شسالفة الضرايب والتاكس بلندن

[ArEEj]

سوري بس ما عندى اى معلومات عنها
يعنى انا شريت شغلات من هاروردز والسيلفرج غاليه
يردون لي شي يعنى ؟؟ ووين استلمهم ؟ صج بالمطار !
زين يعنى لازم احتفظ بفواتير كلش شي شريته ؟؟ يا حسره ما ادري اذا عندى شي منهم !!

ارجو من البنات الخبره بهالموضوع يفهمونى كل شي بالتفصيل الملل

 

[$$ ام فهد $$]

شوفي حبيبتي اريج

اذا شريتي اي شغلة من اي محل احتفظي بالفواتير وقبل السفرة بيومين روحي حق المحلات الي شريتي منهم وعندهم مكاتب التاكس فري

وعطيهم الفواتيرالخاصة فيهم ويسوون لج الاوراق ويعطونج فورمات صغيرة وبعدين روحي حق باجي المحلات وتسوين نفس الشغلة وبعدين اذا رجعتي الفندق كتبي

الفورمات في مكان للاسم ورقم الجواز والبلد والعنوان يعني اشياء بسيطة واذا رحتي المطار اكو مكتب التاكس فري تروحين وتعطينهم الاوراق

ويرجعون الفلوس اهي لها حسبة خاصة تلقينها باخر الفاتورة

وان شاءالله اكون عطيتج المعلومة كاملة

 

[البنوسه]

ايه صح كلام ام فهد
وترى يطلع مبلغ محترم موشويه وهم على حسب مشترياتج بس جنه ملابس الاطفال والاكل ماعليه تاكس

 

[زلابيا]

مثل ما قالتلج ام فهد ..

بس روحوا المطار مبجر عشان تخلصون من سالفة التاكس فري .. وادعي ربج ان يكونون هينين لينين معاكم ..

قبل سنتين تنحر مع امي وقالها الا توريني الاغراض اللي شاريتهم بشوف وبتأكد قالتله شلووون دخلنا الجناط الطياره قال عيل ماكو !! مسكينه وصارلها ساعتين واقفه وتنطر وآخر شي ما رجعلنا ولا فلس حسبي الله عليه

 

[ArEEj]

رد : شسالفة الضرايب والتاكس بلندن

مشكوره ام فهد يعطيج العافيه ع التوضيح
مشكورين البنوسه - زلابيا

بس سالفه هذي شيرجعني لكل المحلات اللى شريت منهم قصه طويله
ما يعتمدون الفواتير بس !!

 

[زلابيا]

ما اتوقع

المحلات القريبه منج واللي انتي شاريه اب مبالغ كبيره هذي روحيلها

 

[$$ ام فهد $$]

رد: رد : شسالفة الضرايب والتاكس بلندن

مشكوره ام فهد يعطيج العافيه ع التوضيح
مشكورين البنوسه - زلابيا

بس سالفه هذي شيرجعني لكل المحلات اللى شريت منهم قصه طويله
ما يعتمدون الفواتير بس !!

حبيبتي تستاهلين انا بالخدمة

لا طبعا ما يعتمدون الفواتير لازم الفورمات وترى ماتاخذ منج وقت روحي الصبح مبجر وتخلصين بسرعة

 

[الفخر كله]

اب اب اب اب

 

[om l3yal]

حسافة تتهاونون فيها انا طلع لي مبلغ وااااايد محترم قريب ال 1000 باوند الصراحة تستاهل

 

[addict to me]

اذا شريتي من محل وضمنتي انج ماترجعين له سوي التاكس بنفس الوقت

والمحلات الي رايحه راده عليها مثل الاوكسفورد خليها باخر يوم

واحسن شي روحي المطار مبجر ومعاج الاظرف والجواز وبطاقه البنك وجنطه السفر عشان مايشون انه ما معاج جنطه ويوهقونج

وبعدها توكلي ودي جنطتج

 

[miss_jamsheer]

رد : شسالفة الضرايب والتاكس بلندن

اي اي انا توني راده من اوروبا يعطونج تاكس فري بالمطار وانتي تسوين تذكرتج حق الطياره بدخلين جناطج يقولج عندج تاكس فري بس اتوقع لازم تشترين بمبلغ معين يالله يعطونج التاكس فري بس احنا ماندري عبالنا بس بمطار مينوخ احنا ردينا من مطار فيينا فماعملنا حسابنا خليناهم بالجنطه وماخذينا

 

[ArEEj]

رد : شسالفة الضرايب والتاكس بلندن

يعطيكم العافيه جميعا
اذا جذي ع قولتكم اخليها اخر شي والله يعيني ع الفراره عليهم

 

[جوري 2007]

مواي مبلغ عليه تاكس فري لازم مبلغ معين

يعني اذا شارية بمبلغ بسيط لاتضيعين الوقت وتروحين لهم

روحي حق اللي شريتي منهم بمبلغ وقدره

انا توني رادة من باريس وماشافوا الاغراض بالمطار

اصلا ولامطار من الدير اللي رحت لهم طلبوا يشوفون الاغراض بس اسمع من رفيجاتي والاهل ان بعضهم يتليعنون لازم يشوفون الاغراض

فاحسن لج حطي اغر اض التاكس فري بجنطة بروح

 

[BaiTotia]

رد : شسالفة الضرايب والتاكس بلندن

المحلات الضخمة مثل سلفرج و هارودز تيمعين الفواتير وتالي تسوين التاكس بالمكان الخاص عندهم (لكن ال في وشانيل تسوين التاكس بالبارت الخاص فيه بالمجمع مو مع المجموعة)

أما المحلات الصغيرة اللي برا مثلا رايحة بوتيك لا سوي بنفس الوقت التاكس لا تنطرين تيمعين يمكن مارجعتيله حرام يطوف عليج

وقبل لا تروحين المطار عبي البيانات المطلوبة لتوفير الوقت

بس المطار روحي قبل مبجر مو حده حده يعني مثلا طيارتكم الساعة 10 روحي 6 خصوصا بالصيف يوصل الطابور برا المطار! بتلوع جبدج

ولا تسوين جك آوت إلا بعد ماتشوف جناطج ولا ماكو بيزات والصراحة حرام يطيح بجبدهم

 

[BaiTotia]

رد : شسالفة الضرايب والتاكس بلندن

جوري يتليعن إذا كان فاااااااااااااضي ماكو أحد سووها معاي بلندن وبدولة أوروبية ثانية

ومرة زحمة بس طلب يشوف جنطتي بكبرها ماقال بطلوا بشوف شي شي

صج ريتاج إذا إنتي عالبريطانية ترا ماكو زحمة عالتاكس يدلعونهم

 

[مناوى 99]

رد : شسالفة الضرايب والتاكس بلندن

عيل احنا لعبو بحسبتنا الالمان

حسبى الله عليهم
نفوسهم قشششره عمى بعينهم

 

[LA TROO7]

بلندن يحسبون الفاتورة اللي فوق ال50 باوند بس وملابس الاطفقال والاكل ماعليهم تاكس فري

 

[Purple Occasion]

رد : شسالفة الضرايب والتاكس بلندن

اي حبوبه
جمعي الفواتير واستمارات التاكس
وعبيه وبالمطار سلميه ينزل كل شى بحسابج
لان التاكس للمواطنين بس وياخذونه على الزرع او نظافه المحل او الشارع او غيره وانتى من سياحه
شفتى النظام الاجنبي شلون راقي؟؟؟؟؟

بالتوفيق

 

[السحر؛؛؛الحلال]

إذغ كانت الشغله فوق ال50 باوند يطلع لج عليها تاكس بس لما تروحين للمكتب لازم يسألج عن تاريخ العوده للكويت ولازم يكون أكيد
إحنا شرينا من هارودز وسلفرج وشارع بوند(أعتقد إسمه جذيه) بس بهذلونا بالطلبات وعفنا الشغله كلها.