شرييت هامستر روسي و خايفه :\ بليز اللي مجربته تقوليي

[Om_Ksha]

السلالالالام علييكم

اليوم شريت 2 هامستر روسي و عمرهم تقريبا 3 او 4 اشهر و نسيييت اسأل الهندي شنو اهمه ذكر ولا انثى ؟ اشلون اعرف ؟ و واحد نشيط و واحد طووول الوقت بالبيت منخش :\ و بس خايفه و اخترعت لما قريت عن الحمل و الانجااب و يبيلهمم اهتماام وايد احس ماادري قعدت افكر اني اردهم بس يونسووون بس خفت لما قريتت انه تاكل عيالها و هالعفسه :\ و كاااااااهو نزل الهااادي مسكيين و قعد يكفخه النشييط ":\ والله مااادري قلبي مايطاوعني اخليهم عندي بليييز اللي مجربه تقوولي عن تجربتها ..

 

[Jandi]

والله ما اعرف ><!!

لو اعرف كان قلت لج

واحد طووول الوقت بالبيت منخش :\

ههههههههههههههههههههه, وريني صورهم p-;

 

[saratee]

توضيح ....شنو همستر شوقتيني انا اموت بالحيوانات بس اكثر شي القطاوه

 

[Om_Ksha]

بوريكم الشيطااان بس لان الثااني كله منخش ماقدر اصيده p:

[/url][/IMG]

 

[sweet cake]

حبوبه انا ما اعرف فيهم شي بس شوفي موضوعي المثبت فيه مواضيع عن الهامسترز ان شاء الله يفيدونج

 

[~mmm~]

وايد حلو الهامستر وتعلمي انج تخلينهم ياخذون على الجوو وبعدين بالكوييت قليل اللي عندهم هامستر بالامارات وايد يحبونها اذا في وحده اماراتيه سأليها

 

[a7la-86wa]

السلام ..
انا عندي هامسترات..
قلت نجرب هوايات يديده صار في خبرات الحين
اللي عندج نوعه روسي
بس اذا غير لونه يعني كامبل
وما عليج السوري اهو اللي ياكل عياله
الروسي حبوووووووب يهبل
ما ياذي وترا حده 8 على حسب علمي ما يولد اكثر من 8 وفي ناس قالوا لي انه قليل اللي اييب 8 و7
انا مادري
المهم نوعي اكلهم
لا تعطينهم عنب يذبحهم
وعطيهم جبن كيري مره بالاسبوع بس شويه مو وايد
وخياااار يمووووووت فيه
اما اذا بتعرفين ذكر ولا نثيه
عندي صور لهامستراتي يوضح بس حسافه انا مو على جهازي
لوووووووول

وعندج بالمنتدى مختصين الهامسترات اللي اعرفهم
كاواي قيرل و جوجو
كل يوم شيلي هم ولعبي معاهم عشان اذا ولدت عندج ما تخاف على عيالها منج
ترا يتعلقون بالبشر حيل بمجرد انج اتيين عن القفص يتجمعون عليج لووووول
ان شاء الله افدتج بردي وجاوبتج على اسئلتج
واي سؤال او استفسار انا تحت امرج حبوبه

 

[نورالدنيا***]

يعضوووون والله يعورون

 

[a7la-86wa]

يعضوووون والله يعورون

عضتهم مو صج
زين يبتي طاري العض حرام خنعلم البنت لووووول
حبوبه اذا شفتيهم يتهاوشون
لا تحطين ايدج عندهم
اذا بتفرقينهم جربي اي شي الا ايدج
لانهم لا اراديا بيفكرون ان احد بياذيهم فيعضه
انا من اسبوع تقريبا عضني الذكر كنت بفج خناقه قويه
حصلت لي عضه مو صج ضل متجلب بايدي بعدين طاح
والله لو اني مو مفرقتهم جان ماتو
بس عادي لا تخافين من العض توهم صغار وبعيد عن الخطر
وما يعضون الا بالهاوشات

 

[هدىىى]

أحلى شي الهامستر عجييييييييييييييييب انا كان عندي ذكر وانثى طبعا حملت الانثى وولدت 6 ماشاءالله طلعو عجيبييين وكنت خايفة انها تاكل عيالها المهم لما تولد ما تزعجينها ولا تحطينها بالضو خليها بعتمة واكل ترا ديري بالج عدل لا تاكلينهم خضرة كثير انا الذكر اللي عندي صار متييييييييييين مو قادر يتحرك اتوقع اللي دايما منخش عندك هو ذكر والنشيطة انثى حطيلهم حب يعيشون عليه ومرة وحدة بالاسبوع ومرتين لو زادت خس جبن كيري جزر يحبونه بس لا تكثرين لانهم بسرعة يمتنوون خلال شهر واسبوع هامسترتي ولدت مرتين صار عندي ازمة
المرة الثانية لما ولدت مادري كم يابت بس كلت منهم وخلت بس 2 لانها كانت ضعيفة حتى هم يابتهم ضعااف وصغااار وايد المهم انا رحت حولي بارك حطيت اربعه هناك يمكن انتي شريتي منهمههههههه تقبلي مروري واي سؤال دزيلي عالخااااص

 

[نورالدنيا***]

عاد ولدي عمره سنه ونص يبي هامتل يسميه ههههه بس اخاف عليه لان اختي عندها مجابلهم وقاعد وحاط ايده بالغلط قامت من ورا القفص وقرمت ايده ياعمري
طلعت دمه نفس مقراضا الاظافر عظته مثلثه كان يسميه دبه ههه بعدين علموه هامتل يعني هامستر

كسر خاطري

 

[Joo.Joo]

اسهل تربيه وامتع تربية تربية الهامسترات


صج صج يونسون حدي ولهت على تربيتهم ,, لا مكلفه ولا متعبه وتقعدين بس تستانسين معاهم وتوخرين وما تحاتينهم وين يروحون وين يحوشون وشنو يكسرون بالبيت لانهم كله بقفص واحد


الي عندج نوعه روووسي وطبعا هالنوع وايد افضل من السوري من ناحية الريحه و انه اجتماعي مع الانسان بسرعه يتعود عليه + اجتماعي مع الهامسترات الي من نفس نوعه


نظفي القفص مره بالاسبوع بالكاامل

و الاكل كل يوم تحطينه الاكل المعلب احسن شي لانه يحتوي على جميع الفيتامينات والمكونات الغذائية الي يحتاجها جسمهم

بالاضافه اذا تبين تغيرين حطي كل شي ياكلون ما عدا اللحوم لا تعطينهم عشان اذا توالدو ما تاكل الانثى عيالها

وهم عشان ما يصيرون شرسين ,,

و هم لا تحطين لهم حوامض مثل البرتقال والليمون وما الى ذلك


وبالنسبه لي ما كنت اعطيهم اكل فرش الا مرتين بالاسبوع افضل ,,


والاكل الفرش ينشال عقب 24 ساعه لمنع التعفن


الاكل الفرش = خبر \ خيار \ خضراوات \ اجبان \ عيش مفيوح \ بياض البيض مفيوح \ ذره معلبه او مفيوحه ,, الخ

ولا تكثرين من الخضراوات عشان ما يصير فيهم اسهال والهامستر مناعته حيل ضعيفه علطول يموت من الاسهال





بالنسبه للجو :
حطيهم داخل البيت وبالمكان الي انتي تكونين مرتاحه من درجة حرارته

لا هي حااااااره ولا باااارده لان بهالحالتين بيموتون حطيهم بمكان معتدل


واذا بتعرفين الذكر من النثيه :

الذكر : فتحة البول والشرج يكونون متباعدين مع وجود بروز في الفتحه العلويه ( فتحه البول )

الانثى : فتحة البول والشرج متلاصقين

وبس ما اعتقد في شي مهم زياده


موفقه يارب

 

[amonitta]

انا نفسج شريت وتوهقت فيهم بس يحليلهم مايتهاوشون

شريت سوري ذكر وانثى

مساكين بالليل يكسرون خاطري من البرد ينامون يم بعض عشان يتدفوون أشوه مايتهاوشون

والحين مادري ناطرتها تحمل بس المشكله إني ما أراقبهم فـ ما أدري متى اهيا تحمل عشان أشيل الذكر عنها !!! لأني صج باليوم أشوفهم يمكن مرتين .. صبح وليل وبس

ومن ناحية الأكل .. شريتلهم من مركز سلطان حبوب وفيتامينات وهالسوالف... حسيته مفيد لهم معنهم مو حيل يتشوقوونله! لما أحط خيار ولا بياض البيض أو جزر بسرعه بسررررررعه ياكلونه بس الحبوب لا عادي

انا عندي سؤال.. انا سمعت إنه اذا حطيت كلنكس للانثى واهيا قطعته معناته حامل عشان تجهز بيت لعيالها.. فـ بعرف هل ممكن أحطلها من الحين كلنكس؟ ولا ممكن تاكله وتموت؟؟

وهم عندي بعد سؤاال ثاني... المحلات تشتري هامسترز ؟!

 

[om 7ydar]

أنا عندي همسترز بس ما يتهاوشون بس الأنثي أذا شلتيها وأتضايقته أتعض بس عضتها أتدلدغ ما تعور وأنا أحط لهم حبوب ويحبوب حب دوار الشمس وفي اليوم مره أحطلهم خضره إلي عندي روسي والنشيطه الأنثي والكسول ذكر ومره في الأسبوع أنظف القفص وبعد ماتنظفينه بتشوفينهم مستانسين ويلعبون بس ماعندي صورهم

 

[D A N G E R]

والله انا عندي هامسترات صار لهم عندي 3 شهور

يهبلوون ويونسوووون

ولا يخوفون بالعكس

بس يبيلهم شوية رعاية واهتمام

عادي اذا ينخش بالبيت

الذكر داايم تلاقين فيه خموول

اما الانثى نشيطه اكثر

افف استناهم متى يجيبون عيال

احسسهم طولوا وانا متشوقه

يلا يالغلا يتربون بعززك

لاتوكلينهم كثير اشياء فيها مويه مثل الخيار والورقيات باانواعها

حاولي تحافظين على جفافهم

يعني حبوب جافه مرره يحبونها

هامستراتي يموووتون بالحب

ويستانسون عليه

لاتأكلينهم الحلى والحمضيات والمانجا والتمر والسوالف هاذي

ترى ماعندهم مناعه وماينقلون امرااض

يعني تطمني

اتمنى اكون افدتك

وعلى فكره في موضوع مثبت

 

[هدىىى]

انا نفسج شريت وتوهقت فيهم بس يحليلهم مايتهاوشون

شريت سوري ذكر وانثى

مساكين بالليل يكسرون خاطري من البرد ينامون يم بعض عشان يتدفوون أشوه مايتهاوشون

والحين مادري ناطرتها تحمل بس المشكله إني ما أراقبهم فـ ما أدري متى اهيا تحمل عشان أشيل الذكر عنها !!! لأني صج باليوم أشوفهم يمكن مرتين .. صبح وليل وبس

ومن ناحية الأكل .. شريتلهم من مركز سلطان حبوب وفيتامينات وهالسوالف... حسيته مفيد لهم معنهم مو حيل يتشوقوونله! لما أحط خيار ولا بياض البيض أو جزر بسرعه بسررررررعه ياكلونه بس الحبوب لا عادي

انا عندي سؤال.. انا سمعت إنه اذا حطيت كلنكس للانثى واهيا قطعته معناته حامل عشان تجهز بيت لعيالها.. فـ بعرف هل ممكن أحطلها من الحين كلنكس؟ ولا ممكن تاكله وتموت؟؟

وهم عندي بعد سؤاال ثاني... المحلات تشتري هامسترز ؟!

حبيبتي انا صار عندي طفح بعدد الهامسترات يوم انها الانثى اللي عندي ولدت مرتين خلال شهر واسبوع
وديتهم حولي بارك في محلات يشترونهم بس مو بوايد يعني يشتري منك الهامستر الواحد بدينارين لكنه يبيعه ب 4 اظن والهامسترات تحتا الكلنكس مو بس للولادة يحتاجونه يدفيهم وينامون عليه وما رح ياكلونه لا تخافين تقبلي اجابتي :eh_s(6):

 

[amonitta]

حبيبتي انا صار عندي طفح بعدد الهامسترات يوم انها الانثى اللي عندي ولدت مرتين خلال شهر واسبوع
وديتهم حولي بارك في محلات يشترونهم بس مو بوايد يعني يشتري منك الهامستر الواحد بدينارين لكنه يبيعه ب 4 اظن والهامسترات تحتا الكلنكس مو بس للولادة يحتاجونه يدفيهم وينامون عليه وما رح ياكلونه لا تخافين تقبلي اجابتي :eh_s(6):

اييي اوكي... تصدقين عاد انا شكلي حسدتهم... من يوم حطيت ردي إنه مايتهاوشون.. صاروا يتهاوشون @@

والانثى مسكينه تكسر خاطريييي اهو يقرب صوبها واهيا من الخوف تنقز نقززززه عااااااليه من أول القفص بثانيه أشوفها الناحية الثانيه من القفص !!!! نوعها وايد خوافه مادري شسوي فيها مو مثل الذكر أطلعه مرات بره القفص والعب معاه بس اهيا لأ حدها خوافه

وومشكوره على ردج اختي *^_^*