شريت قطوة و ابتلشت ..

[ma3foosa]

السلام عليكم و رحمة الله وبركاته

شخباركم بنات ؟

انا عندي قطوه عمرها تقريبا شهرين ، عاد رحت شريت قطوه ثانيه عمرها 45 يوم تقريبا

وهذا العمر انا اخاف منه لأنه حيل حساس وعرضه للأمراض - وان شاء الله ما يكون فيها الا العافيه

المهم

قطوتي ما تقبلت القطوه اليديدة

قعدت تناجرها وتنفخ عليها و تحاول تتهاوش وياها وتلاحقها من مكان لي مكان

طبعا القطوه اليديده صغيره ولا على بالها مسكينه وخايفه - عاد انا كل ما قطوتي زفت القطةو اليديده اقعد ازف القطوه مره ومرتين وساعات اطق خشمها على الخفيف ابي ابين لها ان هذا غلط

ولا حياة لمن تنادي ...

شلون اتصرف ؟ وشنو الحل المناسب ؟

وابي نصايحكم بخصوص القطوة الصغيره - شنو افضل طريقه لوقايتها من الامراض خصوصا بهذا العمر ( 45 يوم )

للعلم - قطوتي القديمة ( نثيه ) و الجديده اللي عمرها 45 ذكر

بانتظار ردودكم واقتراحاتكم - واسفه لأني طولت عليكم

​

 

[تهبل و تستهبل]

الحييين عزليهم عن بعض يعني لاا تخلينهم بغرفه وحده و رااح تقولين لي متى... لما يكبر الذكر و يقدر يداافع عن نفسه اهني خليهم بغرفه وحده
اما عن الوقايه والله ماا ادري ان شااءالله البناات يفيدوونج اكثر مني
يعطييييج العاافيه حبيبتي
​

 

[عود ومسك]

^^
لا غلطانه حبيبتي

لا ما ينعزل
خليهم مع بعض بعد يومين بتلعب معاه
خليها تطقه عادي مالج شغل فيهم وهي لما تلحقه تبي تشمه فا الوضع عادي
كلهم صغار يعني قطوتج شهرين وهذا 45 يوم
بصراحه مادري ليش شريتيه بهالعمر
المفروض تشترين بنفس العمر
45 يوم وبهالاجواء يادوب امه تقدر تحافظ عليه وتقوي مناعته
عموما
خليهم ياكلون مع بعض
يعني لا تفرقينهم
حطي اكلهم بصحن واحد ومالج شغل حتى لو طقته صدقيني بهالعمر ماتاخذ يومين الا هي حابته
<<اسأل مجرب ولا تسأل طبيب
والله مادري شقولج بصراحه العمر هذا شوي صعب للي توه يربي
بس انتي عامليه مثل قطوتج لانهم كلهم صغار يعني لا تسبحينه
لا تعرضينه للبرد
نفس ما تسوين مع قطوتج سوي معاه وحتى الاكل ياكلون نفس الشي بس لا تعطينه دجاج الحين لانه توه بادي ياكل

 

[ma3foosa]

عاد تصدقين ان اليوم وديتها البيطري وقالي ان الصغيره فيها فايرس توه ببدايته

توهقت مادري شنو اسوي قالي الدكتور اذا عدى الاسبوع على خير يعني ان شاء الله ان خطر الفايرس راح بس اذا يت لعا حراره واعراضها مثل القيء و السهال عزكم الله مشكله وانا خايفه مابيها تعادي قطوتي

 

[عود ومسك]

اذا صج فيه فايروس لازم توخرينه عنها
بس انا ماصرت اثق بكلام البيطري من اول مره يعني لازم ادش على كذا مستشفى عشان اتأكد
وما اصدق اي شي ينقالي
مره قالي عن قطوه عندي ان فيها فايروس وبتموت وكاهي تناقز مافيها الا العافيه وصارت كبيره
فا انتي لا تاخذين بكلام بيطري واحد
اللي فيها فايروس ما تاكل ولا تشرب ولا تتحرك وتلاقينها كله خامله حيل
وهالاشياء هذي راح تبين معاج من باجر لان الفايروس سريع
وعشان تتأكدين باجر من الصبح وديها بيطري ثاني
اكيد انتي رايحه للدهماء وشافها لج من بره وقال فايروس
الفايروس يبين من التحليل
ان شاء الله يارب مافيها الا العافيه.. روحي باجر وطمنينا
والله دايم نقول لحد يبيع قطاوه بهالعمرر بس محد يسمع كلامنا همهم الفلوس بس..
لان بهالعمر يحتاجون المناعه من امهم

 

[ma3foosa]

لا رحت الري البيطري

وقالي ان الفايرس اللي فيها توه ببدايته - سوالها تحليل طبعا جدامي

يعني الفايرس راح تبين اثاره بعد 10 ايام بالكثير - يا ان تحوشها هذه الاعراض ( حراراه - قيء - اسهال ) حشاكم

او تعدي على خير وكل هذا راح يبين بعد هال 10 وهذا حسب كلامه -

ماني عارفه شسوي

 

[عود ومسك]

انزين ما عطاج ادويه لها؟ ولا ابره ولا شي؟
لازم يعطيج ابره
ومغذي
وماقالج شنو نوع الفايروس؟

 

[عود ومسك]

نصيحه انتي شاريتها امس رديها لهم خل يردونها لأمها

 

[ma3foosa]

لا ما عطاها شي قال هذا الفايروس ماله علاج بس اهوه حاليا في بدايته يعني ما بينت اثاره بعد

وحاليا انا قاعده احاول اتواصل مع البائع عشان يردها حق امها لأن انا اتفقت معاه اذا فيها شي ارجعها

بس اهوه من عرف ان فيها فايرس ما قام يرد حاليا ،، انا بلتمس له العذر يمكن عنده ظروف وان شاء الله يطلع ولد حلال وما يظلمني فيها.

وشكلي على يوم السبت ان شاء الله بودي قطوتي الثانيه بسويلها فحص اخاف عادتها ولا شي وبطعمها مره وحده

 

[Loloki]

حبيبتي بيطريه كلهم يقول فايرس ماله علاج خرعونج واهم حتى شغلهم مو عارفينه

فايرس بس يعطونهها ابره 3 ابر تقريبا وبعدين موعد الياي هم 3 ابر وخلاص

وانتي ليش قلتي حق راعي ان فيها فايرس اكيد مراح ارد عليج ولا راح اعبرج اهو باعج ع قولتهم باعج حيوان

وانتي حره احنا الي راعين طيور نقول بعنالك ريش وانت تصرف

ما عليها الا عافيه وراح يعطونج حبه دود عطيها اذا سوت خروج راح ابين اذا فيها دود او لا

لا تحاتين بس اهتمي فيها وخليها تدفى حرام 45 يوم شايلنها من امها اهئ اهئ

 

[ma3foosa]

لا الحمدلله ما فيها دود ولا فيها فطريات ولا حراره

اللهم الفايرس بس

والله كريم مادري شنو بيصير وياي

لأن قبل انا كان عندي قطوه نفس عمرها تقريبا اول ايام كانت تطامر وكل شي بعد اسبوع تقريبا بان عليها اعراض الفايرس ولا قامت تاكل ولا تشرب ولا تسوي شي غير انها تنام + تروح صوب الاكل وتشم ريحته

بعدين اانا قمت اعطيها بالابره ماي وسكر عشان شي يدش ببطنها لأن 3 ايام ما كلت شي .. وكانت تقريبا كل ساعه ترجع حشاكم مو قاعده ابالغ ، عاد يوم وديتها البيطري عطاها ابره وتحسنت حالتها ورجعت مره وحده بس ، عاد قالي اهوه ييبيها باجر عشان اعطيها ابره ثانيه ، يوم وديتها وعطاها ابره - رديت البيت و لا الحبيبه مو قادره تشمي نظام خطوتين وتطيح بالقاع وحالتها حاله طبعا هالحجي على الساعه 4 العصر ، الساعه 9:30 بليل تقريبا ماتت

كله من الابره الثانيه اللي عطاها اياه !

على العموم انا قمت اخاف من الفايرس وصارت فيني عقده و لا ابي تنعاد ايام قطوتي اللي ماتت مسكينه تعذبت اهيا وانا حيل حيل تعذبت معاها.

 

[Loloki]

انزين حبيبتي في بطري الري وثاني الي ع زاويه لا تروحين دهماء

خليها بس يعطونها ابره واذا قالج تعالي باجر كشتي لا تروحين خليها بعد اسبوعين روحي

انزين انتي تسوقين اذا تسوقين ادليج مكان تروحيله الحين اذا تقدرين pet zone

 

[ma3foosa]

اييي ادله بت زون انا شاريه اكل القطوة منه

والبيطري اللي ذبح القطوه الري

واهوه هم نفسه اللي الحين قالي فيها فايرس

 

[Loloki]

روحي بت زون الحين طيران

قوليله قطوتي عمرها 45 يوم قوليله شنو احتاج علشان احميها من فايرس وقوليله رحت ري وقالولي فيها فايرس

وخايفه اروح يموتون قطوه لان عندي قطوه موتوها لي عطوها ابره وماتت اهو بيعطيج دوا زين حقها واكل

الحين روحي قبل لا يصير شي بالقطوه \

في دكتور لبناني اهناك روحي ساليه

 

[ma3foosa]

اوك حبيبتي ماكو الا جذي

وان شاء الله تمشي الامور على خير

 

[Loloki]

الحين بتروحين ..؟؟؟

 

[ma3foosa]

هلا حبيبتي

اي رحت اليوم وما فادني بشي الدكتور كلش غاسل ايده

والبايع قاعد يماطل

انا حاليا بس قاعده افكر شلون اخلي هالفايرس يعدي علي خير
ماني عارفه شنو بسوي بس ليلحين كل شي تمام مافيها شي بس بعدين يبين الله يستر

 

[lojeeen]

واي الله يعينج لو صج فيها فيروس لازم تعزلين قطوتج عن القطو المريض
اذا مستعده تقطين فوق ال300 دينار حتى تعيش وديها رويال بيستغلونج عدل بس دام الفيروس بأوله بيقدرون يعالجونها و هل عمر 45 يوم يخوف انا امشي و اقول للكل لا تشترون قطوه بهل عمر خصوصا لو ما خذت اول تطعيم

الأبر اللي يعطيها البيطري للقطوه يا تموت الفيروس يا تموت القطوه اذا مناعتها ضعيفه لأن الأدوية عندنا مو متطورة

و البايع اللي شريتي منه القطوه كان المفروض انه يسترجع منج القطو فورا لأن هاذا فيروس كامن ينولد مع القطو و ينشط في مرحله عمريه أو لما القطو يتعرض للتوتر و الخوف

 

[lojeeen]

صح نسيت اقولج ابعدي القطو المريض عن التوتر حتى الفيروس ما يتحرك اسرع بالجسم خليه بغرفه هاديه بالبيت

 

[ma3foosa]

زين قلتيلي

عاد تصدقين قطوتي الثانيه كانت كله تناشبها و تبي تتهاوش وياها واهي حبيبتي خايفه مسكينه

عاد انا عزلتهم عن بعض عشان هالفتره

انا شكلي بوديها رويال ان شاء الله بخليهم يجيكون عليها مره ثانيه ويمكن يفيدوني بشي خصوصا ان الفايروس توه بأوله وبعده الاثار ما بينت على القطوه

وبسوي مثل ما قالت عود ومسك بعطيها الصبح بيض مقلي او مفيوح وحط فوقه حليب قليل الدسم دافي واعطيها اياه يمكن يقوي مناعتها - بس ليش 300 برويال وااااابد :eh_s(16):

انا استفدت من نصايحكم حاليا بس ليلحين ما وصلت حق اللي ابيه

اللي اهوه ( شنو اسوي بالفتره الحاليه عشان اقوي مناعتها واخلي تتحمل الفايرس وما تموت ) ؟

نبي الحلول - طبعا غير حل ال 300 دينار :eh_s(4):

انا رحت الري البيطري - في مكان ثاني اروحله ؟ يمكن يفيدوني ؟ مابي اروح عالفاضي ويقولولي اي فيها فايرس وخلاص