شسالفة الابلة العصبية اللي بالروضة ؟؟؟؟

[@ الرسامة @]

السلام عليكم ابلاتي



انا ولدي بسنة ثانية روضة وولدي من النوع العاجل والمؤدب بشكل كبير


يعني من النوع اللي يريح الابلة يسمع كلامها وخلوق
يعني اذا الابلة قالت كلمة يسمع كلامها حتى لو طلبت منه انه مايتكلم فعنده ان المفروض مايتكلم طول النهار


والله ولدي حبيبي يكسر خاطري من كثر ما اهو مثالي



اللي صاير انه دايم يقولي ان الابلة العصبية كله اتصرخ واحنا انخاف من صراخها

سالته انت شيطان ؟؟؟ قالي لاء بس اهي كله اتصرخ !!!!!!!!!!



لنزين شسمها ؟؟؟؟


يرد ويقول الابلة العصبية ؟؟؟؟؟؟؟؟؟؟؟؟؟؟

وكل يوم على هالكلمة


!!!!!!!!!!!!!!!!!!!!!!!




انزين ليش عاد ؟؟؟؟؟؟؟؟؟؟؟؟


ترى حتى انا مدرسة واعرف ان الطلبة ومهنة التدريس مهنة صعبة


بس بالروضة يبيلهم معاملة خاصة خصوصا ان اليهال بهالمرحلة طالعين من احضان امهاتهم

المفروض ان المعلمة تسولف وتبتسم بوجهم مو تصرخ

ميخالف انا كمعلمة ممكن اتنرفز بس عاد مو شهر كامل وانا اصرخ على اليهال





ممكن يا ابلاتنا تقوقون لي شسوي معاها ؟؟؟؟؟؟؟؟؟؟؟؟؟؟؟

 

[^ليلاس^]

يمكن اهيا تعصب عالاطفال الشياطين وولدج خاف منها

بس مادري شرايج تكلمين ابلة الصف نفسها؟

 

[زلابيا]

يمكن ينادون ابله من صف ثاني عشان تصارخ على الشياطين ومايعرفون شسمها بس يدرون انها الابله العصبيه

 

[أحلى همبه كويتية]

ينوواستخفوا المدرسات على عيال الناس
بس لو ولدها كان شفتيها تلعلع ولسانها اشطوله

 

[fofowa_q8]

لازم تروحين الروضه وتكلمين ابلة الصف عشان ولدج مايكره الروضه

خصوصا انه عاجل وهادي حرااام

 

[روحي رياضية]

مممممممممم .. والله اذا اعيالها مثل اعيالي بالصف ما ألومها تصرخ ..

بس آنا اظن مثل اختي ليلاس .. انها تصرخ ع الشياطين وولدج يخاف ..

فالحل لازم تكلمينها عن حالة ولدج .. وان شاء الله ما تقصر ..

 

[Galaty]

والله الصراحه اختي مادري شقولج.. انا مااصرخ عالياهال بس صارلي موقف شخصي
ولد اختي كان معاي بنفس المدرسه... وماشالله نززززززززززززززززغه اشوفه بالمدرسه شيطان..
وبالبيت امه كله تقول ان هادي وعاجل وماياذي احد مثلا" ولدي سوا جذيييييييي لا مستحيل ولدي عاجل"
يعني انا بتبلى عليه مثلا؟؟ لما يكون مع ربعه يستخف... اهاوشه ساعات واقوله اقعد عاجل بس لان يمون علي مايسمع الكلام
فا اختي انتي كلمي المدرسه وخلي ولدج يوريج اياها وشوفي شنو الموضوع
والصراحه ساعات الياهال حتى العصبيه مايفيد وياهم جم مره تيني البجيه والله لوول :\ الله يعين بس

 

[@ الرسامة @]

مشكورين على الرد والتفاعل بس انا متاكدة من ان وليدي حيل عاجل وبشهادة ابلاته ان حيل مؤدب وهادي وحتى الاخصائية تعرفه عدل من هدوئه وادبه


وفيه شي ثاني امس ولدي مطيحه ياهل ومعور ايد ولدي ومسكين طالع من المدرسة بدمه اشدعوة مافي ابلة تمسح ايده او حتى عندها صندوق للاسعافات الاولية


والشي اللي يبط الجبد ان باجر عندهم حفلة بمناسبة اسبوع التخضير وانا والله ماقصرت سويت له لوحات فنية طول النهار وانا امس اشتغل فيهم وطرشتهم واليوم حبيبت استفسر عن مدة الحفلة اللي اعرفه ان من الساعة عشر الصبح بس لي متى ما ادري فدقيت عليهم علشان اعرف ردت علي وحدة من السكرتيرات والله اشوي واتطقني اسلوبها بمنتهى الحقارة وقلة الادب 0000000000 انزين اذا مالج خلق اتردين ليش شلتي التلفون 00000 اسالها واقولها انا موظفة ولازم انسق مع دوامي علشان اطلع ابي اعرف وقت الحفلة شكثر راح اتطولون

اترد واتقول لي ليش احنا قلنا لكم الساعة عشر بعد اشتبون
0000000000000 ؟؟؟؟؟؟

اقولها راح اخذ ولدي عقب الحفلة


اتقول والله مايندرى وتضحك وتستهزاء 000000000000000وتكلمني جني ياهل عندها وما افتهم ؟؟؟؟؟؟؟؟؟؟؟




والله لو انها جدامي جان مصعت ارقبتها خل تحمد ربها اني اكلها من ورى السماعة

 

[^ليلاس^]

لا عاد هذي السكرتيرة صج ما تستحي

اشكال عجيبه غريبه تمر عليج من هالدوامات:tomato2:

 

[@ الرسامة @]

اي والله صاجة اشكال والوان

انا هونت عن حفلة ولدي وقررت اني ما اروح الصراحة غثني اسلوبها وكلمت ناظرتهم عنها ويوم الاحد بروحلهم وبشرشحهم

 

[Eva-SS]

امبيه الروضة عجب

بالنسبة لولدج كلمي ابلته شوفي شسالفة .. واحتمال كبير انها ما تزفه هو بس يخاف منها عشان تشد على الأطفال

أما سالفة السكرتيرة صراحة لا تعليق مادري شفيهم السكرتارية حتى عندنا بالروضة النفس خايسه مصدقين نفسهم حيل هههههههههههههههههه مو الكل اكيد بس ما مرت علي سكرتيره نفسها حلوة ليلحين مادري شنو السر

 

[عهود الحب]

انا اصرخ عالاطفال
شسوي اذا مايسمعون الكلام ومرات اضطر اطقهم على ايدهم
الطقة هذذي ماتكسر عظامهم ولاتموتهم

شنو الحل


الجاهل ببيت اهله مؤدب
بس لما يصير وسط الصف مع مجموعة بنفس عمره يتشيطن عادي

انا كان عندي طفل عاقل
جننوه وصار مثلهم استغفر الله

ترى الاطفال يسووون عصابات اختي وممكن انه جدام الكل عاقل
بس نوعيتهم معاهم معاهم وراهم وراهم
انا نص صفي جذي هههههههههههه
واضطر اصرخ والله
وشدعوة سالمة احس كليتي اليمنى انبطت مدري اليسرى من الحرة مادري اياتهم



فأفضل حل لج تكلمين الابلة
بس اول شي شوفي مايتها شنو يمكن قشرة والنقل من الصف موحل


والله يااختي كل يوم عيالنا يتشكون وانا عودتهم يتقبلون الامر الراهن
عشان شخصياتهم تتعلم كل شي
موكل شي بنراكض نسنعه لهم
خل يعتمدون على نفسهم

اما السكرتيرة مالومها الظاهر قاطعتي ريوقها
والحجية مالها خلق

والله ياما راح تشوفين مير الله المستعان

 

[أم سعـود]

ترا كل الامهات اللي ايوون بيسألون عن عيالهم نقولهم ولدكم جذيه جذيه

يقولون لا ولدنا بالبيت شي ثاني

خواتي ترا البيت شي والمدرسه شي ثاني ومدرسة الروضه لازم تلجأ حق الصراخ اذا اليهال خذو راحتهم

شالسالفه اسولف وياهم ذوول ان سولفنا وياهم مصخووها قامو يراددونا ومايسمعون كلامنا ويستعبطون

انتي يمكن مدرسه بس مو روضه وان كنتي ابله روضه لأن ولدج تدافعين عنه

انتي شايفته مثالي لأنه ولدج بس بالصف مو شرط يصير مثالي وحتى الطلبه المثاليين لاياتهم العره يحصلون زفه عادي

ولازم نهددهم بشي عشان يوقفون عن البلاسه

هالجيل مليق ودمه ثقيل ويخرع ويرد الكلمه بعشر استغرالله احنا اصغر صف بالروضه مسوي هجوووم بس يطق ثواني

والله شووفة عيني اقصر بنت تطق اطول ولد بالمدرسه وامها يايه تشتكي طق بنتي

حبيباتي ترا مو كل شي يقوله الطفل صح

 

[84 Miss Chocolate]

ترا كل الامهات اللي ايوون بيسألون عن عيالهم نقولهم ولدكم جذيه جذيه

يقولون لا ولدنا بالبيت شي ثاني

خواتي ترا البيت شي والمدرسه شي ثاني ومدرسة الروضه لازم تلجأ حق الصراخ اذا اليهال خذو راحتهم

شالسالفه اسولف وياهم ذوول ان سولفنا وياهم مصخووها قامو يراددونا ومايسمعون كلامنا ويستعبطون

انتي يمكن مدرسه بس مو روضه وان كنتي ابله روضه لأن ولدج تدافعين عنه

انتي شايفته مثالي لأنه ولدج بس بالصف مو شرط يصير مثالي وحتى الطلبه المثاليين لاياتهم العره يحصلون زفه عادي

ولازم نهددهم بشي عشان يوقفون عن البلاسه

هالجيل مليق ودمه ثقيل ويخرع ويرد الكلمه بعشر استغرالله احنا اصغر صف بالروضه مسوي هجوووم بس يطق ثواني

والله شووفة عيني اقصر بنت تطق اطول ولد بالمدرسه وامها يايه تشتكي طق بنتي

حبيباتي ترا مو كل شي يقوله الطفل صح

هههههههه ام سعوود صدقتي والله يننووووووووووووووووووني والله

 

[@ الرسامة @]

ايه بس انا من النوع اللي دايم اسال عن ولدي والابلات يمدحونه وياكدون لي انه عاجل يعني هالحجي مو يايبته من عندي ومو بس عاجل يقولون انه وايد هادي


انا بشوف وبحاجي ابلته قبل كل شي ما احب اكبر الموضوع وبشوف مايتها