شسالفة هالمعرس؟؟؟؟

[toota ali]

مساء الخير

بنات انا تقدملي شخص وقعدت معاه وتكلمنا ووافقنا احنا الاثنين
ويوم اليمعه كان قص المهر واتفقنا على المهر والملجه وكل شي
واليوم امه داقه تقول الولد بيقعد مع ابو البنت مره ثانيه وبيقعد مع البنت بيدرس اخلاقها
شسالفه وين قاعدين ؟؟؟؟؟؟؟؟؟؟؟:bbbiu:

مقهوره جان قال هالحجي قبل قص المهر ولا بيحرجني مع الاوادم ويقول والله ما عجبتني
كنت عمي بالاول ولا ما تشوف اهم شي بيدرس اخلاقها بيكمل دراسته على عندي ولا شنو
دام تبي جذي روح تعرف على وحده وادرس اخلاقها عدل بعدين تزوج

انا اللي اعرفه الزواج خطبه وملجه وخلال فتره الملجه يتعرفون على بعض مو هذا بيقعد معاي مره ولا مرتين بيعرف شخصيتي واخلاقي حجي فااااااااااااااااااااااضي:rgewrg:


متنرفزه شسوي شورو علي :eh_s(2):
اقعد معاه عادي ولا شنو ؟؟ تتوقعون ليش طلب يشوفني ويقعد مع ابوي بعد؟؟

 

[لمى الهاجري]

اذا يبي يدرس اخلاقج على الاقل يتصل فيج تليفون يكلمج يتناقش معاش بالامور بس شحقه يقعد مع ابوش شوفي قعدي معاه يمكن في اساله يبي يساله لج

 

[toota ali]

قعدت معاه مره وتكلمنا بس الحين طالب يقعد معاي اكثر من مره قبل الملجه شسالفه !!!!
انا وافقت اشوفه مره بس اذا طلبها مره ثانيه بقوله الله وياك

 

[سفييره الكويت]

مو قلنا من الاول لازم خطبه السالفه مو سالفه يعجبني وتعجبه ويقوم يتزوج بعدها لا سمح الله طلاق لازم في انسجام بين الاثنين

وتبادل الاعجاب والمصارحه يسمع عن حياتها وتسمع عن حياته مباشره من بعض وهالشي يبيله فتره مو اقل من 6 اشهر مو مشكله يقعد معاها بنفس البيت ..مثل مايصير بمصر والدول الاخرى اما احنا اسمحولي

خرطي ونسب الطلاق المرتفعه خير دليل الزواج مقدس لازم مو زوجين بالاسم بس

وكلنا متفقين الشكل مو مقياس..!

يمكن الريال مواصفاته هادي وحبوب ومايحب يتكلم وايد ورومانسي

وللي يتزوجها لسانها طويل وتضحك بصوت عالي واخلاق زيرو وماتحشم احد ومافيها رومانسيه

او العكس

ساعتها تنعفس حياته ويتمنى انه ماتزوج..



بالنسبه لج خليه يقعد مره ثانيه معاج وشوفي شنو وده يعرف عنج..

 

[سويت فانيلا]

اااااااااب

 

[amami al-kuwai]

انا بصراحه معاج هو مو قعد معاج قبل هالمره واتفقتو على كل شي

فترة الخطبه او مابعد الملجه انا من ناحيتي افضلها طويله علشان تكون فيها دراسه الاخلاق

مو قبل الملجه وقبل لايكون كل شي رسمي

 

[المرتاحة]

أختي ترى من ناحيه شرعية له الحق يشوفج مؤ بس مره بالخطبه له الحق يشوفج حتى لو عشر مرات او اكثر بس طبعا بضوابط شرعيه، بس هذا تقولين قص المهر وخلص واللي يقهر يقول بيشوف اخلاقج صج يحر!! شوفي الوالد شنو رايه لانه ابخص فيه وان شا الله خير

 

[قلبي وينك]

والله ما ادري شاقولج يعنى لو كان قال ابي اقعد معاها نتفاهم احسن ما يقول بقعد معاها علشان ادرس اخلاقها شو وين قاعدين بمدرسه ولا بقاعة امتحانات بيمتحنج ويعطى النتيجه

 

[أغلى من العقد]

يمكن خانه التعبير
موفقه حبوبه

 

[Patcholli]

من حقه حبيبتي وطالما انتي واثقه من روحج ليش متظايقه بالعكس قولي انا بعد ابي اعرف اخلاقه اكثر وهالشي لمصلحتج احسن ماتتحسفين بعدين وتقولين جان زين عرفته قبل الملجه ويطيح الفاس بالراس

 

[مهندسة الابيات]

والله حياتي هو شافج وقعد معاج ماله داعي يشوفج مره ثانية
هذا رايي الشخصي

 

[فطوم 84]

حبيبتي هذا متردد حتي لوقص المهر متردد واضح يبي يقعد معاج مره ثانيه عشان يمسك زله عليج ويقول ماابيها خلاص حبيبتي تاكدي منه وسالفه ادرس اخلاقج وقفيه عند حده لاتقعدين معاه لماتخلينه بالاول يكلم ابوج وتتاكدين انه يبي ومتاكد ومو متردد انا اقولج عن تجربة وحده اعرفها تقدم ودفع المهر ومشت الامور والولد كان متردد بعدين قال بقعد معاها وبعدها دق علي ابوها وقال مابي وردوا مهري"تخيلي ابو البنت قال للولد تعال البيت ولما جا قط المهر بوجه الولد وقال انته موريال اذلف برا فانا اقولج نصيحه قبل لاتنحطين بموقف محرج واحنا بنات ادري هالامور حساسه والزم ماعلينا كرامتنا تاكدي خلي ابوج يتاكد انه معزم وناوي ومومتردد بعدها شوفي نفسج اذا بتاقبلينه والله يوفقج وييسر امورج ويرزقج الزوج الصالح اللهم امين

 

[بطوووطة$بيضة]

حبيبتي عادي احنا عندنا اذا اتفقوا على كل شي الاهل واتحددت الملجة يقعدون مع بعض علشان يعرفون بعض زيادة
مادري ليش مكبرة الموضوع

معنه المفروض انتي اللي تطلبين هالشي يعني بس مرة وحدة شفتيه وخلاص بصير ريلج!!!!!

 

[دلع العتبان]

لا شالحجي والله عيب دامه قعد معاج قبل الملجه الشوفه الشرعيه خلاص ياامي الرجال يعرف من النظره شنو البنت هذولا شنو مترددين


انصحج انتي تستخيرين اكثر من مره لعل الله يبي يفكج منه بشي عارض شدراج بالقسمه والخيره


جايز لو مايقعد معاج هالقعده الا طلبها ماتصير الخيره لج باي شي هاذي فايده الاستخاره حياتي


ربي يوفقج

 

[مزاج عنزيه]

،'




الله يوفقج وإيسسر آمرج ويسهله إن شاء الله ؛ وبصرآحه

ماآعرف بهآلشي لآن ماعندنا هآلسآلفه وآقعد معاه قبل

لآ آخذه وجذي ، عالعمووم يمكن نفس مااقالوا البنات

حاب يتعرف عليج اكثر وموقصده يحرجج آو آي

شي ثاني ... الله يهنيج ويكتب لج اللي فيه آلخير



مــوووفقــه . . . *










​

 

[قمر بيت أبوها]

بصرآآآآآحه من كلمة بأدرس أخلاقها كفايه
عيب الرجال يطق باب الناس ويطلب بنتهم عقب يقول بادرس اخلاقه
اخلاقها من اخلاق اهلها
كلمته قوووويه بحقك
لو قال بتفاهم معاها علي الزواج والبيت وبحظور اهلك وش المانع من حقه ومن حقك
بس بادرس اخلاقها كلمه مؤلمه الله يعينك يالغلا ويعوضك خير منه

 

[غراوي]

ابوي شرايه بالموضوع
يعني مفروض ابوج يقوله انت قعدت مع البنت وخلاص
كافي انه شاف شكلج وتكلمتي معاج

زمن العجايب

 

[كويتية خجولة]

غرريبه طلبه شنو ادرس اخلاقها مادري ابووج يحل الموضوع وانشالله خيرر.

 

[ReeM ^ Style]

الصراحه كلمته قويه شنو يعني بدرس اخلاقها ؟
وحاضرته قبل لايطق الباب مو عارف البيت اللي بيخطب منه

الصراحه اذا بدايتها جذي
الله يعينج
فكري عدل حبيبتي

 

[toota ali]

اصلا انا من قال بقعد معاها مره ثانيه وانا قلبي ناغزني واحس بضيقه لان كان المفروض يقولها قبل قص المهر وقبل لا الناس تدري عن الخطبه احسها مو حلوه بحقي وحييل متضايقه
قلت حق امي خل تكلم ام الولد وتقوله اذا ولدج متردد الله معاه انا مو قاطه نفسي على احد
تخيلوا داقه على امي تقولها لا تحجزين الصاله ويمكن يتغير وقت الملجه @@
شساااااااااااااااااالفه!!!!!!!!!!!!!!!!!!
بس ارد اقول الله يكتب لي اللي فيه الخير

مشكورين فديتكم وان شاءالله بوافيكم باخر الاخبار ^_^