شسويتي بأول عيد زواج لكم

[beealh]

الشهر الياي اول عيد زواج حقنا ومحتارة شنو اسوي فيدونا وعلمونا شسويتوا شريتوا شهببتوا حق رياييلكم وخلونا نستفيد من خبراتكم وانطبقها :lololoe:

 

[زوجت الشمري]

احنا تعشينا بمطعمواهداني تلفون وهديتي تفشل ساعه وعطر

 

[fofowa_q8]

سافرنا دبي وسكنا اتلانتس كان توه مبطل

وكنت حامل وناسه استانسنا

منها جهزت حق البيبي وغيرنا جو ٣ ايام

 

[دلوعة ماماتي 88]

يعطيچ العافيه ع هالمرضوع


ماادري شنوو اسوي ولا شنو اهدي زوجي

 

[كيميائيه]

انا ولدت بعيد زواجنا
قضيناه بالمستشفى لووول

 

[Aloe Vera]

شوفي انا و زوجي ما نحتفل بس بيوم ذكرى زواجنا الاول كنت نفاس لي عشر ايام و حالتي حالة كآبة و ضيقة خلق هههههه و الذكرى الرابعة و السابعة هم كانت و انا نفاس لاني اولد بنفس الشهر لووول

 

[beealh]

رفففففففففففففففففففففففففففففففففففع

 

[om fairoz]

احنا احتفلنا بفندق زوجي قالي هديتج ليلتين بفندق فقمت وجهزت شغلي من شموع وبالونات على قلوب حب والورود المضيىئه حق البانيو ...الخ ويوم دخلت الغرفه والا زوجي مسوي كيكه على صورنا بشهر العسل كانت حدها عجيبه الفكره تحسفت اني اكل الكيك لوووول المهم بعد ما اكلنا كيكتنا اقنعت زوجي انه يروح اييب لي من باسكن روبنز وبس طلع انا صرت:RoadRunner:صااااروخ اضبط الغرفه وازينها واعطرها وحطيت له هديته بوسط السرير وحوالينها ورد مجفف على شكل قلب ولمه رد تفاجأ ماتوقع اني بسوي شي بالغرفه وتم عيدزواجنا على خير

 

[شهد العسل ومر]

لا تذكريني باليوم التعيس
بعيد زواجنا الأول سويت له مفاجآه وحجزت بفندق السوفيتيل وطلبت خدمة معاريس بثو ورود بكل أرضية الغرفة باقة ورد جوري احمر كبيره عال سرير وفواكه وحلا وكيك وقهوة وفواكه وشموووع مالينه المكان والحمام شموع والبانيو ورود وشموع شئ خرافي جوووو رووعه
وجبت له هديه طقم مجموعه جسم لوشنات وهسوالف وطقم رجالي بوك كبك ميداليه وحافظة بطاقات وقلم
بس للأسف طلع هالسوالف ما تهمه عادي راح يكلم خويه ابد وجنه شاف شي وتهاوشنا وزعلت وقضيت الليله دموع وحسر وندم وهو راح ينام عادي الله يسامحه كسر قلبي والله

 

[beealh]

om fairoz انااااااااااا ودي احجز فندق احس فكره حلوه واوح ارتب كل شي قبلها بس اخاف اهوى يسويها ويحجز :/

 

[beealh]

شهد العسل ومر يلا ما عليه اهما جي الرياييل ما يهتمون حق الاشياء اللي تهمنا مهما كانت صغيره تأذينا و تجرحنا

 

[Pinky -cat]

تبين الصج نسيت هاليوم وراح من بالي نهائيا ورديت لقيت الحبيب يايب لي بوكية ورد كبير وحلو يهبل ، قلت ببالي شنو هاذا
ولا اختي تكتبلي واتس اب كل عيد زواج وانتي بخير انا هني ويهي @@

وقلت لروحي زين ما قلت شي ، بس الحلو بالموضوع اني لما تييني هدية ورد ما عمري قلت شنومناسبة لاني وايد احس
هاشي طبيعي وحلو ومفروض بكل وقت وماله وقت معين ولا مناسبة فا سكت لين قال اهوا

 

[om fairoz]

اي صح الله يعينج تحجزين ويطلع اهوا حاجز شوفي حبيبتي بيلا سوي نفسي انا قلت له خل نحجز بعيد زواجنا ونسافر قالي عندي ارتباطات ماقدر اسافر(زوجي مايحب يسافر بو يومين يحب من اسبوع وفوق) وعشان يرضيني قالي بحجز لج يومين

 

[Om_Sanad]

مم مادري لان راح اكون يا بنفاس او قريب اولد

فللاسف ما قدر اسوي شي

 

[his only]

ولاشي الله يسلمج حامل بالشهر التاسع
رد من الدوام شافني نايمه جني زومبي :krkrkr::krkrkr:
بالليل وداني الممشي
و اخر شي قبل لا اننام جان يشوف التلفون ويقول اووووه تدرين اليوم كملنا سنه متزوجين
قلت له ويييه صج الوقت يطير بسرعه ولا من شاف ولا من دري:ggdw:
لاحد يقول ليش وماليش والله واصله حدي ومالي خلق رومانسيه بس ابي اولد :eh_s(4):
بس قبل فتره كان عيد ميلاده وسويت له سبراايز وااايد حلو عاد بس خلاص كافي هذا الي عندي
ادعو لي الله يسهل علي

 

[his only]

اي سوري بس تحلطمت ما قدمت اقتراحات :$
اذا تبين شي حلو حجزي كابينه في لو نوتر يحطون لج ورد و شموع واشيا حلوه
واذا تبين بعد شي حلو
رفيجتي مره حجزت حق ريلها ليله بجميرا تقول وايد استانسو