مسح كله لوووول :krkrkr
بنات انا متزوجه صار لي 7 شهور ان شاء طول العمر و ما عندي عيال انا هاديه و زوجي هادي و حبوب و طيب و حنون و احبه و يحبني لله الحمد للأسف انا من نوع الي ما اعرف أرد و أخذ حقي و على نياتي و ما عندي خبث و مكر حريم و انا 20 عمري توني
حمواتي للأسف لسانهم طويل و شايفيني هاديه و ما اعرف أرادد ف قالو ضعيفه شخصيه خ نقل أدبنا عليها و نتحكم فيها و نمشيها على مزاجنا شافوني مو من نوع الي تحش و لا تدور مشاكل و لا انقل حجي بينهم و بين حريم حمواتي
(انا زوجه الصغير ) و فأستغربوا لان شكلهم يبون نوع الحشاش و نمام !!! احيانا يسألوني يحاولون يطلعون مني حجي و انا على نياتي أقول ما ادري ما أتذكر و ما تدخل بمشاكلهم و حماتي كبيره لازم أعمالها مثل خالتي صار هوشه مع حماتي الي اكبر مني قلت أدبها و تكلم معاي كأني جاهل فأضريت أني أوقفها عند حدها بأدب طبعا لكن ما فاد و سوت هوشه و دخلت زوجي بالسالفه و زوجي شاف موقف كله و يدري ان أهي الي غلطت فوقفها و صار سوء تفاهم بين زوجي و اخته و خلتني انا سبب و انا أحرض اخوها عليها و انا الشريرة و انا انصدمت من ظلم و باقي حمولتي معاها مع انهم شايفين موقف و عارفين منو الي غلط و عارفين أني مو من نوع الي يحب مشاكل مع الأيام صارو يسون مشاكل و فتن و انا قلت و انا سويت لدرجه و مشكله يقلبون مواقف الي تصير يخلونها غصب ان انا غلطانه فيها ويجي زوجي يسألني اذا سويت جذي و لما يقولب شنو قالو له خواته و لا موقف الي صار معكوس آه يا قلبي ما ادري شقول اول مره في حياتي أتعامل مع ناس جذي !!! صارت القعدة عندهم لا تطاق و عادي ظلم عيني عينك ما يخافون ربهم في بنت ناس
و الله أني أعاملهم بما يرضي الله و على طيب اصلي و ما جأهم مني الا كل شي زين و زوجي يدري و صار مضغوط من خواته و دائماً يجئ يكون ضايق خلقه و منفس منهم و يحط حره على و ينكد علي
مشكله ثانيه زوجي كله دوانيه و عنده ربعه شي مقدس ادري كل شباب جذي بس ما توصل لدرجه يرد 4او 6 صبح
و انا تعبت ادق أقوله لا تطول حدك 3 فجر احيانا يسمع و احيانا مطنش و هو حمدالله ما عنده خرابيط و الله اعلم بالخفايا
و بعد هو ما يحب يطول بالفون ما يحب يدق دايما خاصتا اذا كنت عند اهلي ما يدق و لا يسال لازم انا الي ادق و اسأل و اسلم لما سألته قال ما أحب أطول بالفون هو فعلا ما يحب حتى مع ربعه (طيب دق سلم حسسني انك مهتم شوي ) و انا حمدالله مهتمه بنفسي و بنظافتي و جميله حمدالله و هو طيب و كل شي بس هذه شغله محيرتني
هذه من غير طلعاتنا و تمشينا الي تنعد بالأصابع ما يحب يمشيني واحد حتى و انا عروس ما تمشيت معاه نفس باقي معاريس >>>هذه حاله الله يعين و يصبر
احيانا احس ودي استسلم و اوقف ليش طيب يصير فيه جذي ؟! ليش أسوي خير و ألقى شر ؟
حمدالله على كل حال
اللهم لا اعتراض
بنات ابي تشجيع و مواساه و دعاء سبحانك اللهم و بحمدك اشهد ان لا اله الا انت استغفرك و أتوب إليك

 

[بودي حبيبي]

شوفي حبيبتي ابتكلم عن مشكلتج الاولى
اللي هي مشاكلج مع حمووولتج
ترا الزوج بطبعه مايشووف غلط اهله كلللش لو يدري انهم غلطانين بس يسكت ومايتكلم حتى لو يدري ان خواته قليلات ادب ولسانهم زفررر على قولتهم ( ابوي مايقدر الا على امي ) . بس انتي عامليهم بالتطنيش واللي تربيتي عليه .... ترا اذا انتي قاعده تحترمينهم لان جذي تربيتج مو معناته ان انتي ضعيفه بالعكس انتي اقوى بكثير منهم لان عقلج واخلاقج ماتسمح لج انج تردين عليهم لان يبقووون ضعاف بس حيلهم بالكلام واللسان الطويل...والرسول عليه الصلاة والسلام قال: ليس الشديد بالصرعه انما الشديد الذي يملك نفسه عند الغضب " <<< في احلا من هالحديث يعلمنا على الصبر وعلى ان لو نسمع تفاهات من ناس تافهين نمسك انفسنا ومانزعل ولا نعصب ...
بنات اخر زمن ماعندهم الا شلوون يناقرون حريم اخوانهم ... طنشي حبيبتي ولانكثرين قعدات معاهم حاولي تقعدين فبيتج واهم شي زوجج وام زوجج والباقي
تطنييييييييييييش
اما سالفة الطلعات هذا اتفاق بينكم تفاهمو عليه من الحين دامكم فبداية زواجكم،،،
والاتصالات انتي دقي عليه واساألي وعوديه تسمعين صوته ويسمع صووتج ومسجاات وكلام حلووو وانتي وذكائج
الله يسخر لنا ازواجنا يارب ،،،، ورددي هذا الدعاء " اللهم من ارادني واراد زوجي وبيتي بسووء فأشغله في نفسه واجعل كيده في نحره"

 

[rose2012]

لا تحتكين فيهم وايد وتطولين بقعدتهم وجبي وطلعي

 

[CuTe KuwaiTia]

بالنسبة حق الاهل دايما عندي قاعدة الحمولة خلي حاجز بينج وبينهم سلام و سلام وزيارة يوم بالاسبوع اما ميانة وطلعات وعلاقات ما انصح ممكن تصير احتكاكات وانتي صح خليج كلمة ورد غطاها عامليهم على تربيتج راح ايي يوم ويعرفون قدرج

بالنسبة للزوج مثل ماقالت الاخت اتفاق و نصيحة تبين شي طلبيه من الحين لان بعدين راح يكون صعب

احسن شي التفاهم و قولي الموضوع على حب قوليله انا اشتاقلك مابيك طول الوقت برا البيت

الله يعينج ويوفقج وييسر امورج

 

[Jolyan]

بودي حبيبي
و روز
كيوت كويتيه
مشكورين حبيباتي على الرد الله يجزاكم كل خير :eh_s(7):
انا الحين قاعده اخلي علاقتي سطحيه معاهم
الله يكفيني شرهم
وراح اكلمه و احاول فيه

 

[*~زمردة~*]

علاقتج مع حمولتج خليها جداً جداً سطحية
السلام و شلونكم شخباركم
و بالنسبة لطلعاتج مع ريلج تناقشي معاه و
حددي يوم بالأسبوع عالاقل طلعتج معاه سينما غدا عشا
و الدوانيه انا بالبداية لما كان يروح يرد ٢ و أكون بروحي
بالشقة فقمت أقوله اذا بروح يوديني بيت أهلي
و طبعا يستحي يمرني متأخر فيمري عال ١٢:٣٠
و هذي كانت خطتي &#55357;&#56860;&#55357;&#56860;

 

[Jolyan]

زمرده جربت طريقتج قبل عادي عنده احيانا يأخذني اليوم الثاني اذا تاخر حيل
و احيانا يأخذني 4 الفجر وضع عادي ما يستحي الله يهديه انا الحين اذا شفته تاخر
قاعده اتجاهله عشان شوي يحس بنفسه بشوف بينفع معاه و لا لا

 

[رووح أمها]

شوفي حبيتي علاقتج خليها سطحيه مع حمواتج الله يهديهم يارب ولاتنزلين عندهم كلش واذا كلمج زوجج قولي مابي اخسرك واخسر اهلك مابي مشاكل بي خالتج اذا ماعندها احد اتزلي عندها وحاولي تشترين لها هدايا بيت فتره وفتره غلشان توقف بصفج اما سالفه السهر بالليل ترى اغلبنا نعاني من هالشي والله حاولي تدقين عليه تدلعين عليه تحسسينه انج مشتاقه له غيري روتيني بالشقه حطي سوالف شموع اغاني رقص وليتات وليزر حاولي تحطين افلام دقي عليه حني انج تخافين وتسمعين صوت لاتفكزين تروحين لاهلج سوي نفسج مسكينه انج محتاجته مالت عليهم ومالج الا الدعاء ادعية تسخير الزوج سوي بحث بقوقل وادعي له الله يهديه لج ويسخره يارب