*شريتي لأطفالج بجايم ماركه معينه وطلعت أوكي...تعالي وعطيني تجربتج مع هالبجامه؟؟

[ماعرفتك زين!!!]

\

/

::





السلام عليكم ورحمه الله وبركاته

شلونكم أمهات


في البدايه تجاربنا مع البجايم لا تنتهي

وكل ام تبي بجامه تكون ممتازه من ناحيه الخامه لانه راح نكرفها في الغسييييل كل يوم بالتاكيد
واللون مايتغير مهما غسلتي

امهااات كثير مانشتري بجااايم بس مجرد غسله او غسلتين تتغير لونها وكانها من سنين عندج
وفي ماركات معروفه مهماااا تغسلين فيها مايتغير اللون وتكدينها كد وكانها جديده*



اللي تعرف ماااركه معينه جربتهاااا وارتاااحت عليها تقولنااا تجربتهااا
لانه جد في بجاايم تشترررينهم يكون سعرها رخيص بس تكد عند*
وفي بجايم تشترينا غالي بس ماتعمر عندج



اترككم ياامهااات تقولولنا الماركااات الزينه علشاااان الكل يستفيد

 

[منـــاي]

خل ابدي انا

اولا احلى و اروع و اذرب بجايم جربتهم سواء حق بنتي ولا ولدي كاناو من نكست :eh_s(22):

طبعا لما يصير الياهل عمره سنتهين اغلب ملابسهم مو بجايم والله روووعه حتا عيالي لما يلبسونهم احسهم حلوييييييييين لوووول

والخااامه لو يلبسها الياهل و تنغسل امية مره نفسها نفسها

بس للاسف بنتي لما كبرت وعدت السنتين بجم شهر ماكو بجايم قدها واسعارهم مو رخيصه بس حدها تسواااا ومعقوله

المكان الي احبه هم سنتربوينت اخذ منهم لبنتي وخامتهم حلوه وما تكور وتضمنين هالشي بس اخر شي قاماو يخورونها و بجايهم كلها شتويه مو حق جونا و حتا نقشة و ديزاين البجايم اخترب فما قمت اروح صوبهم :eh_s(4)::eh_s(4):

اتش اند ام ييبون ملابس حلوه للبنات للبيت بس بسرعه تخلص و اسعارهم تقريبا خمسه الى سبعه للبجامه بس حلوين حلوين استانس اذا حصلت شي منهم :eh_s(9)::eh_s(9):

المكان الي كنت احبه اهو رد تاق ملابسهم عمليه وحلوه بس قياساتهم مو مضبوووطه :rgewrg: يعني انا بنتي عمرها سنتين و عصقوله اخذلها حق عمر 4 سنوات لا وساعات يطلع صغير بعد و عندهم بجايم حلوه بس للاسف لما اغسهم تطيح اللمعه و تتجفس النقشه ما ادري شيصير بس خامتهم ما تتحمل الحراره حتا اغلب ملابسهم كاتبين عليها الغسيل باليد اذا لاحظتوا واحس عباله:eh_s(14):

المكان الي جربته و تووووبه اجربه ثاني مره اهو الاماكن الشعبيه

كنت بالنقره ولقيت ديزاينات حلوه على لولو كاتي وهالسوالف فخذيت منهم و الطامه الكبرى ان قياس البنطرونات ظيييييييييييييييييج جنه بيزنطون الياهل و لازم تكاسرينهم ويقولج 3 و تقوليله لا ابي دينار و نص ولما تاخذين من اول غسله يكووورووون و يصير شكل البجامه قبيح حتا بالبيت تتحسفين تلبسين الياهل :krkrkr:

و الي حبيته بس احس اسعاره مبالغ فيها مذكركير شريت لبنتي بس بالسيل لان البجايم على 12 و11 وفي 15 :eh_s(4): بالسيل يوصلون 8 و سته و اربعه احيانا ففرصه حلوه اروح اخمط لها من هناك على كيف كيفي بالسيل هاع :ggdw:

و بوي وما ادراك ما بروي بالافنيوز عندهم وراااا مو اول ششي هدوم اطفال باسعار تينن افرولات على ثلاثه و اربعه و اشكالهم رووووعه اما الي فوق السنه ما حصلت عندهم شي حلوو

ودبهامز وااااايد اخذ منهم بس بالسيل و الوانهم و خامتهم لا يعلى عليها بس اسعارهم شوي غاليه فاستغل السيل واللبس مريييييييييح وحلو بجايمهم من كثر ماهي حلو تصلح حق الطلعات الخفيفه يعني بنتي كانت تلبس الليقنز مع التوب واطلعها وياي اذا بروح اماكن قريبه وكان شكلها حدددده كيوت

وبي اتش اس هم حلويييييييييييييييييييييييييييييييييييييييييييييين بس بالسيل يصيرون احلى لوووول وحتا بدون سيل اسعارهم معقوله مو غاليه وشغلاتهم فنكي و كيوووت وحتى الشبشب او جواتي البيت ملوتهم يهبلون

حاليا قاعده افكر بالستايل التالي للصبيان : فنيله ماركه مثلا قاب وعلى فكره قاب عندهم عرض 3 فنايل ب ثمانيه والفنيله بروحها ب6 فممكن تاخذون فنايل منهم و تلبسونهم شورتات عاديه ويصير شكل البيبي زقرتي وكول واقتصادي لوووول

وشكرا عالموضوع وااايد تهمني ملابس البيت ونظافة الياهل وشكله :rerrerek:

 

[mafio98]

برتب لج الاماكن اللي احبهاحسب الترتيب ؛)
١- ماركس سبتسر توب عندي هدومه ماتخترب ولو اختربت او صار اي شي تقدرين تبدلينهم

٢- ديزني

٣- دبنهامز

٤- غاب

٥-كارترز

٦- احيانا من الاسواق الشعبيه بعضهم يكون زين والبعض لا والله تروحون الوانه


المحلات اللي ماحبهم او لاحظت ان ملابسهم تتوسع وتتمطط

١- مذركير

٢- بروي ملابس الشخصيات قيمة الوحده بالخصم ٧ ونص شريت ٣ من اول غسله اللون نزل على اللون !!! والليت اللي فيها اخترب :/ ولما وديتها اراويه يقولي سوري هذي اول شكوى تيي و انتي شاريته من فرعديسكفري يمكن اللي عندهم غير طبعا ماعجبني رده ولارضى يبدلها ولا شي فتوبه اشتري منهم


الماركات ماجربت الا بولو وكوالتي مالهم اوكي



طبعا انا ماذكر ملابس المواليد انا تجربتي على ملابس اليهال من٣ سنين وفوق لان ماذكر شي عن ملابس المواليد ؛)

 

[شيخة الحلوة]

والله خوووش موضوووع


انا الاغلللللب من مذركير وساعات ماركس سينير
ومرة من نكست حلوين بس الاااافضلل مذركير

بس الحين بنتي ذابحتني ما تلبس الا البجامات اللي يكون بنطرونها وسيع من تحت ما يكون مسكر أتمني تكونون فهمتوني هههههه
وحتي بالبيت ماتلبس الا نفااانيييف هههه. وانا قبل ع طووووول ليقنزات وتيشيرتات ويكون شكلها اينن
الحين خذييتلها كميه نفانيف من مذركير ايام التنزيلات وتلبسهم


انا من مارحت المجمعات ههههههه. اخر مرة ليله رمضان فا يبيلي اروح ادور لها
وعيالي الصغار هم نفس الشي الاغلب مذركير*

 

[-فلانة-]

والله حبيبتي انا بنوتتي كنت آخذلها من مذركير و نكست وماركس أند سبنسر بس بصراحة ما قمت ألحق عليها أسم الله عليها تكبر بسرعة..و ملابسهم مو رخيصة..يعني حرام تلبسهم على 4 أو 5 لبسات و أتفاجأ عقب إنهم صغروا عليها..طبعا كجودة لا يعلى عليهم صراحة..ملابسها كلها ملونة و لونهم مثل ما أهوا جنهم مو ملبوسين..و قطنهم مريح وايد وما يتأثر بالغسيل.
آخر مرة شريتلها من سنتر بوينت..والله عجبوني..يعني قطنهم حلو و ألوانهم ما راحت مع الغسيل بعد..فشكلي بقزرها من سنتر بوينت..​

 

[ماعرفتك زين!!!]

يااااحيااتي ماقصرتم كفيتم ووفيتم فديتكم
لاااايوووقف

 

[PuPa^^SWeeT]

نكسست

مذر كير




ماركس سبنسر




































و فاشن مل

 

[hneen2]

والله انا اخذلهم من سنتر بوينت رفم 1 لانهم كد ومد وسعرهم معقول ومذركير رقم 2 لانهم ايننون وانا اتشوق من اشوف نقشاتهم والوانهم بس غالين شوي بس اخذلهم اغلب المرات

 

[شيخة الحلوة]

صححح سنتر بوينت مرة خذيت منهم حلوين بس عاد لاااازم تنقين النقشات الحلوة لان ساعات نقشاتهم مو ذوقي والناس اذواق

بس صححح والله خذيت منهم جم مرة

 

[شيخة الحلوة]

بس في شي

يا كثر قرقتي
هههههههههه


اي سنتر بوينت انا اخذ اكبر من قياس عيالي
لان احسهم حده حددده

 

[q8 knosha]

اووف البجايم مشكله صارلي جم يوم افتر بمذركير ونيكست ورحت سنتربوينت

ابي بجايم نص جم ماكو كله بجم!

حر ليش كله جم طويل مادري :/

 

[q8 knosha]

ايه لقيت في مذركير بس 2 نص جم بس البجاامه حووسه الوان واايد احمر فبرتقالي بزرق بأخضر

كل هذا فبجامه وحده

ابي شي حلو ماكو

 

[STILL G L A M ~]

سنتربوينت


مذركير


.

 

[KOKO_284I]

قبل منت اييب من مذركير اللي يي بجامتين بسبعه

الحين البجامه الوحده تسعه و11 صراحه اوووووووووووووووفر حق اعيالنا اللي كل شوي غسلي ونظفي وهم بجايمهم بالغسيل بسرعه تتوسع من فوق

سنتر بوينت احيانا القى قطع حلوه لان نفس ماقالي الاخت احيانا نقشاتهم خواره

كارترز روعه غسل ولبس ولا يتغير لونه بس للاسف ما في منه بالكويت انا لمه اروح لبنان اروح المحل اخذ لولدي وولد اختي والبيبي اللي ياي بالطريج هالسنه يبتله من اهناك

احيانا اش اند ام ييبون بجامات لقطه بس مو دايما .

 

[توتــه]

اوكايدي رووعه اخذت لبنتي منهم بس بسرعه تخلص قياساتهم

 

[ماعرفتك زين!!!]

حبيباااااتي ماقصرررتم

 

[~وريثة الملوكـ~]

سسسنتر بوينت ومذركير
ونكست
الاسبوع اللي فات رحت اتش اند ام مالقيت عندهم ولا شي
حووسه وزحمه وخرابيط

 

[*ماي الورد*]

كارتر موجود بدبي بستي سنتر
البجايم اللي اروح و لا زم ارجع اخذ منه ايام الربيع عندهم فرع بمجمع العثمان تحت يتمون عندي سنوات

 

[ام فاطمة وزهراء]

أنا بصراحة انتهز فرصة التخفيضات وأشتري حق لدي من ماذركير اللي البجامه تجئ اثنين مع بعض أنا أشوف انهم اقتصادين وعلي فكرة في بعد في ماركس اند سبنسر أطقم بيجاما اثنين مع بعض فانيلة وشاورت وبيجامة وكلهم يركبون مع بعض اما بناتي اشتري بيجامات النوم من ماذركير اللي يجون 3 فى كيس أنا من عمرهم شهر للين اللحين كله بيجامات ماذركير ومرتاحه منهم ولا احاتي اذا شالوا اللبلانكيت ... وسلامتكم

 

[نوناتي حياتي]

سنتر بوينت

احبه