شرايكم بهل الاسم لبنوتي البجر

[أحلى عروس 2012]

بنات انا نزلت موضوع ابي منكم تساعدوني باسم لبنتي ان شا الله تجيني سالمة يااااارب
وانتوا ماقصرتوا
انا كنت ابي اسم شوي رزة ويلوق لي كام فلأنها
ولابو ها طبعا ابو فلانه
المهم
فانا حبيت وايد اسم
مناير
وخصوصا انه قريب لاسمي
واسم ابوها
الحين شرايكم بهل الاسم
مناااايرر

 

[ناتشوو]

حلو الاسم

لو حاطة خيارات بعد خل نساعدج
بس كاسم
مناير
حلو مافيه شي

 

[فرفشه منعنشه]

الله يبلغج فيها بالسلامه يارب
​

 

[أحلى عروس 2012]

يحلي ايامج
بس شتحين فيه يعني ثقيل شوي
بدوي حضري جذي
قولوا لي

 

[قمورتي فطوم]

حلو مناير انا احسه عادي مو بدوي
ومناسب ع طفله والخيار لكم هي بنتكم وانتوا اللي بتسمونها




استغفر الله ربي واتوب اليه

 

[ناتشوو]

احس احس احس
احس انه
من الاسماء القديمة الجديدة
الحضرية و البدوية
والشيعية والسنية بعد
يناسب كل الطوائف والطبقات

اقصد
من الاسماء اللي ماتروح موضتها
نفس
نورة منيرة حصة ،، الخ

 

[رقة ورد]

فيه اسامي احلى منه جديده حلا جود جوري
انا اشوف اسم مناير اسم قديم وعادي وانتي براحتك

 

[ككوته]

اهم شي اذا عاجبج سمي بالنهايه بيقولون لج انتي ام فلان او فلانه

 

[أحلى عروس 2012]

انا وأبوها بصراحة واااايد حابينه
بس عادي أتقبل رأي والرأي الآخر خخخ

 

[اخت خالتهم]

زين ما اخترتي

عجيب الاسم

مناير
كل من فيها حاير
مناير
خزنة التاير


رزة وحلو
يا ام مناير

 

[Umzayooon]

اسم مناير فعلا اهوا وبشايرطلعو ببدايه التسعينات
تلقين وايد بنات ببدايه التسعينات بهالاسم كان يديد


اما الحين قليل اللي يسمي هالاسامي
بس. مومعناته ان الاسم قديم
حلو وايدد الاسم وشخصيه مناير دايما هاديه وحبوبه

 

[M!SS.LOBY]

ناايس اسم مناير

 

[مظلومة حيل]

حلووووو

 

[ام الحلوااات]

عــــــااااادي

 

[مشتطـه]

لا والله حلوووو انا عجبني

ويميل للبداوة أكثر احس

 

[عتآق الخيل]

الله يبلغك فيهـآآ هالقمر
وحلو الاسم .~

 

[شقاوة هداوي]

اسم لماررر روعه تقبلي مروري
مناير عندنا بالسعوديه للكبار
وسؤال ثاني هل هذا المنتدى سني او شيعي لان فيه رساله تقول لطوائف كلها استغربت لا تفهموني
غلط انا سنيه بس مافهمت قصد الأخت مؤ الئ كاتبه الموضوع لا لا بعض الردود

 

[انسام الكويت]

بالعكس الاسم حلووو حيل وسهل اصلا لمن ينادونج ام مناير ام منوره شحلاته خفيف ورنته تهبل

انا نوعيتي ماحب الأسامي اليديده مثل تالا وجود ولامار وهالطقه كلش موحلوه وماترقع

انا عجبني الاسم اللي اخترتوه وماعليج كلً ياهل ايي واسمه ورزقه معاه

 

[انسام الكويت]

اسم لماررر روعه تقبلي مروري
مناير عندنا بالسعوديه للكبار
وسؤال ثاني هل هذا المنتدى سني او شيعي لان فيه رساله تقول لطوائف كلها استغربت لا تفهموني
غلط انا سنيه بس مافهمت قصد الأخت مؤ الئ كاتبه الموضوع لا لا بعض الردود

اسم لامار وايد هابين فيه السعودين بس موحلوو كلش انا ماسمغت بهالاسم الا بـ السعوديه


بعدين من متى الاسم يكون خص للكبار او للصغار. عادي هذا اسم منيره


قديم لحريم كبار وماشاءالله. للحين يسمون بهالاسم


والمنتدى كوووووووووويتي ويجمنا كلنا سواء سنه او شيعه وبصراحه ماله داعي هالسؤال العنصري

 

[أحلى عروس 2012]

اي ان شاء الله رسنا ع هل الاسم وربي يبلغنا