شسم محل المواعين الي بحفر الباطن؟؟

[سبائك]

السلام عليكم


بنات شسم المحل الي هابين فيه الاوادم يروحون له بحفر الباطن مواعينه حلوه ؟؟

واي صوب صاير بالحفر؟؟

 

[بنت الاحلام]

اممم والله مدري وين صاير هذا

 

[mnoo33]

اسمه المويس ..

بس و الله مو حلوة مواعينهم ..

الزين بالرياض و جدة حتى الخبر ما فيها

 

[سبائك]

عاد يمدحون مواعينه يقولون خوش شي!!

والله ما يندرى ساعات الاوادم يبالغون الظاهر مشكورين بنات

 

[توت عنكبوت]

شلونج سبائك

اذا تبين صج شي يسوى روحي الرياض العويس شي مو طبيعي وبعد اسواق طيبة انا وصيت اختي وجابت لنفاسي الكل يسال من وين استكاين

بعدين في محل اسمه الأمل بالرياض وله فرع بالخبر بالجمعه سنتر رووووووعه بس غالي بس ما عليه كلام

الحفر دوري وسالي غيها بتلاقين انا اعرف المويس ب كاني سمعت بعد العويس

 

[[..كـــــرك..]]

شوفي اذا تبين عندج مو المويس لا في واحد مقابله هذا يهبل


هذا بالحفر تلقين اصلا المحلات يم بعض طقي لج فره وتفرجي خخخخخخخخ





بس اذا تبين للكشششششششششخه وتدفعين

عندج الرياض محل اسمه المائده موطبيعي بس مايقل عن الف

توني ماخذه طقم مطابيق بالفين

وحيــــــــــــــاج حبيبتي بأي سؤال

 

[شقرديه]

هههههههههههه عاد تو ام راده من الحفر


حبيبتي اسمه المويس وعليه طق عصي


موفقه

 

[أم شاهين 84]

مو حلو المويس صار قديم مايجيب شئ أول كان حلو اذا تبين سوق لمواعين حلو نفس مواعين المويس ومتجدد سرداب السلطان اللي في الجليب علية مواعين عجيبة

 

[سبائك]

تصدقون احترت اروح ولا مايسوى !!!!!

 

[روزالكويت]

سبوج ياقلبي اسمه المويس
تبين مواعين زينه روحي سوق قصر السلطان بالفحيحل شغله اول باول مطاطير السيف تنزل فيه ومواعينه حلوه روحي طقي فره وان شاء الله يعجبج ياقلبي

 

[[..كـــــرك..]]

لاحبيبتي سبائك روحي والله شي يستاهل واخذي سمن بعد << طلعت عن الموضوع خخخخخخخخخخخخخخخ


بس شوفي المويس مايعجبني حيل احلى منه السوق اللي مقابله اسمه الحربي <<< توني جبته من امي خخخخخخخ




روحي قبل رمضان ^_^

 

[* ورود *]

اسمه المويس وكانوا هابين فيه قبل بس صدقيني روحي قصر السلطان بالفحيحيل نفس بضاعته وأحلى بعد

واذا تبين شي حلو وراقي روحي الرياض العويس يمدحونه بس اخذي معاج ميزانية

 

[bambena]

انا واحد وياي بالدوام يقول مو المواعين يروح هناك يشتري الماجله مره بالشهر يقول الاسعار بالقاع شي مو طبيعي

 

[@عطر@]

كل المواعين اللي فيه بالكوووووووووووووووووووووووويت لا تعبين عمرك

 

[السناز]

حبيبتي اسمه المويس
وفيه واحد مقابله اسمه الحربي
وانا توني ماخذه منه مواعين رمضان
يقولون كل مواعينه بالكويت بس والله ما لقيتهم علي كثر ما افر
علي فكره فيه بعد حواج حواليه عجيب لخلطات التبييض

 

[جنون العشق]

صح قصر السلطان بالفحيحيل نفس المويس واحلي

 

[mnoo33]

حنا رحنا ابا الفيت و جبنا مواعين وهههههههههههههههههههه لقيناهم بالسوق و نفس السعر

 

[هاي مون]

نصبحه والله عن العنووووه لاترووووحووون المويييس

والله كلشي موجووود بالكوووويت واحلى بعد بس صج اللي يسووى العنوووه له اللي بالرياااض

 

[سبائك]

هونت بنات مارحت

يمكن على أيام البراد اروح اتفرج على راحتي ان شاءالله:eh_s(1):

مشكورييييييييين ما قصرتو

 

[bambena]

سبكبك روحي ايام زمان بخيطان

مارحت الصراحه بس يصيحون من الكولكشن اللي يايبه ورخيص