شسالفة الحريم بالواتس اب

[ليدي دانة]

السلام عليكم ........................................


بدخل بالموضوع على طول .....

انا مستغربة من بعض الحريم الله يهديهم .بالقروبات الواتس اب تطرش صورتها
لابسه بدلة عرس وطبعا خاشة وجهها او تطرش صورة للرجولها على اساس
تراويج نقش حنتها وعادي عندها تصور ليركبتها ..... وغير شعرها وجتفها
ومرة صورة لعيونها ومرة حلجها تراوينا حمرتها شبقى مابقى غير وجهها ....
وغير جذي تكون ام عيال ومحتشمة بلبسها الله المستعان .... والاحتشام يكون بالسر والعلانيه
وعشان جذي ماتحملت وطلعت من القروبات واتا اقولهم مايصير جذي
تنتشر صوركم وهم عندهم عادي أنا أشووف انها مشكله وانتوا شرايكم ؟؟؟؟؟؟؟؟؟
انااتكلم عن رفيجاتي بالقروب وما أعمم على كل الحريم

 

[Tom ♥ Jerry]

.


الصراحه عادي ما اشوف في مشكله !!

اذا كان القروب كلا بنات رفيجاتج او بنات عماتج او بنات خالاتج يعني من الاهل
ليش ما تدزين صورج :| ؟؟!
انا عندي قروب بنات عماتي كل وحده تدز صورها عادي
> شدعوة ثقققه ترا خو اهل

بس اذا قروب بنات ما تعرفينهم ..
مثلا قروب منتدى كويتيات او اي شي ثاني
اكيد لا


​

 

[قدسآؤيه قمر]

مممع تووم جيري هههههههه صح كلامها


بس في بعضض الحريم مجنن = البنات صاروا اعقل منهم الله يكمل عقوول الحريم لوووول

 

[ترانيم القصيم]

صح كلامك ,, و نشر الصور الشخصية خاطئ بالمرّة ,,

اتقن الله في أعراضكن يا بنات ,,

 

[طـير7]

انا ضد الصور بالنقال بشكل عام

يمكن التليفون ضاع...يمكن اخترب

ماتضمنين تحطين صورج بالتليفون وغير جذي الايفون يقدرون ببعض البرامج يخترقون جهازج ويشوفون اللي فيه كله

مرت ولد عمي انكسرت شاشة جهازها موقادره توديه التصليح لانه حاطه خلفيه الشاشه صورتها بعرسها واذا بيبطلون الجهاز بتطلع الصوره


بنات الحين التكنلوجيا تتطور ومانضمن هالتليفونات

 

[زهرة الفردوس]

الله يهديهم وينور بصيرتهم

 

[روح مووود]

مع ترانيم بقووووووووووووووووووووووه
حرام هذا عيب صور النساء تكون فى الجوال

 

[beauty rose]

انا بعد ماحب اصور نفسي بتلفوني
اخاف يضيع ولا احد يفتحه وانا مادري

و الحين بعد في ميزة آي كلاود ينخاف منها ما تدرين صورج وين تروح و تتخزن عند منو

يسلمو عالمموووضوع

 

[نهى الأحمد]

الله يهدي الجميع

مو غلط انه الانسان يكون حريص وخصوصا من ناحية الصور الشخصية مهما كانت

جزاك الله خير حبيبتي

 

[‏ڝڋٸ ٵڸڪٿہـآڻ]

أنا ضد هالتصوير بعد خاصه صور العرض اللي بالبلاك بيري صراحه اشوف اشياء عجيبه بعضهم يصوررون وجهيهم كأنهم بيطلعون بطاقه مدنيه هههههه وليت الصورة زينة الحمدلله والشكر >> اللي ضايفيني من المنتدى في البلاك ويحطون صورهم صدقوني ماأقصدكم سوو نفسكم ماشفتو هالرد خخخخخخخخخ
يسسلمووو عالموووضوع

 

[سوسو حبيبتى]

امممم

كل واحد ورايه وانا اشوف ان عادي ابعت صورة بس اكون فيها متحشمه واكيد لواحدة ثقه

وبعد ماابعتها بطلب منها تمسحها عشان لو تليفونها ضاع والا وقع فى ايد راجل من اهلها

اما ابعت بفستان عرس وعريانه مثلا اكيييد هااكون انسانه مش وااعيه لو حابه اوريها فستاني اصورة بدون مالبسه

ولو حابه اوريها تسريحه شعري اوريها واقول امسحيها

وشكرا ع الموضوع

 

[شادن33]

انا اخاف من هالسوالف
ومرات حتى الشعر واللريل اللي فيها حنه فتنه
وما تدرين يمكن اتسوي لها كوبي
واذا كان قروب عائلي عااااادي

 

[الزورق222]

ضد هذى التصرفات مالها داعى ..قروبى فى الوتس اب مجرد ردود او سوالف وحش احياناا بعض الفيديوهات الهادفة ..

 

[روانتي 12]

سلام عليكم . .

فعلآ معاج حق . . حتى لو بنت خالتي او بنت خالي او بنت عمتي . . ما أرسل لهم انا شنو يضمني ان محد بيشوف صوري . . يمكن اخوها ابوها ولدها يلقون الموبايل و يفتحونه ويشوفون . . عاد حزتها ماكو حل !

 

[أريد حلا]

انا بالبي بي عادي احط صورتي بالعرض بس ما ارسلها لاحد اما الواتس اب مستحيل بس اختي ونادر ارسل لها

لان حتا موظفين الاتصالات يقدرون يتطمشون عالصور ترا ديروا بالكم في موظف يسولف حق اخوه لا وقبل وسائط مو برنامج الكل مشارك فيه
مهم يقول مره متصله تبي تشوف ليش صوره ما تندز ولا يروح يدش عالصوره ولا دازه مكان حساس بجسمها استغفرالله ياربي
فما بالكم واتس اب القرقيعان

الله يستر عالجميع يارب وحسبي الله ونعم الوكيل في اللي ما يخافون الله

 

[قنــــــــــوت]

الصور مالها داعي اطلاقا ....

انا كنت اطرش واستقبل عادي ...


وقبل ايام طلع مهندس كويتي على قناة اليوم ... مع الوشيحي ...


يقول ان برنامج الواتس اب فيه ثغرات كبيره وكل شي يندز عبر البرنامج ممكن ينشاف ويتخزن من شركات الاتصال ..

سواء صور او فيديو او حتي روابط ...

وقال ان في ...حال الضرر ...ممكن الشركات تطلع كل شي بطلب رسمي من المباحث ..

يعني ديروا بالكم يابنات ...

والله يستر عالجميع ..

 

[Patcholli]

انا اساسا ماصور روحي بالتلفون واكره التصوير بس بالنسبه للي يصورون اشوفه عادي اذا الناس ثقه

يعني قروب اهلي عادي شبيسوون بصوري ؟؟

 

[ناتشوو]

فعلا مشكلة لو انباق الجهاز او ضاع
واللي يبوق يسوي كل شي
ماتدرين
الا وحدة مخلية صورتج الشخصية صورة رمزية لها بتويتر

و انا من ايام نوكيا ضد الوحدة تصور نفسها بالجهاز وتحتفظ فيهم ماينضمن

 

[القلب الطيب]

صح كلامك ,, و نشر الصور الشخصية غلط بغلط

 

[PuPa^^SWeeT]

انا اصور قبل


بس ما ادز لحد



بس حاليا لأ


انباق مرة موبايلي


و حاولو يشيلون الكرت و كان عليه باسوورد

و اضطروو انهم يردونه السكيورتي


يوم وصلنا قالولنا هذا مو بايلج



ولا اشوف انه محاولين يشغلون الباسوورد مرتين والمرة الثالثة كان بيقفل الجهاز



فا حلف علي ريلي اني ما اصور مفسي خير شر



الا بشيلتي



وطبعا الصور بالشيلة مو حلوة وايد



فا ما قمت اصور