- إنضم
- 5 يوليو 2011
- المشاركات
- 578
- مستوى التفاعل
- 0
- النقاط
- 0
هو برنامج أكثر من رائع يساعد كل وحدة متزوجة إذا حابة تحدد وقت الحمل بإذن الله أو تجنبه أو الأيام اللي تساعد على الحمل بالذكر أو الأنثى بعد الله طبعا
البرنامج موجود على أجهزة الأبل والأندرويد ماعليج الا تروحين عند محرك تنزيل البرامج وتكتبن Get baby ويطلعلج شكل البرنامج جذي
بعدها تدخلين عالإعدادات مالت البرنامج وتختارين أول شي منها المدة بين كل دورة وثانية مثال تيليج كل 5 الشهر معناتة المدة 30 يوم يعني تحسبين المدة من اول يوم دورة الى أول يوم دورة من الدورة اللي بعدها
ثاني خيار هو مدة الدورة جم يوم تكون عليج 4 أيام أو 7 أو 9
وآخر خيار خليها ثابتة على رقم 15
طريقة أدخال يوم الدورة تختارين تاريخ أول يوم من اخر دورة من تحت تضغطين على الرزنامة وتختارين تختارين تاريخ الدورة اللي يتلج علشان تنظم لج الجدول وتبين أيام التبوييض والحمل
مثل مو شايفن القطرة الحمرة هو تاريخ يوم الدورة اللي اخترتيه اللي هو اول يوم من اخر دورة
شكل الوردة هو يوم التبوييض
شكل رمز جنس الأنثى الوردي يعني هالأيام اذا صار فيها جماع يكون جنس الجنين بنت
شكل رمز جنس الذكر الأزرق يعني هالأيام اذا صار فيها جماع يكون جنس الجنين ولد
والحلو في البرنامج أول ماتبطلينه اول شي يطلعلج قبل لاتروحين الرزنامة يقولج اليوم امان ولاتبوييض ولا الحمل في بنت أول ولد مثل جذي
طلع اليوم فرصة الحمل في ذكر ....
الموضوع من جهدي وأي سؤال أنا حاضرة ومابي منكم إلا صالح الدعاء ان الله يكتبلي اللي يتمناه قلبي
