شركة الفيفا والنصب على المستخدم ..!

[!الجادل الصعب!]

السلام عليكم ورحمة الله وبركآآآآآآته

بدآية لما اعلنوآ دخول شركه ثالثه للاتصالات للسوق الكويتي ..
الكل وانا منهم تفآؤل ..
واعتقد بان النصب والاسعار بتقل ..
والصحيح هو كانك يآبو زيد ماغزيت ..!
فيفآ طلعت نفسهم و آردى ..!


شوفوآ مشكلتي ..

1

اخذت خط باشترآك لمدة سنه مع فيفآ .. الاشترآك الشهري 55 دينآر ..
خلصت السنه والاشترآك شهر 9 الي فات وابي افصل الخط .. مو رآضين يفصلونه ..!
دقيت عليهم قآلوا :تقدرين تفصلينه من الشهر الي يخلص فيه الاشترآك .. حلو ..




2

خلص الاشترآك تبع الشهر الي قالو عنه ..
رحت افصله قآلو : لآآآزم تنطرين شهر بعدين تفصلينه ..!
يعني ينزل اشترآك جديد .. طيب انا الخط مآبيه .. ماكلم فيه شلون ؟
قآلوا لآآزم بعد شهر ..
آمنا بـ الله نطرت شهر ..


3

رحت فرع الكوت بفصله .. قآلوا: نزل الاشترآك الجديد ؟!
شلون ينزل الاشترآك الجديد واصلا انا خالص عقدي معاكم من شهر والخط ماشغلته طول هالشهر ؟!
قآل : لانج مافصلتيه ..!!!!!!!
عدت له سالفتي قآل : اصلا ماتقدرين تفصلينه .. لازم نفصل الصفر الدولي وهذا يبيله شهرين على ماينفصل ونتاكد بعدها تفصلينه ..! لو بنفصله السستم مايقبل ان الخط ينفصل ..!

الزبده يعني حركة نصب على المشترك :
* يعني ينزل اشترآكين غيره بعدين ينفصل ..
* يعني ننصب عليج لآخر لحظه ممكنه ..!



4

دقيت على الخدمه مآلتهم 102 ..
قلت له سالفتي وشنو قآلو لي وابي حل ..!
قآل : لا من قال لازم صفر دولي ينفصل ..
تقدرين تفصلينه بس بتآريخ 19/20/21 من كل شهر لآن هالايام هي الي ينزل فيها الاشترآك ..
قلت له : بدفع الي نزل الشهر هذا والي فات بس افصلوو الخط ..
قال : لا الايام المحدده فقط ..
بـ الله انا بسافر مو بالديره .. شلون يعني ترآكم علي الاشترآكات وكل فرع يقولي كلآم غير ..!

قلت له : انا كان عندي خط وطنيه .. دفعت له الي علي ويقطعونه الخط بنفس اللحظه ..
ونفس الشي شركة زين .. هالقوانين الي بشركتكم منو الغبي الي مسويها ..
ذكروني بدستور الليبي الي كاتبه القذآفي ..

طلبت يحولني على مسؤول آكبر منه بقدم شكوى ..
قال : خلاص احط رقمج لمآ يتفرغ لج مسؤول يدق عليج ..!


لآ خووش خدمه صرآحه .. شهرين وداشين الثالث عشآن افصل خط ..!

وهذا انا بروح الحين فرع المطآر بقولهم الكلآم الي قاله لي موظف الخدمه وننطر الفرج ..
رضيت ادفع اشترآك شهرين ماستخدمت فيهم الخط وللحين مايبون يحلون مشكلتي ..!

عندكم حل ؟!

 

[miss $_$ semsem]

الله يعينا على الشركات
كلهم ناصبين علينا الله يصبرنا بس
انا مو فيفا فما اقدر افيدج بخصوص الخط بس مستغربة اووله اشدعوه عليهم كل هالمدة @@

 

[سفيره الكويت]

انا وطنيه وزين ماخذت فيفا لانه ادري انهم يخططون على عمليه نصب

 

[قمورة الكويت]

هلا حبيبتي الجادل

للاسف والله ما اعرف بهالسوالف
بس صج نصااابين ليش جذي .؟؟؟!!!!!!

شوفي وين فرعهم الرئيسي وروحيله الصبح يمكن المسؤول يكون مداوم !!

 

[جوك احلى جو]

ملعندي فكره والله

 

[يفدونك مطير]

نفس حالي ,,,
رحت فصلت الاشتراك وبعدها بــ 5شهور داقين يقولون ادفعي اللي عليج
ولما قلت اني فصلته قال الموظف مافصله وهم مايعرفون منو الموظف,,معقولة شركة
ماعندهم عقود المستخدمين ,,واللحين الاشتراك صارله سنة ويتراكم علي موراضين يصلحون غلطتهم ولا يفصلونة
شركة نصابة
لاحول ولا قوة الا بالله

 

[جوري الكويت]

انا شهر 12 اللي فات اشتركت معاهم بخط انترنت و كل ما ابي اشبك فيه ما يشبك

دقيت عليهم قالوا انتي بأي منطقه ؟؟ قلت لهم جنوب السره جان يقولون الخدمه ضعيفه ب جنوب السره

قلت لهم اللي باعني الخط ليش ما قال لي

و الحين داقين على بيتنا يطالبوني ب 300 دينار

و انا الخط ما استخدمته الا شهر واحد و الشهر اللي وراه فصلوا الخدمه عني

وما دقوا علي الا لمن صار المبلغ 300 دينار لان تراكمت الاشتراكات

حسبي الله و نعم الوكيل في هالشركه النصابه

 

[المطيريه]

روحي حمايه الممستهلك

والله يعينج يا قلبي

 

[وردة-الكويت]

كل شركات نصابين وكل شركه لها طريقتها بلنصب

حسبي الله عليهم ونعم الوكيل

 

[!الجادل الصعب!]

مسآ الخير ..


للحين ماشفت احد دق علي من الشركه ..
خوش خدمة عملآء ..!


رحت للمطآر وتخيلو شنو قآل ..!

قال لا عادي نفصله لك الاشترآك الي ينزل كل شهر ونسوي لك الاشترآك العادي بـ دينآرين شهريآ لين
ينفصل الصفر الدولي ..
تاريخ 22/ 11 تقدر تقطع الخط خلآص ..!



استغفر الله .. يعني ماعندهم يحطون موظفين سنعين ..
الكوت يقولون يبيله الاشتراك ينزل شهرين يـ الله ينفصل الخط ..
استعلاماتهم يقولون نفصله على طوووول ..
المطار يقول نقطع الاشتراك ويتحول اشتراك عادي بـ دينارين لمده شهر بعد ..!



طبعا سويته اشتراك عادي بدينارين .. لان النصب فيهم فيهم ..
وغصب علي وانا اشوف ينصبون علي .. بس دينآرين ارحم من 50 دينآر ..

مو كآفي نزلو 50 زيآده حسبي الله عليهم وانا ماشغلت الخط ..



لي بآك ارد على وحده ردت وماقصرت وتفاعلت معاي حبآيبي ..,



برب ..

 

[manoooram]

ما أفكر أرد أشترك معاهم مره ثانيه
xxx

 

[jod.q8]

روحي لهم بـ اولمبيا .. الدور 17 جنه , و كلميهم ولا تطلعين
الا و انتي خالصه و مفتكه من الخط و خليج من فروعهم الدايخه