شسالفه؟ حمل والا دلع !

[غــلآ]

السلام عليكم



انا بقولكم اللي صار لي وانتوا قولوا لي شسالفه لاني محتاره وايد وايد وايد


انا موعد دورتي قبل اسبوع بالضبط يعني تاريخ 10/6
بنفس اليوم تحركت وايد ونزل علي دم لونه ماروني يعني غامق

وبعدها مانزل علي شي
الا شوي دم بس لما اتحرك واتعب نفسي

المهم

بعدها بيومين سويت تحليل منزلي ماكو حمل


واليوم الصبح سويت تحليل منزلي ماكو حمل بعد يعني بعد باسبوع هم ماكو حمل


فـ شسالفه

مع العلم ان فيني عوار بظهري وبطني يشبهون حيل عوار الدورة

وصدري يعورني شوي


ومع العلم اني ماخذه كلوميد الشهر اللي طاف



فـ ياليت اللي تعرف تقولي شسالفه تكفون لان مادري وين الله قاطني ههههههههههههه

والله يوفق الجميع يارب

 

[j.style]

ما ادري بس مايبان الحمل الا اذا كمل شهر واكثر.

 

[غــلآ]

تتوقعين جذي؟؟

اذا حسبناها من موعد اخر دوره لي
بيكون لي الحين 5 اسابيع

يعني توني امس داشه الاسبوع الخامس
هذا لو كنت حامل



والله مادري والله اعلم


مشكوره حياتي على المرور

 

[دلع حياتي]

الافضل تحليل الدم يبان على طول ممكن يكون حمل وان شاء الله تبشرينا

 

[مناوووي]

ياااااااااااااااااااارب حامل

 

[_ظل الياسمين _]

حللى فى المختبر واقطعى الشك باليقين وباذن الله حامل.

 

[غــلآ]

ان شاء الله يارب حامل

والله يسمع منكم


والخيره فيما يختاره الله طبعا والحمدلله على كل حال سواء حامل والا لا ..



بس المقصد في السالفه كلها


هل ممكن ان يكون التحليل المنزلي غلط؟

يعني في وحده منكم حللت منزلي والنتيجه سلبيه وطلعت حامل ؟

 

[جذابه بنت ذيابه]

حببيتي


اختي الله يرجعها بالسلامه كنت تسوي تحليل منزلي ومايبين معاها

تخيلي شهر ونص و مابين بالمنزلي


لين سوت تحليل دم


سوي بالمختبر



تحليل هرمون الحمل وان شاء الله حااامل

 

[مرام النور]

اسهل سيء الاختبار حللي بالمختبر

 

[جنا القمر]

يارب انك حامل وانا مثلك متاخره اسبوعين ولما اجهدت نفسي ينزل دم واحلل منزلي ومافيه
وان شاء الله ربي مايخيب رجانا ونبشر بعض بالحمل وكل من تمنى الضنا وطمنيني عنك

 

[مرام النور]

اسهل سيء الاختبار حللي بالمختبر

 

[Ms.Roon]

عيل انا اول مره وحسيت اختبار منزلي طلع لي موحامل
ويوم ثاني سويت طلع ل حامل
ولمه سويت تحليل دم طلع احتمال حمل
ما ادري شسالفه
حتا لمه رحت الطبيب الحمل عندي ابين بالبول تكرمون اكثر من الدم !! مو المفروض العكس ؟؟

 

[آجمل نسآء آلدنيآ]

حللي دم عشــان تتـأكدين اكثر و تتطمنــين ..

و ان شــاءاللـه مايكـون ..دلـع

آللــه يرزقـج بالذريـه الصـالحه *_*​

 

[++The DuchesS++]

انا نفسج بحملي هذا تميت اكثر من 3 اسابيع يالله بين حمل
والتبويض عندي كان ملخبط عندي بنفس الشهر سبحان الله

 

[اخصائيه نفسيه@]

ما اظن انج حامل لان البول يبين قبلها بيوم بعد

و انتي ذكرتي انج كنتي ماخذه كلوميد الشهر الي طاااااااف كلوميد يسبب تاخر الدوره
ساليني انا تاخرت علي 20يوم بسبت هالكلوميد عقب ما وقفته لان تاثير الكلوميد مو بس بنفس الشهر الي تاخذينه لا بعد ياثر عقبها

الله يرزقج و بشرينا بحمالج يا الغلا

 

[كويتيه مذهله 87]

علي فكره انا حللت دم كانت متاخره علي 5 تيام ومابين الحمل

خليتها تولي بعدين صار لي 15 يوم من تاخيرها يالله بين

قومي لبسي عباتج وحلللي دم هرمووني يبين بسرعه

 

[NauGhty nuRse]

ماعندج الااااااا تحليل الدم

 

[Miss Golden]

تحليل الدم أضبط و أدق..

بشرينا عقبها

 

[كويتية 86]

سوي تحليل دم =)

 

[ام فوااز]

حللي دم اضبط
وقطغي الشك باليقين