شسالفه العيش تكفووووون

[cheese cake 84]

أنا وحده خلاص تعبت شسالفه العيش سوا المجبوس ولا المشخول يعني سمعو المجبوس لمن يطبخ وبالضبط الماي بدا يقل اغطيه بقصدير واحطه عالحديده عقب افجه بالنص اجيك عالعيش وارد اسكره وقت النجاب يابس العيش معنه لمن جيك كان زين مافيه شي شلون يبس شالحلللللل

 

[جارة القمر]

ليش ما تنقعين العيش قبل الطباخ


واي نوع عيش تستخدمين

 

[cheese cake 84]

كنتري وانقعه والله حتي من بليل بس ماكو فايده

 

[شريت ديني ونفسي]

أنا استخدم عيش التموين ياااااااااحلاااااااته
جربيه

 

[القلب الطيب]

نفس مشكلتي

 

[جذابه بنت ذيابه]

عيش التموين روعه

او انديا قيت

شوفي يالغلا نقعيه قبل الطبخ بساعه
و حطي الماي مغلي وحطي عليه زيت و خليه شوي بعدين كتي العيش عليه
وخليه نص ساعه اذا شفتيه نضج طلعيه و ان شاء الله بيضبط مره مرتين و بعدين تتعودين

 

[أحلى همبه كويتية]

العيش انا عندي التموين ايهبل نثري ما شاء الله

انقعه بماي دافي عقب ما اغسله
نص ساعة

سواء للمشخول او المجبوس

وحرصي دايما اذ مجبوس خلي الماي اللي بتطبخين فيه حار مغلي بعدين كتي العيش فوقه
والماي يغطيه ب 1 سم بس مو اكثر عشان ما يصر لين

ولا تنسين تحطين شوية زيت مع الماي عشان ما يصير ناشف مو حلو

اول 5 دقايق اخليه على نار عالية
بس يخف الماي احط الحديدة تحت الجدر واقصر عليه


واكون منقعه ماي ورد وزعفران وهيل ناعم
عقب ما ينشف شوي ارش هالخلطة على الويه واخليه 10 دقايق بعد

وبالعافية