شرايكم نتساعد : شتسوون بالتونه المعلبه والفيليه السمج اللي ينباع بالجمعيه؟؟؟

[LUXURY]

السلاااااااااااام عليكم


بنات بغيت اسال تعرفون السمج الفيليه اللي ينباع بالجمعيه ماركة الدانه وغيرها؟؟؟ وفي ربيان بعد ينباع نفس الشي؟؟؟ عرفتوووووووه؟؟؟ شطار
انزين شتسوون فيه؟ ابي وصفات حلوه حقه


وهم عندي التونه مادري ليش خطر ببالي كفتة تونه شكو مادري بس ابي تقولولي اشلون نسوي شغلات حلوه بالتونه ووصفات خفيفه وسهله

مادري اشفيني طاقني عقر بقر عالسمج ابي اي شئ زفر ومشتهيه اطبخ قاعده عطاليه بطاليه وشكلها الولاده مطوله لوووووووووووول :jbdwjbd:

يالله ياحلوات عطوننا افكاركم قبل لا اولد وانحرم من السمج بالنفاس :j013:

 

[noorq8]

حبيبتي يغيت انبهج على شغله اذا الفيليه انتاج فيتنام لاتستعملينه ,الأسماك تم تربيتها على مياه الصرف الصحي والمجاري دشي النت وشوفي التقارير عنها كلها مواد مسرطنه.الله يكافينا وياكم الشر.

 

[جارة القمر]

تفضلي طلبك

http://www.q8yat.net/showthread.php?t=539252&highlight=%DD%ED%E1%E5


http://q8yat.net/showthread.php?t=431131&highlight=%C7%E1%DD%ED%E1%ED%E5


http://q8yat.net/showthread.php?t=284185&highlight=%C7%E1%DD%ED%E1%ED%E5


http://q8yat.net/showthread.php?t=430458&highlight=%C7%E1%DD%ED%E1%ED%E5


التونه


http://q8yat.net/showthread.php?t=589503&highlight=%C7%E1%CA%E6%E4%E5

 

[ام الدرر]

فيليه السمج انا اتبله واحط عليه بقسماط او طحين واقليه
وفي طريقة ثانيه قطعيه مكعبات بحجم الاصبع تبليه ببهارات وتندروي وروب وزنجبيل وعقب صفيه من الخلطه وغطيه بالطحين واقليه بزيت حار
عقب سوي حمسة زبدة مع فلفل اخضر بارد ومكعب ماجي خضار وثوم قلبي الحمسة شوي وحطي عليها كريمه شوي وماي وحطي مكعبات السمج سويتها ما صدقوا خواتي انه سمج
الربيان المثلج انا استعمله للسبرنغ رول اقطعه صغار واحمسه بزيت قليل مع زنجبيل مبشور وثوم وبهارات ومكعب ماجي
واحمس ملفوف ابيض شرائح مع جزر وفلفل بارد بزبدة على نار عاليه واضيفه على الربيان واحشيه بعجينة السمبوسه الرول
اما التونه جربيه سلطة مع بصل شرايح منقع بخل وجزر وفلفل بارد وبقدونس او كزبر وحطي عليه ليمون
او ممكن تسوينه كلوب ساندويتش خلطي معاه جزر مبشور وبصل اخضر وكزبرة مفروم ومايونيز

كفتة التونه بالمقادير
2 ع تونه مصفاة
2 بطاطه متوسطه مسلوقة
بصلة مفرومه
كزبر مفروم
نص كوب طحين
بهارات وفلفل اسود
حليب سائل نص كوب او حسب العجن ي1وب فيه مكعب ماجي خضار
للتغطيه
بالترتيب طحين بيض بقسماط
نخلط المقادير الاولى ويضاف الحليب السائل بالتدريج لما تصير الخلطة متماسكة
شكليها اصابع وغطيها بالطحين ثم بالبيض وآخر شي بالبقسماط
خليها بالفريزر نص ساعة وعقب اقليها بزيت ساخن
وآخر الكلام
عسى ربي يعطيج هون الطلق وزين الخلق ويقومج بالسلامة​

 

[^Barbie^]

اختي حاسبي انتي حامل لاتاكلين من هالمعلبات مب زين لج حتى للجنين

اكلي سمج وربيان طاااازج ديري بالج على روحج وخلي عنج هالاشياء الجاهزه .. اذا تبين تتأكدين بطرشلج

اكثر من رابط واقري .. والله يحفظج من كل سوء




‏^Barbie^

 

[:: Diva ::]

انا اسويها حمسة تونا و تنوكل مع عيش ايض و دقوس حامض يم يم



تونه
ملح
فلفل
ليمون
خضار مشكله
بهارات
معجون طماط لو تحبين
بصل
ثوم
فلفل اخضر






بصل + ثوم عالنار
اضيف لها فلفل اخضر و الخضار المشكله
اضيف التونه و عليها البهارات و الليمون و المعجون
علشان تنهري شوي اضيف قلاص ماي اخليها تبقبق لين ينشف الماي شوي


اضيفهم على العيش المشخول

 

[<<لمار>>]

انا السمك اسوية بالفرن مع كريمة اما التونة مااحبها لكن اسويها حمسة لعيالى بساندويش

 

[LUXURY]

مشكووووووورييييييييييييييييييييييين والله ماقصرتو
خزنت الوصفات عندي وباطبقهم



نور
مشكوره عالتنبيه ما كنت ادري
راح اقول للاهل بعد


ام الدرر
تسلمين على الدعوه الحلوه يا رب الله ينولج مافي بالج يا قلبي


باربي
انا ماكل معلبات دايما بالحمال بس الحين لان طرا على بالي مره شريت وتبلته وكليته طلع زفر للاسف
الحين باجربه