شسالفة الطق فى المدارس!!!

[hadeel111]

ولدى اولى ابتدائى يوميا يشكى من جميع المدرسات يطقونه! وجميع من بالصف معاه!ويوميا !

يطقونهم لما يبجون!بجميع الوسائل !بالعصا ..بالكتب ..على روسهم..بالدز.. اللى تبون ب

الشتم !!

والله احترت معاهم ...كلمت الابلات ...الوكيلات ...ماكو فايده ..ولدى يكره المدرسه ويروح بالغصب..

 

[أم عبووووود]

وين قاعدين ؟؟؟

ولدج اي مدرسة ؟؟

ليش بس ولدج ؟؟؟

 

[hadeel111]

والله مو بس ولدى ,
كل الصف ......حكومه الجهرا.....!

 

[أم عبووووود]

مايصير اشتكوا بالمنطقة حراام عليهم اليهال بعدين يكرهون المدرسة والدراسة

حسبي الله عليهم من مدرسة فاشلة

وين ابوه ؟؟

خل ابوه يروح المدرسة ويعفسها على راسهم والله يتعقدون اليهال هم بدون طق يالله يدرسون هالمرة بطق

الله يعينج

 

[hadeel111]

ام عبوووود حبيبتى مشكوره على الافاده ...ابوه صعبه اكلمه لانا منفصلين.

 

[hadeel111]

الوكيلات جدامى يقولون للمدرسات ممنوع الضرب من الوزاره ...ماكو فايده

وكذا مره بشوف الناظره يقولون طالعه!وولدى يشكى يقول الصبيان كله طق حتى بالاقلام والسجين..والله

احترت!

 

[**روان**]

روحي المنطقه التعليميه ... اشتكي عليهم =)

 

[**روان**]

اها .. مالج الا تنقلين ولدج :\

 

[hadeel111]

المشكله ان المدرسات والاداره احسهم يمكن يحطون على ولدى اذا كبرت الموضوع...ورحت المنطقه

التعليميه او الوزاره!

 

[hadeel111]

مشكوره روان يمكن ادور نقل ..بس ما اعرف اى مدرسه ما فيها طق!

 

[hadeel111]

اللى باط جبدى انهم فى ارقى منطقه بالجهرا القديمه!
شى يحزن ..شنو

تعلموا فى كليه التربيه!

 

[صوتك امانة]

حبيبتي لاتسكتين لهم

 

[صوتك امانة]

شوفي الخوات عطوج كذا حل لاتضيعين ولدج حرام

 

[hadeel111]

صوتك امانه مشكوره ياقلبى

المشكله مو خاصه بولدى بس ...خاصه بالنظام كله من الناظره , المديره, للاسف يتواطئون مع المدرسات

كله قعدات شاى الضحى ومجاملات وسوالف..

 

[om al ghaleen]

حبيبتي مالج الاتنقلنيه

بنت خالي مدرسه مستجده هناك وووايد تشتكي من الطلبه تقول شطانه مو طبيعيه
وعندهم سجاجين بعد !!
يامعود عند ولدي يقعد بالبيت ولا ينحرف ببسم الله عليه


نقليه وتوكلي على الله
لانه هناك لاحيااه لمن تنادي

 

[hadeel111]

am al qaleen...صاجه ولدى يقول بالفرصه الصبيان يتهاوشون بالاقلام والسجاجين ..


الله كريم اشوف مدرسه سنعه ...

 

[عمري الكويت]

حبيبتي انا ولد رفيجيت المدرسه طاقته في مسطره حديد على عينه طلعت في الجرايد في مدرسة عبد العزيز الرشيد راحت رفيجيتي المدرسه وعفستهم غير ابوه بعد وشاتكت على المدرسه الي طاقته على عينه طلعت صورته في الجرايد الياهل إلى عينه زرقه من طقه وراحت تربيه وأشتكت عليه ما سكت على حق ولدها يعني على قولتها تقول لو ان عين ولدي راحت منو بيعوظني بس الله ستر على عين الولد

 

[hadeel111]

مشكوره عمرى الكويت ...

 

[miamy]

لا تخلين ولدج من صجج

شكو ينطق!!!!

روحي كلميهم ضروري

 

[hadeel111]

مشكوره عزيزتى ميامى