شرح بالصور طريقة إضافة إكسسوارات وحركات على الصور...فناتق:)

[@ضحاوي@]

حبايبي كويتيات حبيت أشاركم اليوم معاي بطريقة دمج أي نوع من الإكسسوارات في الصور وبهالطريقة تسوين حركات وطله يديده لصورج وصور عايلتج أو صديقاتج...
أول شئ بحط لكم تطبيقي عشان تفهمون اللي أقصده..
قبل

وبعد

طبعاً أضفت لها القبعة والتراجي(الحلق) والحين بنزل لكم طريقة تركيب الحلق...بس أول شئ تروحين للقوقل((حبيب قلبي:ggdw) وتختارين خيار صور وبعدها تكتبين في البوكس حلق أو قبعات أو تاج أو أي شغلة ببالج تضيفينها للصورة وأفضل تختارين شغلة تكون خلفيتها بيضا عشان لما تشيلين الخلفية تكون الصورة نظيفة الحواف بعد القص...
مثل هاذي:

وطبعاً الوضع اللي تختارين فيه الصورة مهمة يعني يفضل الحلق يكون متدلي أسهل للتركيب بينما الصورة اللي بهالشكل صعب التحكم فيها :

وثاني شغلة يفضل تكون الصورة كبيرة عشان نقاوة الصور وإنتي بعدها تضغطين كنترول+ حرف الT وتصغرينها حسب الحجم المناسب بينما إذا صغرتيها لما تمطينها وتكبرينها تصير مو حلوة ومشوشة.​

يتبــع​

 

[@ضحاوي@]

السلام عليكم ورحمة الله وبركاته


أولاً: هاذي صورة الحلق اللي بنحطه بالصورة...

ثانياً: قص الخلفية البيضاء وهنيه تكون المساحة اللي عليها نجمة ولا تنسون بنات قصي كللل الخلفية البيضا ولا تنسين شئ ..

ثالثاً: تحديد الحلق..حددي كل المساحة البيضة حتى اللي داخل الفراغات عشان تنقص..

ثالثاً: عكس التحديد لنختار الحلق فقط بدون الخلفية الزائدة مع تفريغ حول الحلق وهذه الخطوة مهمة جداً...

رابعاً: نقل الحلق بعد التفريغ والنسخ إلى الصورة المراد التطبيق عليها...

خامساً: بعد ما نلصق الصورة نضغط ctrl+T عشان نتحكم بالحجم...وشوفي شكل صورة الحلق بعد ضغط الكنترول والتي صار إطار له زوايا مربعة ...

سادساً: ضغطي السهم عشان تثبت الصورة بالحجم اللي تبينه وإستخدمي الأسهم لتحريك الحلق يمين أويسار أو فوق وتحت حسب رغبتج...

وهاذي الطريقة بكل بساطة..
أتمنى تكون سهلة طريقة الشرح وأبي أشوف تطبيقاتكم بنات عشان نتأكد من اللي فهمت
وأي إستفسار أنا بالخدمة...
وهاذي صورة البنت قبل الحلق..

​

 

[بقايا غرامك]

faNaNa !!
taslmaN 7BOOba

 

[Miss-LuLu]

وايد حلو وفكر حلوه

لي عوده مع التطبيق

 

[بتبوتااا]

في شي غلط انا قاعده اسويه !

رابعاً: نقل الحلق بعد التفريغ والنسخ إلى الصورة المراد التطبيق عليها...

هالنقطه ما عرفت لهاا

 

[@ضحاوي@]

fanana !!
Taslman 7booba

الله يسلمج حبيبتي وحياج الله نورتي الموضوع:33_1185028183:​

 

[@ضحاوي@]

وايد حلو وفكر حلوه

لي عوده مع التطبيق

الله يحلي أيامج وفي إنتظارج حبيبتي:ggdw:​

 

[بتبوتااا]

ليش تطلع جذي

 

[@ضحاوي@]

في شي غلط انا قاعده اسويه !



هالنقطه ما عرفت لهاا

شوفي حبيبتي هالخطوة:

لازم لما تحطين العصا السحرية على المساحة الخالية تحددين كل المناطق وهالشئ بأنج تدوسين على زر الshift لما تضغطين عليه وتحددين بالماوس الأماكن راح يظلل كذا منطقة...
بعدين لما تحددين الكل روحي حق select وإختاري منها Inverse يعني إعكس التحديد وبتلاحظين في الصورة مرة محدد الصورة كلها وبعد العكس محدد بس الحلق..
هنيه لما توصلين لهنقطة ضغطي كنترول +C يعني كوبي الصورة وعقبها فتحي صورة البنت ولزقي اللي نسختيه...
سوي هالمرحلة وإذا ما ضبطت أنا أفهمج مو مشكلة:eh_s(6):​

 

[@ضحاوي@]

ليش تطلع جذي

يمكن لأنج ناسخه من كوبي من اللير مو اللير الأصلي...
لازم تكونين واقفة على الطبقة الأصلية جربي ورديلي خبر​

 

[بتبوتااا]

واخيراا فهمت

وهذا تطبيقي مش ولا بد بس عالسريع






وشغله اخيره ادري بتكفخيني :\


ما دست سترل يعني لاازم؟؟

وشنو فايدتها؟

وما نحتاج نحط اي طبقات صح ؟


لا تطقين زين

 

[@ضحاوي@]

واخيراا فهمت

وهذا تطبيقي مش ولا بد بس عالسريع






وشغله اخيره ادري بتكفخيني :\


ما دست سترل يعني لاازم؟؟

وشنو فايدتها؟

وما نحتاج نحط اي طبقات صح ؟


لا تطقين زين

عفيه عالشاااااااااااااطره ...كفوا والله بتبوتاا منتي هينه قدها وقدود:ggdw:
و"سترل" يعني شنو
شوفي حبي دام طبقتي يعني وصلتي خير ومو مهم الطريقة المهم تكونين سويتها بروحج وترى الفوتوشوب له 100 طريقه وطريقه وكلن يجرب لين يصيد الحركه اللي تريحه
ودام ضبطت معاج مو لازم تتبعين طريقتي سوي طريقتج لأن كلللل الطرق تؤدي إلى روما:eh_s(6):
وإذا فضيتي بدعي بالصالون:ada:​

 

[Miss-LuLu]

يمكن لأنج ناسخه من كوبي من اللير مو اللير الأصلي...
لازم تكونين واقفة على الطبقة الأصلية جربي ورديلي خبر​

سوري عالمداخله ابله الضحاوي


قبل لا تنقلين الترجية لازم تضغطين هالاداه بعدين نقليها



وهيدا تطبيقي

 

[بتبوتااا]

ميرررررررررررررسي اوووووووووي عالشرح يااقلبي وصاجه كل الطرق تؤدي الى روماا

كاتني منقعه بالصالون على ما ايون الموظفات

 

[@ضحاوي@]

سوري عالمداخله ابله الضحاوي


قبل لا تنقلين الترجية لازم تضغطين هالاداه بعدين نقليها



وهيدا تطبيقي

مس لولو ....لك شو هيدا....بيجنننننن...تسلم دياتك يا ئلبي:ggdw:
ومرسي كتير على التوديح يسلمو:eh_s(6):​

 

[@ضحاوي@]

ميرررررررررررررسي اوووووووووي عالشرح يااقلبي وصاجه كل الطرق تؤدي الى روماا

كاتني منقعه بالصالون على ما ايون الموظفات

هلا والله بالتلميذة النجيبة وحلوة منقعه بالصالون خخخخخخخ والله خوش موظفات دوامهم على مزاجهم:krkrkr:
نطري جم يوم ناويه أفتح عيادة تجميل يم صالونكم على طووول بس بدون مكياج كله نفخ شفايف وخدود وتصغير خشوم وأجسام وتصفية بشرة وتكبير وتصغير اللي خبرج وكل يوم بحط لكم درس وبنطيح تغيرات بالأوادم:dddds:​

 

[Miss-LuLu]

مس لولو ....لك شو هيدا....بيجنننننن...تسلم دياتك يا ئلبي:ggdw:
ومرسي كتير على التوديح يسلمو:eh_s(6):​

اييي انا طريقتي غير طريقتج بشوي

أول شي فرغت الترجية و وخرت الابيض

بعدين حددت وحده منهم ونقلتها للصورة بس (سهالات)

وعشان ماتبين الترجية تركيب،، دخلتها شوي داخل شعرها:dddds: شرايج بالحركات لوووووووول

واييي صج ثنكيو عالدرس الى بيعئد

 

[DBDOB3 DES]

يعطيج العااافيه خيتو درس متعوب عليه
تستاهلين تقييم

 

[@ضحاوي@]

اييي انا طريقتي غير طريقتج بشوي

أول شي فرغت الترجية و وخرت الابيض

بعدين حددت وحده منهم ونقلتها للصورة بس (سهالات)

وعشان ماتبين الترجية تركيب،، دخلتها شوي داخل شعرها:dddds: شرايج بالحركات لوووووووول

واييي صج ثنكيو عالدرس الى بيعئد

هيدا من زوئك يا ئلبي :dddds: وحركة الشعر رووووعة عنجد يالله بدي منك تطبيئ تاني..​

 

[@ضحاوي@]

يعطيج العااافيه خيتو درس متعوب عليه
تستاهلين تقييم

مشكوووورة حبيبتي دورا عنجد خجلتيني وتقيمج أسعدني وعطاني دافع أسوي دروس ثانيه ومشكورة مرة ثانية على تقدير مجهودي ويارب الفكرة تكون وصلت للبنات ويعرفون يطبقون الدرس.​