شرييت قطوه يديده من بعد قطوتي الي ضاعت

[banoota_93]

هاااااااااااااااي بنات شلونكم

طبعا يأسفني اني اقول لكم ان قطوتي طلعت وما ردت :0bee2e8d89: مادري منو باقها حبيبتي

امس شريت لي قطوه ثانيه نتفه عمرها شهرين نتفه كلش زوووغه لونها كريمي

بغييت اسألكم !

شلون اتعامل معاها كله تناديني مادري شتبي و ابي تعطوني احسن اكل حق الكتن (Kitten) لاني رحت الجمعيه كله حق الادلت (adult) مادري شنو الزين . وابي اعلمها على مكانها (حمامها) لاني توصخ بره معني سويت نفس الي قبلها اني حطيتها بالليتر بوكس بس ماكو فايده ! قلت يمكن عشان القديمه كبيره تعرف ! هذي وعليه ما تعرف شي تكسر الخاطر ! وابي اسألكم من وين اشتري لها البيووت الصغيره ملوت القطاوه !

فيدووني الله لا يهينكم ! مشكوورييييييييييييييييييين

 

[sweet cake]

بالنسبه لي .. لما كانت قطوتي صغيره ما عطيتها الا الدراي فود وبس .. نوعيتين.. مياو مكس وبيورينا.. ولما صار عمرها 4 او 5 شهور بديت اعطيها الكان فود.. وكنت اعطيها بعد جبن مثلث.. احطه على اصبعي وتلحسه..

انها توصخ برا يبيلها شوي وقت .. انتبهي لها وبعد ما توكلينها وديها للحمام.. وانتبهي للأوقات اللي تحتاج فيهم للحمام لأني لاحظت ان القطاوه لهم وقت محدد يروحون فيه وتلقينها بنفس هالوقت تروح للحمام.. انتي انتبهي متى تروح واذا جا هالوقت وديها للتر بوكس وعلميها شلون تحفر..

ونظفي اي مكان وصخت فيه عدل عدل ولا تخلين منظف الا وتحطينه عشان لا تشم الريحه وتحاسب ان هذا مكان للحمام..

بالنسبه للبيوت .. ما عرفت اللي تقصدينه.. تبين بوكس للطلعات ولا بيت صغير لها ؟؟
اذا تبين بيت صغير تلقين بسوق الجمعه على 10 و12 دينار وحددده كيوووت وبنوتي..

 

[banoota_93]

sweet cake مشكوره وايد على ردج حبيبتي ما تقصرين .. وين في مكان حق البيوت غير سوق اليمعه ؟ لانه جنه قالولي انه صكووه ؟

شدعوه بنات 17 مشاهده ومحد رد ؟

 

[sweet cake]

شوفي مو كل مكان تصكر بسوق الجمعه.. وانا ما دخلت بالحوسه اللي داخل.. انا رحت للمحلات اللي صايره برا وقريبه من البيطري..

غير سوق الجمعه مادري والله .. انتي سويلها كرتون وضبطيه لها وكشخيه على ما تحصلين بيت يعجبج..

والبنات ما يقصرون ان شاء الله..


على فكره.. ترى انا من زماااااان عن سوق الجمعه وما عمري دخلته الا للبيطري ومره وحده مريت المحلات اللي برا وبس..

 

[daloo3a_2010]

والله حبيبتي ماعندي فكره

 

[lojeeen]

مبروك على القطوه الجديده و الله يعوضج عن القطوه اللي ضاعت و ديري بالج عليها لا تطلع الحوش و الحديقه

بالنسبه حق مشكله الليتر بوكس افضل اتخلين الليتر بوكس مع الأكل و الماي و السله اللي تنام فيها بمكان واحد يكون دافي لها
و إذا كان حجمها وايد اصغير يمكن اهي متعوده انها تعيش داخل قفص و يمها كل شي فانتي يا تجهزين لها قفص كبير داخل غرفتج فيه الليتر بوكس مع الأكل و الماي و تفرشينه لها حتى تنام داخله و تكون تحت عينج أو حطيهم كلهم مع بعض بمكان دافي تحب تكون متواجده فيه حتى تتذكر

بالنسبه حق الأكل إذا صاحبها ماقالج تقدرين توكلينها مثل ماقالت لج سويت كيك انا قطاوتي المواليد من يصير عمرهم شهر ابتدي اوكلهم ويسكس البالغين على دياي و لحم حتى يتعودون على هل اكل لأن اكل الكيتنز مو بكل مكان تلقينه

و بقيه المستلزمات في اكو موضوع مثبت حق مشرفتنا سكارف فوشي حق اماكن بيع مستلزمات القطط ^^

 

[banoota_93]

مشكووريين حبايبي .. انزين تتوقعون القى قفص حلو بمركز السلطان ؟. جنه خبري عندهم خوش اشياء

 

[shurooq]

شوفي انتي روحي اكثر من مكان قبل لا تشترين القفص لانه يختلفون عن بعض

والاسعار بعد

 

[CAT]

في بمركز السلطان أكل معلب حق القطاوة الصغارة من عمر شهرين اسمه ( فانسي فست ) قطوتي دايما تاكله تحبه أو تعطينها نص جبن كيري , وتناديج علشان تبي تلعب معاج أو جوعانه إذا قالت ( ناو , ناو ) يعني تبي أمها إذا قالت ( مياو مياو ) تبي تلعب معاج أو تقعد معاج , وإذا بطلت حلجها وطلعت إلسانها يعني جوعانه
أما الحمام حطيلها تراب بالليتر بوكس ولما تاكل وتخلص بسرعة شيليها وحطيها في الليتر بوكس وإنشالله تتعلم عليه وإنشالله أكون أفدتج .