شركة ابراج

[**سهام**]

السلام عليكم بنات انا كنت مسوية اشتراك حق بطول الماي من شركة ابراج وكان عندي رقم المندوب ادق عليه يوصل للبيت لكن رقمه للاسف ضاع الحين عندي رقمين للشركة وكذا مرة ادق عليهم محد يرد هذولا الرقمين 24610461 هذا مكتوب على الكوبون مال الشركة 1844666 وهذا لقيته على موقعهم ومثل ما قلت ان هالرقمين زي قلتهم لان محد يرد يشيل التلفون اللي تعرف ارقام ثانية تعطينياهم الله يعافيكم انا للحين عندي كوبونات من الصيف اللي طاف ما خلصتهم يعني اطلبهم فلوس والا جان مغيرتهم لشركة ثانية ومفتكة

 

[Ms. luxury]

الله يعييييينج ..نصيحة اشتروا برادات ماي عادية ..احنا مابغينا نخلص اشتراكنا ..نصابين درجة اولى ..مرة نتصل عليهم ويقولون باجر ومااييون ولما نتصل عليهم يقولون جينا ودقينا الجرس ومحد رد (نصابينن ) أنا على طول بالبيت ..المهم مرة حطينا بطلين ماي بره عن الشقة ومعاهم كوبونين عشان إذا يو يلقون الشغل جاهز ماأمدانا تونا مسكرين الباب ونسمع صوت سيارتهم جان يطق علينا الباب جان يقول وين الكوبونات بس لقينا البطول .. جذاااااب هو اللي ماخذه والله هالسالفة للحين قاهرتني ..أدري طولت عليج بس هذا تحذير حق اللي بتقرا الموضوع انها ماتعامل مع ابراج وكوبوناتهم
هذا الرقم اللي عندي :
24610461 مثل اللي انتي كاتبته

 

[**سهام**]

.ms luxury
مشكورة على الرد يا قلبي
انا من زمان قايلة خلاص ما راح اتعامل معاهم
ونرجع نعبي من الفلتر احسن لنا
لكن شسوي بهالكوبونات لازم اخلصهم
​

 

[nwir72]

لا اله الا انت سبحانك اني كنت من الظالمين​

 

[ام شملاني]

رقم المندوب 66458841 بس ما ادري اذا اوصل حق كل المناطق

 

[**سهام**]

nwir72 مشكورة على الرفع

ام شملاني مشكورة يا حياتي وجزاج الله خير
انا دقيت على الرقم اللي حطيتيه وعطاني رقم مندوب منطقتنا
الف شكر لج
​